كممارس تنويم إيحائي قسم جلساتك على مدار الاسبوع .

متعملش عدد مبالغ فيه من الجلسات كل يوم لإنك مطالب انك تدي 100٪ من طاقتك لكل جلسه .

بالنسبه لي انا جلساتي تلات واربع فقط ومينفعش اعدي ال 5 جلسات في كل يوم منهم .

من شهرين تقريبا اعتذرت لمستفيد جالي علشان مش هعرف اكمل معاه الجلسه ولما زعل سالته تحب نكملها بفايده اكبر وبخصم 50٪ ليك المره الجايه ولا نكملها دلوقتي وتدفع فلوس في حاجه انا مش متوقع اني هكون في كامل طاقتي ليها ؟

زمان كنت ممكن اعمل 12 جلسه تنويم ايحائي في يوم واحد ! حرفيا ممكن ادخل المركز الساعه 10 الصبح ، اخلص بالليل والدنيا فاضيه .

كنت متحمس جدا كنت عايز اعمل كده كنت عايز ازود لرصيدي مجموعه اكبر من الجلسات والخبره ٫ الكلام ده كان من سنين . بس كنت بتعب وبرهق وساعات كنت بنام في فتره الصمت 😀 (طريقه تعميق)

ده لاني شوفت ناس كتير من ممارسين التنويم الإيحائي (مايندكير) فرحانين بعدد الجلسات اليوميه اللي بيعملوها وربنا يزيدكم بس فيه قواعد حابين نمشي عليها علشان نفيد الناس بآفضل طريقة ممكنة :

1- العدد بيكون 75٪ من طاقتك .. لو انت طاقتك 6 هتعمل 4 جلسات فقط لو طاقتك 8 هتعمل 6 جلسات وهكذا ..

2- متعملش جلسات تنويم قبل او بعد او في خلال محاضرات .. الجلسات بيكون ليها يوم محدد خاص فقط بيها ..

3- متعملش جلسات تنويم خلال ايام الكورس التدريبي في حاله كونك مدرب بالذات لو الجلسات لأحد المتدربين في نفس الكورس .. الجلسات بتكون بعد انتهاء الكورس التدريبي بالكامل .

4- لو حسيت انك تعبت لأي سبب تقدر تعمل لنفسك بريك تنويم ذاتي 10 دقايق تشحن طاقتك وترجع تكمل تاني على انك تعمل كده بحد اقصى تلات مرات خلال الجلسات .

5- متتحرجش من المستفيد انك تأجل جلساتك معاه بسبب انك تعبت ، زعل المستفيد أهم من انك تقعد قدامه مصدع ومش فاهم منه حاجه وفي الآخر يدفع حاجه مش بتاعتك .

6- طاقتك 100٪ للمستفيد .. تليفونك مقفول على وشه .. اقلع ساعتك علشان متبصلهاش .. واجب في نهايه الجلسه .. وتاني طاقتك 100٪ للمستفيد .

ويومكم أجمل من يومي

نهاد رجب


Source

مقالات مرتبطة

الا اخبركم بكلمات سحرية تستطيع ان تغير حياتك ؟ &...
views 134
الا اخبركم بكلمات سحرية تستطيع ان تغير حياتك ؟ "انا ...." وضع مكان النقاط ما تريد وكرر فقط احذر قد ينقلب السحر على الساحر .. اختر ما ستضعه مكان الن...
انت تقدر تحقق أحلامك . انت اتخلقت علشان تنجح . غير...
views 326
انت تقدر تحقق أحلامك . انت اتخلقت علشان تنجح . غير مرحب بيك كفاشل ، تم اختيارك في البداية للتعمير ومبرراتك غير مقبولة . خليك مرن كفاية والعب لعبة مع...
امبارح واحد بيسألني تعرف بقى تدخلني في تنويم ؟ قو...
views 486
امبارح واحد بيسألني تعرف بقى تدخلني في تنويم ؟ قولتله بتعرف تعوم ؟ قالي ايوة ! ايه علاقة ده بده ؟ قولتله لان الدخول في التنويم مهارة زي العوم بس مه...
انا جعان جدا بسبب اني فطرت غلط ومقدرش أفطر دلوقتي ...
views 58
انا جعان جدا بسبب اني فطرت غلط ومقدرش أفطر دلوقتي علشان ملتزم بمواعيد للاكل بتاعي . بس براقب افكاري فضحكت ، لاني لأول مرة اكتشف اني نفسي اكل فطير من...
باخد كورس اونلاين عن اللايف كوتشنج مع مدرب سكوتلان...
views 42
باخد كورس اونلاين عن اللايف كوتشنج مع مدرب سكوتلاندي ، بقالي ساعات ، وبدات اهلوس انه بيتكلم عربي بتحصلي كتير لما اكون باخد كورس بلغه تانيه او في بلد...
ممارسين التنويم الايحائي الحلوين يوم 11 ان شاء ا...
views 185
ممارسين التنويم الايحائي الحلوين يوم 11 ان شاء الله هيكون ميعادنا مع مداخلة تدريبية للجميل جونثن رويل على الاسكايب جونثن رويل من أشهر مدربي ومعالج...
مقياس تغيرك بيبان في تعاملك مع الماضي . المواقف ال...
views 292
مقياس تغيرك بيبان في تعاملك مع الماضي . المواقف اللي بتحطك فيها الصدفة وإحساسك بالتغيير تجاهه هي اللي بيثبتلك فعلا درجة تحررك . اشتغل على نفسك وحب و...
كنت خايف اسافر لبلد بتتكلم انجليزي ، مع ان تعليمي ...
views 111
كنت خايف اسافر لبلد بتتكلم انجليزي ، مع ان تعليمي انجليزي بس كنت حاسس اني مش هعرف أتكلم ، ولما كنت في بلدي وبهتلر نفسي كنت بلاقي نفسي مش عارف اقول جمل...
سر إختراق العقل الأول | للإقناع والتحكم في المشاعر...
views 1841
سر إختراق العقل الأول | للإقناع والتحكم في المشاعر | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجبhttps://ww...

About the author

nihadragab