جيرالد ابستين ، مؤلف كتاب “التخيلات العلاجيه” وكان الكتاب ده بيضم اكتر من 70 تخيل لعلاج امراض محدده . الكتاب ده لف العالم وكان من آكتر الكتب مبيعا .

هو احد اساتذتي في الأكاديميه الأمريكية للتنويم الإيحائي وهو مؤمن جدا بقوة التخيل في العلاج بعد ما عمل مجموعه ضخمه من التجارب الموثقة على المرضى بحكم انه طبيب بشري .

جيرالد ابستين عنده حوالي 80 سنة ٫ وجلسته مدتها 5 دقايق !

الدقيقة ب 120 دولار ! يعني بإجمالي 600 دولار !

مش ده الغريب . الأغرب ان الناس بتدفع وعنده قايمة ناس مستنين دورهم لجيل كام بدون مبالغه

بيعمل ايه بقى الجدع ده ؟

بيجيله مثلا شخص عنده مشكله فبيسأله سؤالين :

– ايه التخيل اللي في دماغك عن المشكله ؟
– ايه تخيلك عن النتيجه ؟

– كرر تخيل النتيجه

– افتح عينك
– ادفع للسكرتيره

جيرالد ابستين كان عنده مقوله بحب اقولها في الكورسات “الحقيقه ليست هي الواقع” ، يعني ببساطه لو اديتك كوبايه عصير برتقال وقولتلك الكوبايه دي فيها ايه ؟ هتقولي برتقال هقولك لا غلط ! عصير برتقال !

ومن خلال المثل ده كان بيحاول يوضح حاجه لنا الا وهي ان نسبه افتراضنا لمعلوماتنا عن العميل تكون صفر . واننا نتعامل معاه بدون افتراض او حكم او تقييم .

رجوعا للتخيلات . وبناءا على الحقيقه ليست هي الواقع والعكس ٫ ابستين مؤمن جدا ان الحياه كلها ليست هي الواقع ، وتخيلاتك ما هي الا اوامر لعقلك وللكون علشان تغير بيها حياتك . مش مجرد صور ذهنيه ملهاش قيمه . والتكنيك اللي هو استخدمه واللي طبعا الاسئله اللي فوق مش كل حاجه فيه ٫ كان بيخلي الناس تدخل بشعور معين وتخرج بحياه كاملة مختلفة .

علموا اولادكم السباحه والرمايه وركوب الخيل والتخيل

كل حاجه ، اختراع ، او غيره حصل في العالم كان بدايته التخيل الخاص بالنتيجه . انت كمان قبل ما تبدأ حاجه تخيل نتيجتها ، وخد خطوه وابدأ .

لو قدرت انك تمارس رياضه التخيل ، لو قدرت انك تمارس رياضه عدم التقييم والحكم على نفسك والآخرين .. هتحقق قول الشاعر الانجليزي روديارد كيبلنج

Yours is earth and everything in it and which is more .. you’ll be a man my son .

يومكم تخيلات
نهاد رجب


Source

مقالات مرتبطة

حاجة في منتهى الروعة هيفوتكم كتير لازم تسمعوها ...
views 1425
حاجة في منتهى الروعة هيفوتكم كتير لازم تسمعوها الفنان أحمد هيكل !قطر لعبة جديد أحمد هيكل 2015. Ahmed Hikal "Qatr Le3ba" Lyrics By : Kareem Hakeem ...
مستنيكم ع السناب تشات. حاجات حلوه هتعجبكم هتكلم ع...
views 228
مستنيكم ع السناب تشات. حاجات حلوه هتعجبكم هتكلم عنها nihadragab Source
كنت امبارح بتكلم في محاضرة عن الاسئلة العليا ، وقو...
views 30
كنت امبارح بتكلم في محاضرة عن الاسئلة العليا ، وقولت ان من وجهة نظري ان من ضمن اهميتها هو ان النوعية ديه من الاسئله بتعمل حاله زي حالات الذكر ، مجرد ا...
– انا خايف اخد خطوة افشل – وانت دلوقت...
views 102
- انا خايف اخد خطوة افشل - وانت دلوقتي ناجح ولا فاشل ؟ Source
لكل المتواجدين معانا بكورس مارس 2017 الحالي (فقط) ...
views 116
لكل المتواجدين معانا بكورس مارس 2017 الحالي (فقط) يرجى الاشتراك بجروب الدفعة من هنا : https://www.facebook.com/groups/1854671191466133/18546729381...
دعواتي الخالصه لأهالي ضحايا الطائره المصريه المنكو...
views 173
دعواتي الخالصه لأهالي ضحايا الطائره المصريه المنكوبه القادمه من فرنسا الى القاهرة ، وأسأل الله جل وعلا أن يثبت ذوييهم ويغفر لهم ويطمئن قلوب الجميع . ...
وفِي النهاية هتكتشف ان كل ده شكل من أشكال التنويم ...
views 34
وفِي النهاية هتكتشف ان كل ده شكل من أشكال التنويم بالإيحاء من قريب او من بعيد ، هتحس بالإيحاءات والاقتراحات في اغلب التطبيقات وكإن التنويم الايحائ...
خلال الفترة القادمة هنشط في ال Social Experiments ...
views 158
خلال الفترة القادمة هنشط في ال Social Experiments "التجارب الاجتماعية" وهي بتكون تجارب نفسية بقيس نتايجها وبدرسه وببدأ اناقشه في الدورات او المحاضر...
الإسلام دين راقي وشيك واتيكيتش يعني علمك انك تس...
views 43
الإسلام دين راقي وشيك واتيكيتش يعني علمك انك تستأذن قبل الدخول قالك تخبط على الباب تلات مرات لما تتكلم متعليش صوتك ادفع بالتي هي أحسن جادل بالحس...
ممارس التنويم الإيحائي | أنا منحاز للتنويم بالإيحا...
views 552
بحضر لممارس التنويم بالإيحاء (المرحلة الثانية) .. وكالعادة ببدأ من جديد التنويم بالإيحاء هو أقوى تقنيات الدعم النفسي ، من وجهة نظري ومن خلال الفيدب...

About the author

nihadragab