الناس فاكرة ان التنويم الإيحائي يقتصر على “غمض عينك” … “استرخي بعمق”

وده فعلا ليه طرقه وتقنياته ، بس تعاملي مع التنويم الإيحائي عمره ما كان كده .

التنويم ليه سحره . وسحره انه بيختارك ! يعني تأثيره معاك بيكون مختلف عن حد تاني حتى لو انتم الاتنين عملتوا نفس الخطوات وقولتوا نفس الكلام .

التنويم بيديلك تأثير مختلف ، لو حبيته بيحبك . التنويم كتقنيه بتخليك بشكل لا واعي تقول كلام او تجيلك أفكار ، عمرك ما كنت هتفكر فيها قبل الجلسه . علشان تكتشف انك في اللحظه اللي بتساعد فيها شخص وبتدخله في تنويم إيحائي بتكتشف انك سبقته للحالة . وانت نفسك فيها .

شوية شوية بتوصل لمرحلة عجيبة من التأثير بتخليك تبص لحد وتقوله اقتراحاتك ويتأثر بيها وتشتغل من غير لا يغمض عينه ولا ياخد نفس عميق .

يمكن التجربة اللي بتجي في بالي دلوقتي اني كنت في محافظه من المحافظات كنت في بريك محاضرة فقربت مني سيدة وقالتلي انها عندها مشاكل في النوم وعايزة تجرب التنويم الإيحائي في انها ترجع تنام زي زمان .

وحصلت بيننا المحادثه ديه :-

– امتى آخر مره حسيتي بصعوبة في النوم ؟
– كل يوم
– امتى ؟
– امبارح
– ايه اللي يخليكي متأكده انك النهارده هيبقى عندك نفس المشكله ؟
– انا اتعودت على كده
– ولو قولتلك انك النهاردة هتلاقي نفسك نايمه كويس وبعمق ؟
– ازاي ؟
– مفيش زي كل يوم هتروحي تنامي على السرير مجرد ما هتغمضي عينك هتلاقي عينك تقيله وانك عايزه تقفليها اكتر وفي خلال لحظات هتنامي اعمق من اي يوم تاني .
– مستعدة تنامي احسن النهارده ؟
– جدا

بعدها رجعت القاهره واتصلت بيا تالت يوم بعد ما نسيت القصه وقالتلي انها بقالها يومين بتنام كويس جدا ! شكرا جدا انا حتى مدفعتش تمن الجلسه .. الخ

ويمكن تكون المحادثه اللي كتبتها مبالغ فيها واطول من الكلام اللي اتقال . بس ده ببساطه اللي بيحصل لما بيكون عندك ثقه بتبان على صوتك ٫ نيه إيجابيه بتبان في تعبيراتك واقتراحات جاهزه بتظهر في كلامك !

لا غمضت عنيها ولا استرخت ولا خدت نفس عميق .. كل اللي حصل هي كلمتين تلاته في حاله هدوء .. عندها استعداد .. عندها توقعات .. وساعتها اي حاجه هتقولها هيكون ليها تأثير لو نظمت كلامك بشكل سليم .

انت كمان تقدر تكون ممارس التنويم الإيحائي ، كل نيه ايجابيه ، بتفرق . لو صفيت النية وقولت للناس كلام هتلاقيهم بيتأثروا من غير ماتدرس كلمة عن التنويم ولا الهاند شيك اندكشن .

صدق اللي انت عايزه يتحقق هيتحقق .

تخيل اني قولتلك “بكرة هو يوم جميل وايجابي في حياتك” مش عايزك تقرا الكلام ده بعقلية “اما نشوف” انا عايزك تقراه بعقليه ان ده خبر حقيقي وان ده فعلا اللي هيتحقق . تخيل ان الجملة دي هي اسمك اللي مستحيل تشك في صحته . عايزك تقراها وتبتسم وتفرح وتقول للناس وتنبسط وتتأثر جدا من السعادة ! عايزك تعيد العملية دي تلات اربع مرات لغايه ما تحس بيها بشكل حقيقي ..

ويومك أجمل من يومي

نهاد رجب


Source

مقالات مرتبطة

فرصتك لتصبح مرشد اسري محترف ومعتمد مع المدرب الاقو...
views 213
فرصتك لتصبح مرشد اسري محترف ومعتمد مع المدرب الاقوى في مجال تدريب الاستشارات الزوجية / ابراهيم خطابفرصتك لتصبح مرشد اسري محترف باعتماد جامعة عين شمس ...
الآن بالقاهرة وبمواصفات دولية معتمدة | كورس ممارس ...
views 170
الآن بالقاهرة وبمواصفات دولية معتمدة | كورس ممارس التنويم الايحائي نوفمبر 2016 سيتم تدريبك على أحدث التقنيات الخاصة بالتنويم الإيحائي في العالم لتقو...
يوم عن يوم بحس ان فيه حاجات حلوه بتحصل في البلد ب...
views 119
يوم عن يوم بحس ان فيه حاجات حلوه بتحصل في البلد بسافر الدنيا وبرجع حاسس اننا برضه احسن لكل شخص بيتكلم بأي لغه مصر حلوه والدنيا بتستقر يوم عن يوم ول...
المتفاؤل مش اللى بيشوف نص الكوباية المليان...
views 1323
  المتفاؤل مش اللى بيشوف نص الكوباية المليان المتفاؤل الحقيقي والايجابي هو اللى بيفكر المية اللى في الكوباية جات منين ، وازاي يقدر يستخدمها...
خواطر نفسية فيسبوكية
views 2688
  خواطر نفسية فيسبوكية 1- الشخص غالبا مابيتبع التعليق الأول او التعليقات الأولى في رأيها عن البوست ، وممكن تعليق واحد يغير احساسك بالبوست او رأ...
اثناء تطبيق احد المقنعات على مذيعة السوشيال ميديا ...
views 286
اثناء تطبيق احد المقنعات على مذيعة السوشيال ميديا في برنامج القاهرة اليوم أمس . نهاد رجب Source...
ان شاء الملك سأتواجد بالأردن يوم 28 يناير لتقديم م...
views 123
ان شاء الملك سأتواجد بالأردن يوم 28 يناير لتقديم محاضرة خاصة بالإقناع والتأثير النفسي بعمان والظهور ضيفا بالتلفزيون الأردني .. سعيد برؤيتي للعديد من أ...
سبحان الملك انا عندي مشكلة حقيقية في كل ضروسي ول...
views 36
سبحان الملك انا عندي مشكلة حقيقية في كل ضروسي ولازم اروح لدكتور اسنان والم عجيب محتاج 20 جلسه تنويم ذاتي علشان يخف بس مش يختفي وصدري بيوجعني وجع ج...
ارضاء الناس حاجة عاملة زي انك تسيب عربيتك ال BMW و...
views 159
ارضاء الناس حاجة عاملة زي انك تسيب عربيتك ال BMW وتروح تركب اوتوبيس في يوم زحمة وحر وعرق . وتكتشف ان الناس بتتخانق معاك علشان مش عارفين يقفوا بسببك .....
لأول مرة في الأردن دورتي دبلوم وممارس تقنية الـTra...
views 153
لأول مرة في الأردن دورتي دبلوم وممارس تقنية الـTrance مع المدرب العالمي نهاد رجب 1- دورة دبلوم تقنية الـTrance تبدء في 20/4/2017 حتى 22/4/2017 في أ...

About the author

nihadragab