تعرف على العناصر الاساسيه للصوت الأكثر تأثيرا

يعني ايه صوت استرخائي تنويمي ؟
من اول لحظه في أي جلسه تنويم بحس اني بدوس على ذرار الصوت
وكإن صوتي وطبيعتي وتنفسي بيختلفوا في وقت واحد ٫ وتركيزي الكامل بيكون للجلسه .
ساعات بقول اني ممكن اعمل كورس ممارس التنويم الإيحائي واقعد 10 سنين مثلا بس فيه حاجات مينفعش تدرب لكن الخبره والحياة والنية هي اللي هتوجهك ليها . ومن اهمها الصوت
الصوت التنويمي ليه أكتر من خاصية لازم تكون موجود فيه :
– الراحة
فرق شاسع في تون صوتك لو ابتسمت بس وانت بتتكلم حتى لو المستفيد مغمض عينه . صوت تاني خالص بيبدأ إنه يظهر وتأثير مختلف بيحصل .
وعلشان صوتك يكون مريح لازم مع تهدئه صوتك ٫ تبدأ في الابتسام ، استخدام كلمات زي “أمان” و “اطمئنان” و “هدوء” الخ بشكل مكثف جوا الجلسه .
وهنا لازم تبدأ سرعه صوتك تتناسب مع تنفس المستفيد والجميل انك هتلاقي لما تبدأ تهدي سرعه كلامك ، تنفس المستفيد بيبدأ يهدى ولو سرعت كلامك تنفسه هيتأثر تاني .
– اظهار المعاني
علشان تقدر تقنع المستفيد بكلامك ويبدأ ينسجم معاك ، ضروري صوتك يظهر المعاني للكلمات اللي بتقولها . يعني مينفعش تقول “سعاده” زي ما بتقول “حزن” ومينفعش تقول “قوه” زي ما بتقول “ضعف” الخ .
– شخصيه الصوت
اقتراحاتك جوا جلسه التنويم بتاخد شخصيات ، يعني لو بقول لمستفيد “انت من اول النهارده واثق من نفسك” ممكن اقولها بكذا شخصيه (الأب الآمر او الام الحنون او الصديق الناصح او المحامي او او او ) وكل نبره صوت ليها تأثيرها وموضعها جوا الجلسه .
– النيه
نيتك تجاه المستفيد بيبان تأثيرها جدا لما تلاقي نفسك بتستخدم كلمات مختلفه ٫ انت نفسك مش عارف ازاي فكرت فيها . وتكتشف ان بعد الجلسه ما بتخلص المستفيد بيقولك “انت عارف لما قولتلي كذا وكذا حسيت ب (شعور ايجابي)”
انت نفسك متعلمتش الكلام ده بس سبحان الله بتلاقي الكلام بيجري على لسانك وكل اللي انت محتاجه هو انك تنوي الخير للمستفيد .
– صوت الأمر السؤال
وهو صوت بتقول بيه الاقتراح بنبره آمره على هيئه سؤال .
في كل كورساتي بهتم جدا اني اوجه الناس لتعلم مهاره او اتنين اهمهم الصوت والتمثيل
بس ملحوظه .. قصاد شخص بيقول صوتك بيخليني استرخي هتلاقي شخص تاني بيقولك العكس . بس بتقل النسبه ديه جدا لو كانت الجلسه حية في مكان محدد ، مش اونلاين او مسجله على اليوتيوب .
يومكم اجمل من يومي
نهاد رجب

source

مقالات مرتبطة

الأزهر يجيز كتابًا يبيح التنويم المغناطيسي بشروط ش...
views 6216
أجاز مجمع البحوث الإسلامية بالأزهر الشريف كتاب يجيز استخدام التنومي المغناطيسي في العلاج، ويحرم قانون الجذب، حيث حمل الكتاب عنوان المنهج الإ...
برنامج حياه جديده – الحلقه 17 – تعلم ك...
views 54
برنامج حياه جديده - الحلقه 17 - تعلم كيف يمكنك تحفيز نفسك ! - نهاد رجب http://www.facebook.com/nihad.ragab2011 source...
تقنية التنويم الإيحائي والتعامل مع الأطفال لـ نهاد...
views 210
تعلم تقنية بسيطة وسريعة لتلقين الطفل مجموعة الاقتراحات دون الحاجة لتعلم التنويم الإيحائي - اثناء النوم - نهاد رجب أول مدرب عربي للتنويم الضمني مدر...
برنامج حياه جديده – الحلقه 10 – كيفيه ...
views 56
برنامج حياه جديده - الحلقه 10 - كيفيه التأثير على الناس للتعاطف مع قضيتك - نهاد رجب http://www.facebook.com/nihad.ragab2011 source...

About the author

nihadragab

6 Comments