يعني ايه صوت استرخائي تنويمي ؟

من اول لحظه في أي جلسه تنويم بحس اني بدوس على ذرار الصوت

وكإن صوتي وطبيعتي وتنفسي بيختلفوا في وقت واحد ٫ وتركيزي الكامل بيكون للجلسه .

ساعات بقول اني ممكن اعمل كورس ممارس التنويم الإيحائي واقعد 10 سنين مثلا بس فيه حاجات مينفعش تدرب لكن الخبره والحياة والنية هي اللي هتوجهك ليها . ومن اهمها الصوت

الصوت التنويمي ليه أكتر من خاصية لازم تكون موجود فيه :

– الراحة

فرق شاسع في تون صوتك لو ابتسمت بس وانت بتتكلم حتى لو المستفيد مغمض عينه . صوت تاني خالص بيبدأ إنه يظهر وتأثير مختلف بيحصل .

وعلشان صوتك يكون مريح لازم مع تهدئه صوتك ٫ تبدأ في الابتسام ، استخدام كلمات زي “أمان” و “اطمئنان” و “هدوء” الخ بشكل مكثف جوا الجلسه .

وهنا لازم تبدأ سرعه صوتك تتناسب مع تنفس المستفيد والجميل انك هتلاقي لما تبدأ تهدي سرعه كلامك ، تنفس المستفيد بيبدأ يهدى ولو سرعت كلامك تنفسه هيتأثر تاني .

– اظهار المعاني

علشان تقدر تقنع المستفيد بكلامك ويبدأ ينسجم معاك ، ضروري صوتك يظهر المعاني للكلمات اللي بتقولها . يعني مينفعش تقول “سعاده” زي ما بتقول “حزن” ومينفعش تقول “قوه” زي ما بتقول “ضعف” الخ .

– شخصيه الصوت

اقتراحاتك جوا جلسه التنويم بتاخد شخصيات ، يعني لو بقول لمستفيد “انت من اول النهارده واثق من نفسك” ممكن اقولها بكذا شخصيه (الأب الآمر او الام الحنون او الصديق الناصح او المحامي او او او ) وكل نبره صوت ليها تأثيرها وموضعها جوا الجلسه .

– النيه

نيتك تجاه المستفيد بيبان تأثيرها جدا لما تلاقي نفسك بتستخدم كلمات مختلفه ٫ انت نفسك مش عارف ازاي فكرت فيها . وتكتشف ان بعد الجلسه ما بتخلص المستفيد بيقولك “انت عارف لما قولتلي كذا وكذا حسيت ب (شعور ايجابي)”

انت نفسك متعلمتش الكلام ده بس سبحان الله بتلاقي الكلام بيجري على لسانك وكل اللي انت محتاجه هو انك تنوي الخير للمستفيد .

– صوت الأمر السؤال

وهو صوت بتقول بيه الاقتراح بنبره آمره على هيئه سؤال .

في كل كورساتي بهتم جدا اني اوجه الناس لتعلم مهاره او اتنين اهمهم الصوت والتمثيل

بس ملحوظه .. قصاد شخص بيقول صوتك بيخليني استرخي هتلاقي شخص تاني بيقولك العكس . بس بتقل النسبه ديه جدا لو كانت الجلسه حية في مكان محدد ، مش اونلاين او مسجله على اليوتيوب .

يومكم اجمل من يومي
نهاد رجب




Source

مقالات مرتبطة

جزء من اكتشافي لمعتقداتي الداخليه اللي بتحركني وبد...
views 33
جزء من اكتشافي لمعتقداتي الداخليه اللي بتحركني وبدايه لتبني مفاهيم اللايف كوتشنج في شغلي واللي علمتني اني اولا لازم افهم نفسي قبل ما احاول افهم الاخري...
ده مش نص اكتئابي ده كلام لو فعلا فهمته … هت...
views 2328
بستغرب الناس اللى متمسكة بالدنيا بتخاف اوي من الموت نسيوا انهم كانوا خايفين من الحياة ومتمسكين بالعدم في يوم من الايام ونسيوا ان الموت هو...
كل حاجه عايزها دخلت في ادراكك وطالما قدرت تدركها ...
views 41
كل حاجه عايزها دخلت في ادراكك وطالما قدرت تدركها تبقى قادر تحصل عليها لو مكنتش ليك مكنتش هتفهمها ولا هتشوفها من البدايه احنا بنطلب فقط اللي نقدر نفه...
«صدى البلد» يرصد: النصب في علاج الأمراض المستعصية ...
views 3302
منوم يزعم قدرته على العلاج بالتنويم المغناطيسي عبر الهاتف معالج : أهم عنصر هو السماع ولديّ قدرة علي علاج الأمراض المستعصية نهاد رجب: لا صحة لقدرة ال...
إعتماد ال National Guild of Hypnosis تم بحمد الل...
views 178
إعتماد ال National Guild of Hypnosis تم بحمد الله اعتمادي من مؤسسة ال N.G.H "كمعالج معتمد بالتنويم الإيحائي" وعضو من أعضاءها ومهمتنا هو نشر التنويم ...
غدا ان شالله محاضرة جماهيرية لأكثر من ١٠٠ مهندس وا...
views 46
غدا ان شالله محاضرة جماهيرية لأكثر من ١٠٠ مهندس واداري وفني بالشركة الوطنية للكهرباء بالمملكة الاردنية الهاشمية برعاية أكاديمية كوزميك توكلنا على ا...
الا اخبركم بكلمات سحرية تستطيع ان تغير حياتك ؟ &...
views 134
الا اخبركم بكلمات سحرية تستطيع ان تغير حياتك ؟ "انا ...." وضع مكان النقاط ما تريد وكرر فقط احذر قد ينقلب السحر على الساحر .. اختر ما ستضعه مكان الن...
أبراكدابرا – الحلقة 3 – غسيل المخ وقوة...
views 245
أبراكدابرا - الحلقة 3 - غسيل المخ وقوة الاعتقاد والتحكم في الآخرين #نهاد_رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نه...
ارضى مقالة هتخلى عمرك يطول
views 4297
  عمرك سمعت عن تشويه الوقت قبل كده ؟ قريت عنه ؟ طب عرفت نظرياته ؟ نفض لكل الكلام ده ، الي يعرفني عارف انك مش محتاج تكون فاهم حاجة علشان تعرف انك...
بدء قبول طلبات الحجز بكورس ممارس التنويم الايحائي ...
views 27
بدء قبول طلبات الحجز بكورس ممارس التنويم الايحائي - اغسطس - القاهره ٢٠١٧ الكورس ايام الخميس والجمعة والسبت من كل أسبوع لمدة ثلاث أسابيع بشهر اغسطس ...

About the author

nihadragab