كنت في الطيارة من كام يوم متجه للأردن على Royal Jordanian Airlines
رحلة RJ 502

اتاخرنا في الإقلاع وده خلى أحد المواطنين الأردنيين يتضايق شوية ، بصراحة كلنا اتضايقنا بس هو الوحيد اللى اتكلم

وبدأ يتعصب وفعلا بدأ يتكلم بصوت عالي والمضيفيين جم وهو بيقول انا هشتكيكم انتوا اخرتونا انتوا مبتحترموش المواعيد ، الخ

طبعا ده اثلج صدورنا لحد ما جات مضيفة ، شابة في العشرينات اعتقد ، واتكلمت معاه بابتسامة ، وسالته عن اللى مضايقه … هنا انا ركزت جدا معاها علشان اشوف هتعمل ايه .. ووالله العظيم انبهرت ..

في البداية اتكلمت معاه وهو متعصب ، فدارت بينهم المحادثة الاتية :

– انتوا مش بتحترموا حد ، انا مواطن أردني ، وانتوا اخرتوني …

المضيفة : لا استاذ احنا مش عنصريين .. الطيارة عليها من جميع الجنسيات ، واحنا بنعامل كل الركاب بنفس الاهمية

(المضيفة هنا استخدمت اسلوب مشهور جدا وحولته من شخص بيهاجم لواحد بيدافع عن النفس)

– لا لو سمحتي متحوليش الموضوع انا مش قصدي عنصرية انا قصدي …

(في اللحظة ديه احد الركاب اتكلم معاها وسالها سؤال راحت ردت بعصبية جدا تجاهه وقدام الشخص المتعصب وقالت للي قطع الحديث بنبرة قوية : “لو سمحت انا بتكلم حاليا مينفعش تقاطعنا مش هنتكلم جماعي احنا ..” وبعد كده التفتت لأخونا المتعصب وابتسمت وبصتله)

(الراجل في لحظة اتحول من عصبي ومتوتر لشخص هادىء ووطى صوته معاها واتحولت نبرته 180 درجة )

– انا بس كان قصدي اننا اتاخرنا عن ميعادنا وكنت بس عايز اعرف ايه الاسباب ؟

– حضرتك الجو في عمان فيه مشكلة ، وعلشان كده الاقلاع اتاخر علشان احنا بنهتم بحياة الركاب ويهمنا سلامتهم وأمنهم ولا انت عايز حد يحصله حاجة لا قدر الله ؟

(انا هنا في اللحظة ديه كنت هقوم اسقفلها والله)

اللى هي عملته انها في البداية حولت المهاجم لمدافع عن النفس ، خوفته لما زعقت (بشكل ما) لراكب تاني قدامه ، ولما هدي ، اديته الضربة التالتة والقاضية انها خلت كل الركاب في صفها هي وضد الشخص اللى اصلا كان الحق معاه وفجأة اتحول لمتهم )

الناس كلها سكتت ، وبعدها ب 20 دقيقة الطيارة بدات تتحرك من غير اي انزعاج لأي راكب تاني .

شوف الفيديو ده واعرف ايه التقنيات المستخدمة :

https://www.facebook.com/nihad.ragab2011/videos/1262891397154373/




Source

مقالات مرتبطة

لماذا يبتلينا الله ؟ | خاطرة لـ نهاد رجب...
views 8368
في يوم واحد ولثلاث مرات من ثلاث أشخاص مختلفين رابعهم أنا ، سمعت مقولة "ابي كان يريدني أن أكبر وأصبح أقوى" تذكرت الطفولة وكم تمنيت أن أهرب من البيت ...
منذ ان وطئت قدمي أرض هذا البلد ولم أتوقف عن الانبه...
views 263
منذ ان وطئت قدمي أرض هذا البلد ولم أتوقف عن الانبهارللحظة ولن اخبرك اليوم عن عجائب باريس وأساطيرها المدوية في العالم ، ولكني سأخبرك أمرا إن فهمته وم...
انت عارف ان كل حاجة حلوة في حياتك ممكن تكون بسبب د...
views 33
انت عارف ان كل حاجة حلوة في حياتك ممكن تكون بسبب دعوة واحد ؟ انت متخيل ان قراراتك اللي بتاخدها ممكن تكون بسبب ان حد دعى ربنا علشانك وعلشان ربنا هو ا...
مناقشة عامة سؤال : “لا استطيع التواصل مع ز...
views 26
مناقشة عامة سؤال : "لا استطيع التواصل مع زوجي وحياتنا في قلق دائم بعد ان اختفى الحب من حياتنا" تفتكر كيف يممكن يتم تحسين العلاقة بين الزوج والزوجة...
الديون بتجيب ديون نهاد_رجب
views 2776
    الديون بتجيب ديون عمرها مافكت زنقه عمرها ماهتفك زنقه لو عليك ديون سددها حتى لو كانت بسيطة الدين ممكن يكون كلمة حلوة اتقالتلك و...
كورس ممارس التنويم الإيحائي (موديل 1 و 2) نوفمبر ...
views 236
كورس ممارس التنويم الإيحائي (موديل 1 و 2) نوفمبر 2016 9 أيام (خميس وجمعة وسبت) من كل اسبوع لمدة 3 أسابيع من الساعة 4 الى الساعة 8 مركز لايف ان بال...
5 أسباب تجعلك تعشق المغرب لـ نهاد رجب...
views 3389
"قبل أن أأتي إلى هنا أخبروني عن السحر في المغرب وحذروني منه ، فمن يذهب لا يرجع ، يسحر يا رجل ! ...  وعندما جئت وجدته ، ليس سحرا بالمعنى الذي فهمته ولك...
الخطوة اللي تاخدها لهدفك في خيالك تتحسب | نهاد رجب...
views 158
الخطوة اللي تاخدها لهدفك في خيالك تتحسب Source
هل تعلم أن التنفس السليم يعادل 90% من دورات التنمي...
views 1544
هل تعلم أن التنفس السليم يعادل 90% من دورات التنمية البشرية ؟! Source

About the author

nihadragab