والعجيب انك لما تفكر هتكتشف ان قراية ماضي الأشخاص سهل للملاحظ الذكي .

الموضوع ملوش علاقة بمعرفة الغيب او خبط الودع .. اد ما هو ليه علاقة أكبر بملاحظة سلوك الآخرين . كل سلوك كل تعبير وجه وكل حركة بيقوم بيها الشخص ورد فعل ، بتفتح قدامك معرفة أكبر بماضيه وتفاصيل حصلتله في عمره من سنين .

الفكرة جاتلي وانا سايق .. ليه فيه ناس بتدوس على الكلاكس اكتر من ناس تانية ، ناس بتدوس في ظروف معينه وناس تانية مبتدوسش في نفس الظروف . ولاقيت ان العربية ما هي الا بيئة متنقله ، بتحمل شخص متنقل وليه سلوكيات مرتبطة بالبيئة ديه بالتحديد .

ولما تبدأ تسأل ليه فيه حد مثلا ممكن يدوس كلاكس في زحمة تلاقي ان واحد منهم قالي انه بيخاف اللى قدامه يرجع عليه بعربيته لأنها حصلت قبل كده .. فتكتشف ان سلوكه “ضرب الكلاكس” مرتبط بذكرى قديمة حصلتله في عربيته (البيئة الحالية) وسلوكه (اللاواعي) تم تطويره علشان يتجنب المواقف اللى من النوعية ديه تاني .

الناس طول الوقت بتكون سلوكيات واعية او لاواعية (في الاغلب) علشان تحمي نفسها من مواقف اتعرضولها او مواقف شافوا ناس تانية بتتعرض ليها ..

ملاحظتك العميقة لسلوكيات الآخرين بيديلك فكرة عن الظروف اللى مروا بيها ولو واجهت حد بمعلوماتك اللى عرفتها من خلال ملاحظتك لسلوكياته هتلاقيه مستغرب جدا وبيسألك “انت عرفت ازاي!”

انت معرفتش ، بس هو اللى قال ! يمكن بطريقة لاواعية غير مباشرة بس هو اللى قال .. واللى بيعرف يقرا هو اللى هيفهم .. والجميل ان فيه ناس بتحاول تقول بطريقة لاواعية علشان تساعدها .. وكأن فيه كيان موجود جواهم بيحاول يتواصل معاك انت بالتحديد ، لو فهمت هتعرف تتصرف .. الاطفال ليهم سلوكيات بيحاولوا من خلالها يوصلولك معنى “الحقني” او “أكلني” او “حبني واحميني”

الناس لما بتحب بيبقى ليهم سلوكيات لا واعيه بتفضحهم واللى بيفهم هيعرف هما حاسين بإيه بس مش عارفين يعبروا عنه ..

الناس كتب مفتوحة طول الوقت تقدر تقراها .. بس الموضوع محتاج تركيز مش أكتر ..

اعرف اكتر هنا :
https://www.youtube.com/watch?v=5lsyt3ll9hg

يومكم اجمل من يومي
نهاد رجب




Source

مقالات مرتبطة

كل عام وأنتم بخير وفي صحة وحب وسعادة نهاد رجب | ...
views 120
كل عام وأنتم بخير وفي صحة وحب وسعادة نهاد رجب Source
تقوية النظر | جلسة تنويم إيحائي وتوكيدات لتقوية ال...
views 162
تقوية النظر | جلسة تنويم إيحائي وتوكيدات لتقوية النظر وتحسينه | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب...
الآلم #نهاد_رجب
views 692
    كتير بنتوجع وبنتألم من الوجع وبنتأوه ولما الوجع بيروح بنفضل نكمل تأوه مش علشان الألم بس علشان حاجات تانيه كتير لِسَّه بتألمنا وك...
مسلم سعيد – أصغر داعية اسلامي...
views 1365
  من كام سنه سمعت عن طفل صغير اسمه مسلم سعيد قالوا انه اصغر داعيه اسلامي في العالم وكان سنه حوالي 4 سنين في الوقت ده كنت في الأكاديمية واستغرب...
كورس التنويم الإيحائي أونلاين سعر الدورة 1200 دو...
views 116
كورس التنويم الإيحائي أونلاين سعر الدورة 1200 دولار تبقى 4 مقاعد للتواصل عبر الواتس اب : 00201009453234 للتواصل عبر الايميل : info@nihadragab.co...
اخبرنا عن تجربتك الحقيقية مع التنويم الإيحائي وكيف...
views 54
اخبرنا عن تجربتك الحقيقية مع التنويم الإيحائي وكيف استطاع المدرب والمعالج نهاد رجب مساعدتك خلال جلساته الاونلاين المسجلة أو الحية ؟ https://goo.gl/N...
ان شاء الملك سأتواجد بالأردن يوم 28 يناير لتقديم م...
views 59
ان شاء الملك سأتواجد بالأردن يوم 28 يناير لتقديم محاضرة خاصة بالإقناع والتأثير النفسي بعمان والظهور ضيفا بالتلفزيون الأردني .. سعيد برؤيتي للعديد من أ...
تأمل في السؤال قبل الاجابة .. ايه الحاجات اللي ف...
views 180
تأمل في السؤال قبل الاجابة .. ايه الحاجات اللي فعلا بتخليك مبسوط ؟ مهما كانت بسيطة أو ملهاش اهمية من وجهه نظرك . Source...
معنى الألم – نهاد رجب
views 906
  الألم مش بييجي من الوقوع او الخبطة او الجروح ، الألم بييجي من عدم استعدادك ليه . هو مرحلة السكون اللى بتكون موجودة قبل الانفجار ، سكون عميق ، ...

About the author

nihadragab