عقلك قوي بيك …

عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد هنا العلاقة بينك وبين عقلك الباطن طبيعية .. بس المشكلة انك تنسى تديله المقادير وتطلب منه يطبخ من غير توجيه .. ساعتها بتكون المشكلة .

والمتمثلة فيه “الفوبيا بكل انواعها” ، وغيرها من المشكلات النفسية الي بتبدأ تظهر بسبب انك اما لم تعطه المقادير الصحيحة أو انك قولتله طلبك بشكل عام ..

عقلك مش بيعرف يطبخ ! عقلك بيحتاج توجيه .. الطبخة هي النتيجة اللى بتحصلك .. والمقادير هي الاقتراحات .. اما النفس في الاكل فهو الحالة اللى بتدي فيها الاقتراحات واللي بتؤثر على توجه الاقتراحات ونوعيتها في عقلك ..

يعني ايه الكلام ده ؟

يعني مثلا ، واحد في مرة قرر انه ميتكلمش مع الناس تاني ويتجنبهم .. والفكرة ديه بدات تدخل في دماغه لحد ما بدأت تكبر وتتنوع ، في البداية تجنب الناس وشوية شوية بدأ يخاف منهم وانتهى بيه الامر انه يقفل الباب على نفسه وميطلعش تاني يقابل حد فيهم !

هو أكيد في البداية مكنش يقصد انه يوصل للمرحلة ديه ، بس هو ادى لنفسه الاقتراحات في البداية واقتراحه كان عام وكإنه ترك لعقله الحرية في طبخ النتيجة بالشكل اللى هو عايزه . وبسبب ان عقلك لا يفهم ولا يعرف الصح والخطأ ، فكانت النتيجة سلبية ولكنها بتوصل الشخص للهدف المطلوب !

الحالة النفسية : حزين بسبب موقف (سلبية)
الاقتراحات : انا عايز اتجنب الناس
النتيجة : رهاب اجتماعي !

والنوعية ديه من الناس بسميهم “They are the masters of their own minds”

او المتحكمين في عقولهم .. بس ازاي ؟! الناس ديه سهل جدا انها تدي اقتراح وسهل ان عقلهم يشتغل على اقتراحهم .. وبالتالي بيحصلوا على النتايج اللى هما طلبوها لو كانوا طلبوها بالشكل المناسب .

أي مشكلة نفسية ، أي تعب انت فيه ، بيكون سببه انك طلبت النتيجة ديه في لحظة ما وانت في حالة ما (غالبا سلبية) ونسيتها (Sleeper Effect) وبدأ عقلك يشتغل عليها ، يمكن تكون نسيتها اصلا ولكن عقلك شغال عليها وبيوصلك بشكل تدريجي وساعات صادم للنتيجة ديه بالطريقة بتاعته .

يمكن ده يوضح معنى كلمة “الانتحار اللارادي” ان عقلك ممكن يوجهك انك تإذي نفسك بسبب توجيهك اللاواعي ليه ، بعض الناس بتتعرض للانتحار اللارادي واللي معناه انهم مقرروش ينتحروا بس داخليا هو عايزين كده ، فمثلا تلاقي الشخص منهم يعدي الشارع من غير ما يبص يمين او شمال او يقعد فترة طويلة جدا مياكلش ! هو بيموت نفسه من غير ادراك واعي منه هو شخصيا !

عقلك مش مكان للعب والهزار وهنا كانت اهمية التنويم الإيحائي .. وزي ما بيتقال في الأمثال “زي ما طلعت الشجرة انزلها” فالتنويم الإيحائي بيستخدم نفس الاستراتيجية اللى انت طلعت بيها الشجرة “وصلت بيها للنتيجة” وبيعكسها ..

التنويم هو : حالة (مناسبة) + اقتراحات مكثفة وشاملة وواضحة + استرجاع سليم .

بتبدأ في حالة التنويم الإيحائي تعكس العملية كلها بالطريقة المطلوبة وزي ما عقلك قبل الاقتراح الاول ليك هيقبل الاقتراح الجديد .

فكر في كل حاجة او اي نتيجة ..

الوزن الزائد مثلا ؟ متبصش للنتيجة النهائية بس انظر لمعناها .. الوزن الزائد ده ممكن يكون ليه مليون سبب نفسي غير انك بتاكل كتير ، ممكن يكون هروب ، او خوف او حماية ، الخ …

ويمكن وزنك يكون بيزيد بسبب انك رابط لاواعيا بين زيادة وزنك وبين حمايتك لنفسك مثلا .. وبالتالي انت محتاج توضح يعني ايه “الحماية الشخصية” للعقل وساعتها هيبدأ يعكس العملية ، بالشكل الايجابي الاخر اللى انت عايزه .

التنويم الإيحائي هو التقنية الجديدة اللى هتساعد العالم يتحسن للأفضل

نهاد رجب
أول مدرب عربي للتنويم الضمني
مدرب ومعالج بالتنويم الإيحائي .


Source

مقالات مرتبطة

وأنتم موقنون بالإجابة | نهاد رجب...
views 43
وأنتم موقنون بالإجابة Source
من كام ما يوم عملت جلسة تنويم لمستفيدة بدأت كلامها...
views 203
من كام ما يوم عملت جلسة تنويم لمستفيدة بدأت كلامها بصراحة معايا انها جات بتوجيه اختها وأنها كانت رافضة تيجي وأول ما دخلت المركز قالت ان الموضوع نصباية...
وقف الكالاكس وامشي بهدوء … إدخل هنا تأتي إلي...
views 771
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...
في رحلتك لمعرفة الله تكتشف ان مقاييس الدنيا بتتقلب...
views 993
في رحلتك لمعرفة الله تكتشف ان مقاييس الدنيا بتتقلب راس على عقب عن عمد فَلَو في الدنيا عايز تحس بالشبع لازم تاكل لكن في معرفة الله ، لو جوع المعرفة...
غض البصر ام تغيير النفس ؟ #نهاد_رجب...
views 1550
ربنا عز وجل قالنا نغض البصر مقالش "متفكرش اصلا" هو عز وجل عارف نفسيتك وعارف سيكولوجيتك ، هو اللى خلقك وهو اللى عارفك مقالش متحبش الخمره واكره...
منها تحسين البشرة والتخلص من حب الشباب تعرف على ...
views 117
منها تحسين البشرة والتخلص من حب الشباب تعرف على الفوائد العلميه للصيام الرمضاني ستحب الصيام في كل ايام السنة بمشاهدتك لهذا الفيديو 🙂 https://ww...
في بعض الاوقات كلامك عن ان الانسان هو متحمل مسئولي...
views 226
في بعض الاوقات كلامك عن ان الانسان هو متحمل مسئوليه واقعه بيكون مؤذي اكتر من واقعه .. وكلمه "انا حاسس بيك" بتبقى تقيله على المستمع لانه مش مقتنع ان ح...
انت واقعي ؟ انت موهوم لـ نهاد_رجب...
views 3041
يوم عن يوم بصدق أكتر وأكتر ان الواقع هو في حد ذاته نتاج لأوهامنا وأوهامنا بتصنع واقعنا فلو واقعك حلم ، ايه اللى يخليك في مكانك ؟! اخرج برة حدودك ، ...
عقلك مقنع جدا لدرجة انه يقدر يقنعك .. عقلك ملوش ...
views 22
عقلك مقنع جدا لدرجة انه يقدر يقنعك .. عقلك ملوش حدود في التفكير ويقدر يوجه تفكيرك بشكل مقنع جدا ويخليك تصدق ان الارنب اله او ان الشمس كائن حي . يع...
الساعه ١٠.١٥غدا هكون معاكم في بث مباشر حول التحرر ...
views 234
الساعه ١٠.١٥غدا هكون معاكم في بث مباشر حول التحرر من التعلق بالماضي والاشخاص علي لينك CAPITAL Academy Source...

About the author

nihadragab