النهاردة سيبت المحفظة في العربية
رجعت روحت مشوار وانا راجع ، جاتلي فكرة اني اخد المحفظة من العربية وانا طالع البيت
خدت المحفظة ومشيت جاتلي فكرة تانية “هو انا قفلت الازاز بتاع العربية؟”
رجعت تاني ولاقيت فعلا اني نسيت الازاز مفتوح فقفلته ومشيت …

وبعد كده فكرت .. هو انا لو مكنتش قفلت الازاز ، كان ممكن يحصل ايه ؟
كان ممكن حد ييجي ويفتح العربية في ثانية وياخد المحفظة
طيب طالما انا خدت المحفظة قبل ما اقفل الازاز اصلا .. ليه ربنا خلاني افتكر اني اقفل الازاز ؟
طالما افتكرت اني اقفل الازاز ، كان ممكن اسيب المحفظة عادي
فاكتشفت اني عملت الخيارين اللى هيأدوا في النهاية لنفس النتيجة الا وهي “اني هكون في أمان”

لو كنت سيبت المحفظة وقفلت الازاز مكنتش هتتسرق المحفظة
ولو كنت سيبت الازاز وخدت المحفظة مكنتش برضه هتتسرق المحفظة

ليه بقى ربنا خلاني افتكر اني اخد المحفظة وبعد شوية خلاني افتكر اني اقفل الازاز ؟

الموقف ده خلاني افكر بشكل ابعد من كده .. في الحياة مثلا ، اختياراتنا ، هل هي محددة ولا ليها اكتر من شكل وموجهه ؟ لو كانت محددة ، كان زماني عملت حاجة واحدة من الاختيارين ، ولو كانت موجهه كان زماني برضه اخترت اختيار واحد .. بس فكرة اني انفذ كل الاختيارات “اخد المحفظة واقفل الازاز” ده معناه اني كنت المتحكم في الحالتين ، وربنا اداني اختيارين ، اين كان اختياري كان هيؤدي لنفس النتيجة . بس كان فيه اختيار تالت اصلا الا وهو اني اسيب المحفظة اصلا واطلع البيت .

باسقاط ده على حياتي بالكامل ، لاقيت لا الموضوع كبير ، ده حياتي بالكامل كان ممكن يكون فيها التفاصيل ديه حتى لو انا مأدركتهاش .. كل شوية الحلول كانت موجودة وبأكتر من شكل ، وتوجيه ربنا يكمن في ان الله عز وجل يخليك تدرك المشكلة ، وبيديلك تلات حلول او اكتر .. اما متتصرفش وتكون سلبي ، او تختار اي من الاختيارات التانية اللى هتوصلك للحل .

لو فكرت في حياتك ، هتلاقي ان اي مشكلة في حياتك بتتكون من “مشكلة” ساعتها من غير ما تفكر هتفهم ان فيه حلول ، طالما فيه مشكلة يبقى لازم يكون فيه حلول ، اختيارك لأيهم ده بيعتمد على ارادتك انت الشخصية لكن فهمك وملاحظتك للتحدي هو عمل رباني .

والله اعلم

نهاد رجب


Source

مقالات مرتبطة

ومما يدعوا للسعادة اني تم وضعي على أهم موقع خاص با...
views 90
ومما يدعوا للسعادة اني تم وضعي على أهم موقع خاص بالمقالات والأبحاث والسير الذاتية في العالم . وديه سابقة من نوعها خاصة بالتنويم الإيحائي وسعيد جدا بيه...
‎Nihad Ragab نهاد رجب‎ updated their profile pictu...
views 193
‎Nihad Ragab نهاد رجب‎ updated their profile picture. Source
لعنة النفس – نهاد رجب
views 2927
  لو وريتك دايرة جوا رسمة .. هتقول ديه مجرد "دايرة" .. مهما كبرتهالك ومهما صغرتهالك .. لسة دايرة .. لحد ما اجيبلك دايرة كمان .. جمبها .. يمكن اص...
هل تريد أن يتذكرك الناس ؟ علمهم أمرا ! في عام 19...
views 1771
هل تريد أن يتذكرك الناس ؟ علمهم أمرا ! في عام 1999 في الصف الثاني الإعدادي تقريبا ، كان لدينا هذا الاستاذ الذي علمنا بشكل غير مباشر أن نقول "أعوذ با...
لما تعرف انك مسئول عن حياتك والنتايج اللي بتحصل عل...
views 68
لما تعرف انك مسئول عن حياتك والنتايج اللي بتحصل عليها . دا بيعتبر اجمل خبر ممكن تسمعه . دا بيخليك فاهم ان الدنيا ديه بتاعتك وتقدر توجه الاحداث زي ما ت...
هل تعلم ان هذا البروتوكول هو الأقوى ! يمكنك الآن ...
views 68
هل تعلم ان هذا البروتوكول هو الأقوى ! يمكنك الآن الدمج بين النظريات العقليه الخاصه بقانون الجذب واساليب التنويم بالإيحاء للحصول على نتائج في منتهى ال...
فيديو : أقوى فيديوهات التخشب التنويمي (ساخر) – من ...
views 205
فيديو : أقوى فيديوهات التخشب التنويمي (ساخر) – من برنامج عيشها بدماغك مع نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج...
التجهيز لأكبر دفعة لممارسي التنويم الإيحائي في الش...
views 26
التجهيز لأكبر دفعة لممارسي التنويم الإيحائي في الشرق الأوسط ! تقام في مصر .. أغسطس 2017 شكرا للملهمين من جميع انحاء العالم ! Source...
Nihad Ragab 6 mins · كل ماتكبر حبة حبة هتلاقي ان ...
views 239
Nihad Ragab 6 mins · كل ماتكبر حبة حبة هتلاقي ان الحرب اللي انت بجد هتنتصر فيها هي الحرب اللى انت محاربتش فيها حروب معافرتش مع حد ولا اتحديت حد بسب...
اللهم إن رسلك أخبروني بأنك أنت الشافي وانا مؤمن بك...
views 53
اللهم إن رسلك أخبروني بأنك أنت الشافي وانا مؤمن بك وبأنبياءك ، اللهم اشفي كل الناس . اللهم إنَّا لا نعلم شاف غيرك ولا رزاق غيرك ولن نعبد غيرك فياشافي ...

About the author

nihadragab