كنت واقف برة المطار مستني ال Check in يبدأ ، مستني ارجع القاهرة ، واتعرفت على شاب تونسي وشاب تركي كانوا مستنيين .. بتكلم مع التونسي فقولتله انا بحب تونس ، استغرب وقالي تعرف ايه في تونس ؟ قولتله بنزرت ، وادي الزيتون ، سوسة وتونس ، وبدأت اقوله على حاجات هناك في تونس واتصاحبنا في نص دقيقة .

التركي واقف مش فاهم العربي اللى بنقوله ، اتكلمت معاه قولتله انت منين من تركيا ؟ ابتسم وقالي تعرف ايه ؟ قولتله انا كنت في اكسراي وانا اصلا ليا صلة دم تركي ، قالي انت اسمك ايه ؟ قولتله نهاد . قالي نهاد فعلا اسم تركي بس نطقه بيكون “نهات” وانبسط جدا الشاب التركي وبدانا نتعرف

وبدات اتعرف على ناس تانية وناس سابقة بنفس الطريقة ؟ انت منين من المغرب ؟ انت منين من فرنسا ؟ انت منين من امريكا ؟ انت منين من ؟

واكتشفت حاجة عجيبة جدا ، قوتك الحقيقية في المعرفة والتواصل ، وعلشان توصل للمعرفة لازم تتعلم وتسافر وعينك تشوف كتير ، قوتك في الدنيا هي المهارات اللى تقدر تعملها ، وكم المواضيع اللى تقدر تفتحها لانك مريت بيها . علشان كده فكرة انك تتعلم بيانو مش لمجرد متعة شخصية ولكن بيفتح قدامك افاق وفرص انت عمرك ما هتتخيل وجودها .

تخيل مثلا تقف مع امريكي فتقوله انا كنت في امريكا وشوفت كذا وكذا .. او فرنسي او تونسي او اماراتي او هندي حتى وتبدأ تقوله ، تخيل التفاعل اللى هيحصل بينك وبينه لما تعمل كده .. تخيل لما تقول انا روحت المكان الفلاني ، تخيل لما تقول انا بعرف اسوق ، تخيل لما تقول انا بعرف اتكلم لغتين او تلاتة او 5 .. المهارات بتقرب الناس منك ، بس انت عارف ايه اكتر حاجة خلت كل الناس تهتم بالتواصل معايا اكتر ؟ هو اني فوق ده عرفت نفسي اني ممارس تنويم بالإيحاء !

تخيل كده انك تعدد مهاراتك وتقول وسط مهاراتك انك ممارس تنويم إيحائي ؟ تخيل اللمعة اللى في عيون الناس اللى بتفهم لما تعرف انهم قصاد واحد درس بجد ويقدر يمارس هوايته ؟ انت متخيل كم الاسئلة اللى هتجيلك او الكاريزما اللى هتضاف لكاريزمتك لما يتعرف عنك انك معاك المهارات ديه كلها ومعاك كمان مهارة خاصة قليل جدا في العالم اللى يقدر يمارسها ؟

علشان كده في كورس ممارس التنويم الإيحائي ، نيتي الاساسية اني اخرج 20 متدرب ممارس تنويم إيحائي ، 20 مهاري يقدر يستخدم التنويم في اي مكان في العالم ، يقدر يغير الناس ويساعدهم والاهم انه يقدر يساعد نفسه ، يقدر يقف مع الناس ويعملهم اختبارات تنويم ويخليهم يشوفوا بنفسهم التنويم من خلاله .. انت متخيل !

وعلشان احنا دورنا ان التخيلات تصبح حقيقة ومؤمنين ان الفكرة طالما وصلت لعقلك فده معناها انها حقيقية او هتكون حقيقية في وقت ما .. فانا هدعمك لحد في يوم من الايام ما هتقول انك في يوم ما قريت بوست على الفيسبوك ، وتخيلت انك ممارس تنويم إيحائي وحسيت ان الفكرة بتنور في عقلك وقررت انك تتواصل وتسجل اسمك واستنيت اتصال تأكيد الحجز وحضرت ال 9 ايام كاملة وكانوا اكثر الايام اللى فعلا خلوك تشوف العالم بشكل مختلف ..

ودقايق وقفناها مع بعض ، وعرفنا ان الوقت جيه علشان نحجز تذاكرنا ، ودخلنا احنا التلاتة وحجزنا التذاكر ودقايق تانية مستنينها بفارغ الصبر علشان تعدي ، ولما خلصت لاقينا نفسنا على الطيارة وسط السحاب وشايفين العالم كله من الشباك .. كنت انا وتركي وتونسي كان معانا على الرحلة ..

التفاصيل ..
http://www.nihadragab.com/event/6890/

نهاد رجب
ممارس تنويم إيحائي


Source

مقالات مرتبطة

الفرق بين التنويم الإيحائي والطب النفسي بعض النا...
views 290
الفرق بين التنويم الإيحائي والطب النفسي بعض الناس قد يختلط عليهم الأمر ، وتتحقق المغالطة المشهورة بما أن التنويم الإيحائي والعلاج النفسي يؤدوا إلى ن...
في كورس التنويم الايحائي مارس 2017 اتسألت سؤال لحد...
views 26
في كورس التنويم الايحائي مارس 2017 اتسألت سؤال لحد دلوقتي مش عارف اجابته ووقفت قدامه عاجز عن التفكير وبدات اتهته في محاوله مني لاجابته .. ومر حوالي 4 ...
احنا مبنحبش الفلوس احنا بنحب الشعور بالامان ومب...
views 102
احنا مبنحبش الفلوس احنا بنحب الشعور بالامان ومبنحبش الجواز اد ما بنحب الاستقرار ومبنحبش الممتلكات بس بندور فيهم على الاستقرار والامان كل حاجة ا...
من اجمل التقنيات اللي ان شالله هدربها قريب هي تقني...
views 116
من اجمل التقنيات اللي ان شالله هدربها قريب هي تقنية "الحقيقة عن نفسك" الجميل فيها انها بتخليك تكتشف ، تعرف وتفهم مشاكلك بالظبط سببها ايه وتحفز عقلك ...
حاجات بنختارها في حياتنا بتكون الافضل لينا لسنين ق...
views 324
حاجات بنختارها في حياتنا بتكون الافضل لينا لسنين قدام .. لو تعبنا النهاردة فيها بكرة هنكتشف انها اجمل هدية قدمناها لنفسنا .. هدية مبتخلصش ومكملة معانا...
أنا سبب والسبب مني
views 3388
  فيه حد في العالم ده لما بيلاقي زلزال بيقول "انا كنت لسه بفكر في الزلزال" او لما حد يموت يقول "انا كنت لسه بسال نفسي.هو هيموت امتي" الكون...
‎Nihad Ragab نهاد رجب‎ shared ‎النقابة العامة للعا...
views 45
‎Nihad Ragab نهاد رجب‎ shared ‎النقابة العامة للعاملين بالكهرباء بالأردن / فرع الوطنية‎'s photo. Source...
ناس كتير بتقول انها مبتعرفش تتخيل في جلسات التنويم...
views 209
ناس كتير بتقول انها مبتعرفش تتخيل في جلسات التنويم الايحائي وطبعا التخيل جزء كبير من العلاج بس ازاي نقدر نساعدهم بنتعلمه في ورش التنويم مع العلم انن...
انا مبقفش ومبعرفش اقف ولو حاولت .. معنديش نقطة وصو...
views 329
انا مبقفش ومبعرفش اقف ولو حاولت .. معنديش نقطة وصول .. نقطة وصولي هي مجرد بداية .. بفشل في إني أفشل .. كل حاجة في الدنيا ديه بتاعتي .. همتلكها بإيدي أ...
في رحلتك لمعرفة الله تكتشف ان مقاييس الدنيا بتتقلب...
views 971
في رحلتك لمعرفة الله تكتشف ان مقاييس الدنيا بتتقلب راس على عقب عن عمد فَلَو في الدنيا عايز تحس بالشبع لازم تاكل لكن في معرفة الله ، لو جوع المعرفة...

About the author

nihadragab