الناس حواس مختلفة … اختار الناس اللى هتكون عنيك واللى هتخليك تسمع وتحس لما حواسك تفقد القدرة على العمل

من كام شهر كنت في باريس ، فرنسا ، وقعدنا ايام في فندق قريب من ميدان الاوبرا ، في وسط البلد ، كانت غادة معايا ، كالعادة كان عندي كورس تدريبي في إيفري ، ضاحية من ضواحي باريس وطولت 5 ايام قعدناها في باريس .

طبيعتي واللي محدش مصدقها لحد دلوقتي اني من وسط كل الاماكن اللى روحتها لو سألتني شوفت ايه في الدولة الفلانية .. هسكت كده وهقولك مش فاكر .. الناس مش فاهمة يعني ايه مش فاكر ! بس الحقيقة اني بدخل الفندق ، بقعد ، معنديش ادنى اهتمام اني اخرج لأي سبب ، وبنزل الصبح ادرب واشوف شغلي وارجع على الفندق في هدوء ، حتى التلفزيون مكنتش بفتحه .

بس المرة ديه كان الموضوع مختلف ، المرة ديه كان معايا عيني ، غادة .. وعيني هنا مش كلمة رومانسية اد ما هي كلمة عملية فعلا ، يعني مثلا امشي في شارع طويل الاقي غادة كل شوية تخبطني وتقولي نهاد شايف التمثال ده ! ابص في اتجاهه اشوفه ، شايف الكنيسة ديه ! ابص اشوفها ! شايف الورد ده .. اشوفه .. العجيب اني مكنتش باخد بالي من الحاجات ديه كلها وكان المكان بالنسبة لي مجرد شارع .

حرفيا كان قدامنا في الفندق اجمل تمثال ممكن تشوفه في حياتك معلق على سطح مبنى ، كل يوم كنت بدخل البلكونة الصبح ومشوفتوش غير لما هي شاورتلي عليه وقالتلي شايف التمثال ده ! استغربت جدا اني ازاي مكنتش شايفه طول الوقت ده .

اكتشفت اني عندي عين مثلا بس مكنتش بشوف بيها زي ما كنت متخيل ، ووجودها معايا خلاني اشوف حاجات عمري ما كنت هاخد بالي منها ، وده اللى اثرى تجربتنا هناك ، اني شوفت اللى كنت معمي عنه وادراكي مكنش بيسمحلي اني اشوفه .

ابويا اللى يرحمه ، كان بيمارس نفس السحر ، كان بيحب مثلا ام كلثوم جدا ، بالنسبة لي ام كلثوم كانت مجرد اغنية ، بس الراجل ده كان عنده قدرة انه يقولك الكلمات بتاعة الاغنية (أللى انت اصلا سمعتها) بطريقة تخليك تحس ان الكلمات فيها معاني انت مكونتش متخيل انها موجودة وفجأة تلاقي نفسك بتحبها اوي لما فهمتها ..

السحر هنا في فكرة انك تسمع حاجة ومتاخدش بالك منها وييجي حد يوضحهالك فتسمعها تاني وكإنك أول مرة تسمعها ! والسحر هنا انك تشوف حاجة وتكتشف انك كنت اعمى ولا شايف حاجة لما حد تاني عنده سحر الرؤية ويخليك تشوفها بطريقة تانية مختلفة ..

امي من وانا طفل كانت الساحرة الكبرى بالنسبة لي ، كان عندها سحر الاحساس ، عندها القدرة انها تخليني احس بمشاعر مختلفة من تجربة معينة او تجاه ناس معينيين انا مكنتش حاسسها ، تخليني اشوف حد وأحس تجاه بطريقة معينة ، ولما تكلمني عن المشاعر الحقيقية اكتشف اني غيرت احساسي ناحيته وكإنها عندها القدرة انها تدخل اوي جوا عمق الانسان وتفهم مشاعره بطريقة غير عادية وساحرة ..

الشاهد هنا انك حتى لو عينك 6 على 6 ، حتى لو بتسمع صوت النملة ، حتى لو بتحس بأقل ألم ، فيه حوالينا سحرة من نوع خاص ، ابيض وجميل ، يقدروا يغيروا حياتك بالكامل للأجمل ، دور عليهم وإتأكد انك تشوف بعنيهم وتسمع بطريقتهم وتحس بمشاعرهم .

حياتك هتتقلب جنة . وهتكتشف ان فيه خدعة في الدنيا ديه ، وكإنها سيمفونية ، إدراكك ليها هيغيرها لمعزوفة خاصة لبيتهوفين . بس انت سيب نفسك .

يومك أجمل من يومي
نهاد رجب


Source

مقالات مرتبطة

وما بعد ؟ الناس اللي قريبين مني عارفين اني عندي ...
views 45
وما بعد ؟ الناس اللي قريبين مني عارفين اني عندي هوس بتطوير منهج التنويم الإيحائي ، ويمكن مفيش كورسين عملتهم ورا بعض جوا مصر او بره مصر الا وعدلت وغي...
انا عندي حلم وعلى بعد 50٪ من تحقيقه الحلم هو اقا...
views 41
انا عندي حلم وعلى بعد 50٪ من تحقيقه الحلم هو اقامة اكبر واقوى دوره تدريبيه خاصه بالتنويم الإيحائي في الشرق الأوسط .. وتخريج أكبر دفعة للتنويم الإيحا...
سبحان الملك انا عندي مشكلة حقيقية في كل ضروسي ول...
views 74
سبحان الملك انا عندي مشكلة حقيقية في كل ضروسي ولازم اروح لدكتور اسنان والم عجيب محتاج 20 جلسه تنويم ذاتي علشان يخف بس مش يختفي وصدري بيوجعني وجع ج...
سنة جديدة ؟ ماذا تعني ؟ لا أفهمك . نهاد رجب...
views 1966
خدعوك فقالوا السنة الجديدة   ويستمرون بخداعك كي تظن أن تستطيع البدء من الآن   ويطلبون منك أن ترسم الخطة   وحينما تنتهي من كتابه قائمة باحلامك...
اسرع طرق التخلص من العادات … إدخل هنا تأتي إ...
views 598
اسرع طرق التخلص من العادات ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/22/%D8%A7%D8%B3%D8%B1%D8%B9-%D8%B7%D8%B...
انيس جونز ، جربت التنويم المسرحي حد يقدر يفسر ال...
views 89
انيس جونز ، جربت التنويم المسرحي حد يقدر يفسر اللي حصلها ؟ في انتظار تعليقاتكم Source...
حاجات بنختارها في حياتنا بتكون الافضل لينا لسنين ق...
views 352
حاجات بنختارها في حياتنا بتكون الافضل لينا لسنين قدام .. لو تعبنا النهاردة فيها بكرة هنكتشف انها اجمل هدية قدمناها لنفسنا .. هدية مبتخلصش ومكملة معانا...
الأحباب بالأردن 🌷🌷 سعيد جدا للاهتمام المتزايد من ...
views 154
الأحباب بالأردن 🌷🌷 سعيد جدا للاهتمام المتزايد من الإخوة بالأردن لحجز محاضرة "الاقناع والتأثير النفسي" اشوفكم على خير في المملكة الاردنية ، فندق ايا...
تحب الناس توصفك بإيه في كلمة واحدة ؟ | نهاد رجب...
views 58
تحب الناس توصفك بإيه في كلمة واحدة ؟ Source
اليوم محاضره دكتور عمر عبدالكافي في باريس. تابع...
views 183
اليوم محاضره دكتور عمر عبدالكافي في باريس. تابعوني على السناب شات لحظة بلحظه nihadragab Source...

About the author

nihadragab