عزيزي اللى مش عارف حاجة في اي حاجة واتكعبل في كلام عن التنويم الايحائي وكالعادة دخل يقلش .. خليني اقولك حبة حاجات ..

مبدئيا جملة “تنويم تغطاطيسي” والله العظيم ما بتضحك ، يا دين النبي ! فيه ناس لسة فاكرة لما يتريقوا على التنويم الإيحائي ويسموه تغطاطيسي يبقوا كده اسماعيل يس في نفسهم .. ديه اسمج جملة ترفيهية دعابية ممكن تتقال لممارس تنويم إيحائي عنده أمل في بكرة . سمجة اوي يعني

مبدئيا انت بتخلط بين التنويم الإيحائي والمغناطيسي ، وانت اصلا اكيد لا عارف الفرق بين المغناطيسي ولا الإيحائي وغالبا كده ثقافتك عن التنويم مقتصرة على افلام اسماعيل يس وشد اللحاف وشده انت الاول ، ولو دخلت في مناقشة علمية في التنويم مع ممارس التنويم الايحائي هيبقى شكلك وحش فانا انصحك بلاش نكتك ودعاباتك ياعم الاستاند اب .

ثانيا جملة “ماتنيمني كده” ، الجملة ديه تخليني اهرب منك اصلا ، يعني انا كممارس تنويم إيحائي لو حد قالي نيمني ، هفهم على طول انه مش فاهم هو بيقول ايه وبيجود ، الموضوع اصلا مفيهوش نوم ، والله مافيه نوم ، وحياة خالتو مافيه نوم ، يا رب خريستو يموت ما فيه نوم ، الموضوع موضوع استرخائي ولو عايز تبين نفسك بتفهم قول “طيب ما تديني اقتراحات اني مبسوط في حياتي”

ثالثا “انا مش مقتنع بالتنويم الإيحائي”
يجدع متعصبنيش ، ايه بالظبط اللى انت مش مقتنع بيه ؟ ينفع ترفض الاقتناع بشىء انت اصلا مش عارف ماهيته ؟ يعني ينفع اقول انا مش مقتنع بيك كبني آدم ؟ اللى هو التنويم الإيحائي مش في دايرة الاقتناع والرفض ، هو في دايرة الاستخدام من عدمه ، يعني افتراضية وجوده موجودة ولا تمس واقرا من هنا للسنة الجاية عن اعتمادات التنويم وتصديقات التنويم في مؤسسات الطب والحكومات والعلماء والمتخصصين والابحاث والجامعات ، وتيجي حضرتك تقولي انا مش مقتنع بيه ؟ 😀 اللى هو انت ابن مين ف مصر ياجدع انت متعصبنيش ، خليك متحضر واسال وافهم وادرس وبعد كده قول رأيك الفذ وبلاش سآلة والنبي .

رابعا “ممكن تعلمني التنويم الإيحائي”
انا ممكن اعلمك تعد من 1 ل 10 ، بس فكرة انك تبعتلي رسالة وتقولي اعلمك في خطوات مكتوبة ازاي تدخل حد في الحالة ، فده صعب ومستحيل وللاسف محبط ، الناس في العالم كله بتزحف وبتروح كورسات وبتسافر دول علشان تتعلم ، وانت عايز وانت قاعد في تكييفك ولا نايم على سريرك اني ارد على رسالتك العاجلة واقول لسيادتك ازاي تدخل حد في تنويم ؟ من فضلك بلاش الاسئلة ديه . وعموما فيه مقالات كتير بتديلك فكرة تقدر تدور بنفسك عن الموضوع .

خاطرة من قلب تونس ، سيبوا الناس في حالها واتعلم انك لو مش فاهم دور واعرف واسال ، الرجولة مش ف انك ترفض ، الرجولة والجدعنه في انك تفتح دماغك للجديد وتبان انك متحضر اكتر ساعتها .

نهاد رجب


Source

مقالات مرتبطة

لكل واحد وواحدة شايفين اللى حواليهم خدوا نصيبهم وه...
views 1021
لكل واحد وواحدة شايفين اللى حواليهم خدوا نصيبهم وهما لسة مستنين... اتعلموا من الاطفال واعرفوا ان اللى بياخد نصيبه في الآخر بيحس بطعم الحاجة وكل العيون...
من كورس التنويم بالايحاء المستوي الاول القاهرة بت...
views 179
من كورس التنويم بالايحاء المستوي الاول القاهرة بتنظيم CAPITAL Academy Source
سؤال وجواب حول التنويم الإيحائي .. إسألني وانا هرد...
views 563
سؤال وجواب حول التنويم الإيحائي .. إسألني وانا هرد عليك هنا بسبب ضعف الاتصال لما استطع تنفيذ الفيديو الحي على الفيسبوك ، وعوضا عنه خلينا نتكلم على ا...
الإخوة الحلوين ممارسين التنويم الإيحائي النهاردة...
views 198
الإخوة الحلوين ممارسين التنويم الإيحائي النهاردة ان شالله هرفع جلسة تأتأه للأطفال ، البطل بتاعنا اسمه مصعب ، وفي نهاية الجلسة قدر يعد من ١ ل ٥٠ بدون...
كيف يمكنك الاستفادة من التنويم بالإيحاء – #...
views 160
كيف يمكنك الاستفادة من التنويم بالإيحاء - #التنويم_بالإيحاء_مع_نهاد_رجب الحلقة 6 انضم للصفحة وادعوا اصدقائك للاستفادة. الصفحة الرسمية للمدرب والمعالج...
لإن كل بنت هي نص الكون لازم تشوفي نفسك جميلة انت...
views 207
لإن كل بنت هي نص الكون لازم تشوفي نفسك جميلة انتي بعينك تقدري تسحري الناس في اللحظة اللى هتقرري فيها تشوفي نفسك الأجمل جلسة توكيدات تنويم إيحائي جد...
كل حاجة اخترعها الانسان بتوضح قدراته الحقيقية ومفه...
views 87
كل حاجة اخترعها الانسان بتوضح قدراته الحقيقية ومفهومه عن نفسه .. كل حاجة موجودة في حقيقتها وسيلة لتوضيح المفهوم ده لولا قدرة الانسان على التخاطر م...
كورس ممارس التنويم بالإيحاء للحجز في كورس ممارس ا...
views 145
كورس ممارس التنويم بالإيحاء للحجز في كورس ممارس التنويم بالإيحاء لشهر نوفمبر 2016 سجل الان : http://goo.gl/E5I8B6 Source...
جيرالد ابستين ، مؤلف كتاب “التخيلات العلاجيه...
views 392
جيرالد ابستين ، مؤلف كتاب "التخيلات العلاجيه" وكان الكتاب ده بيضم اكتر من 70 تخيل لعلاج امراض محدده . الكتاب ده لف العالم وكان من آكتر الكتب مبيعا . ...
الآن بالقاهرة وبمواصفات دولية معتمدة | كورس ممارس ...
views 130
الآن بالقاهرة وبمواصفات دولية معتمدة | كورس ممارس التنويم الايحائي نوفمبر 2016 سيتم تدريبك على أحدث التقنيات الخاصة بالتنويم الإيحائي في العالم لتقو...

About the author

nihadragab