انا بفرح لما حد الاقي حد بينجح في مجال التنمية البشرية سواء التدريب او الفيديوهات والسوشيال ميديا

ليه بقى ؟

لإني ذكي

يعني هو ربنا اداله كاريزما ، شد ناس كتير ليه ، وناس كتير حبته وبدات تاخده قدوة ، سواء انا مختلف او متفق معاه ، هل هو هيفيدني ؟ اكيد ! ازاي بقى ؟

لما قاعدة الراجل ده او الست ديه ، تزيد ، ويبقى فيه نسخ اكتر منهم ، يحبهم ناس اكتر واكتر ، الناس ديه في النهاية هتبحث ، هو ايه اللى هما بيقدموه ده ؟! يعني ايه الكلام ده ؟ وفي النهاية هيتكعبلوا فيا او في اي مدرب تاني على وجه البسيطة . وده معناه انك انت في النهاية بتستفيد .

لما راجل زي ده يقدر يلم اكبر عدد من الناس ، ده معناه ايه ؟
معناه ان شعبيتك انت ومن غير ماتعمل حاجة بتبدأ انها تزيد والاهم من كده ان شعبية المجال بتاعك بتزيد وبالتالي اعتمادات اكبر وثبات اكبر وسوق مستقر اكتر .

فمتبقاش عبيط وتهاجم الناس النافعة منهم ، والاقي كل شوية بوست ضد د ابراهيم الفقي او د احمد عمارة او كريم اسماعيل او غيرهم ، ليه بقى ؟ لانك لو اقنعت مليون واحد ان فلان الفلاني كان غلط .. والناس صدقتك ، في النهاية انت كمان هتضر يا جميل .

الشاهد ! خليك في حالك ، عيش حياتك ، نافس نفسك ، ولسة فاكر جملة لصديق جميل ليا قديم اسمه وليد حبيب ، مدرب برمجة عصبية معروف في الاسكندرية ، قالي التميز هي صفة سلبية ! ولما استغربت قالي لان اللى بيحب التميز بيهتم بمنافسة الاخرين ، الافضل انك تتميز على نفسك وديه قليل جدا اللى يقدر يعملها .

في كورس الاقناع والتأثير من ضمن التقنيات اللى بدربها للناس نظرية اتكلم عنها دان اريلي ، لو معرفتش تقنع الناس ، هاتلهم حد تاني يقنعهم ، وفي النهاية سواء انت او غيرك اللى اقنعهم ، منتجك اللى هيتباع ، وهو ده اللى انت عايزه من البداية .

ركز في شغلك وشجع الناس انها تنجح ، تخصص في مجالك ، وارفع سقف توقعات الناس تجاهك ، وهتلاقي نفسك في مكانك وثابت وبتطور وبتتقدم ، بسبب ناس تانية ربنا وهبلها حاجات مش عندك انت بالتحديد .

وخليك ذكي

ايامكم حلوة ومثيرة للاهتمام


Source

مقالات مرتبطة

مش لازم تغزو العالم وتحارب الاشرار وتقضي على الدين...
views 146
مش لازم تغزو العالم وتحارب الاشرار وتقضي على الديناصورات علشان تكون بطل .. جربت تتحدى رغباتك وتنتصر عليها ؟ جربت تقرر تتغير وتلتزم ؟ جربت تقول لمشا...
تقدر ترشحني كصانع أمل في مبادرة محمد بن راشد آل مك...
views 168
تقدر ترشحني كصانع أمل في مبادرة محمد بن راشد آل مكتوم العالمية من خلال الرابط : https://arabhopemakers.com/ واضغط على "رشح صانع أمل" الإسم الاول...
مقياس تغيرك بيبان في تعاملك مع الماضي . المواقف ال...
views 303
مقياس تغيرك بيبان في تعاملك مع الماضي . المواقف اللي بتحطك فيها الصدفة وإحساسك بالتغيير تجاهه هي اللي بيثبتلك فعلا درجة تحررك . اشتغل على نفسك وحب و...
سبحان الملك انا عندي مشكلة حقيقية في كل ضروسي ول...
views 52
سبحان الملك انا عندي مشكلة حقيقية في كل ضروسي ولازم اروح لدكتور اسنان والم عجيب محتاج 20 جلسه تنويم ذاتي علشان يخف بس مش يختفي وصدري بيوجعني وجع ج...
ايه اكتر صفه او مهارة بتحبها في نفسك ، عارف انها م...
views 39
ايه اكتر صفه او مهارة بتحبها في نفسك ، عارف انها موجوده ولو استخدمتها في مكانها الحقيقي هتحقق نجاح اكبر ؟ انا : حظي حلو جدا الحمد لله ، لو مكنتش ممار...
وقف الكالاكس وامشي بهدوء … إدخل هنا تأتي إلي...
views 751
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...
انا فاكر زمان لما حكيت لوالدي عن واحد صاحبي وقولت ...
views 52
انا فاكر زمان لما حكيت لوالدي عن واحد صاحبي وقولت انه "مسيحي" ابويا زعقلي وقالي عيب ! للحظه افتكرت ان الكلمه نفسها عيب وبعدها فهمني انه عيب اصنف او او...
الفرق بين التنويم الإيحائي والطب النفسي بعض النا...
views 290
الفرق بين التنويم الإيحائي والطب النفسي بعض الناس قد يختلط عليهم الأمر ، وتتحقق المغالطة المشهورة بما أن التنويم الإيحائي والعلاج النفسي يؤدوا إلى ن...
يعني ايه صوت استرخائي تنويمي ؟ من اول لحظه في أي...
views 228
يعني ايه صوت استرخائي تنويمي ؟ من اول لحظه في أي جلسه تنويم بحس اني بدوس على ذرار الصوت وكإن صوتي وطبيعتي وتنفسي بيختلفوا في وقت واحد ٫ وتركيزي ال...

About the author

nihadragab