امبارح كنت في تحقيق مع صحفية لجريدة الأهرام حول التنويم الإيحائي ، فبتسألني عن اغرب او اصعب جلسة تنويم عملتها ، قولتلها ان كل الجلسات غريبة بس فيه جلسة كانت مختلفة

شخص ما اتصل عليا وقالي ان مراته هو شاكك انها بتخونه وشاف واحد نازل من العمارة اللي هي ساكنة فيها

وعايز يعرف بالتنويم الإيحائي هي بتخونه ولا لا

هو تقريبا كان فاكرني هفتح المندل واعمل زار وادق عصافير وأقوله الحقيقة ، ومع ذلك جالي فضول اقعد معاهم وفعلا جيه وجاب مراته (المجرمة المفروض) وبدأنا نتكلم وعرفت انه شغال في وظيفة ما كلها قايمة على التحقيق والشك ، وبدون تفاصيل علشان متحبسش ، عرفت انها مراته التانية مش الأولانية ، هو مسلم وهي مسيحية واتجوزها على مراته بطريقة ما .

وبعد كلامه لمدة دقيقتين ، حسّيت أني فهمت حاجه ، حاجه مش لطيفة ، انه جايب مراته على أساس انها هي العميلة اللي همارس عليها التنويم علشان اكتشف انه هو المفروض اللي يكون قاعد مكانها ، الراجل مجنون يا جماعة ، الست معملتش حاجه وانضف منه والراجل طلع هو اللي المفروض يتعالج ، اجيله يمين او شمال ، مفيش هو مصر انه متأكد انها خانته

جيبته ع جمب وكلمته بطريقة مشبوهة كده كأني هبيعله مخدرات و وقولتله أني اعرف واحد صيدلي ، ده يقدر يعمل مادة اسمها ليثيوم الصوديوم (مش فاكر اسمها) ، قالي عندنا الحقن دي ، قولتله ممتاز بس مش هتبقى حقن هي هتبقى شرب

*المادة دي معروف انها بتستخدم في الاعتراف وبتلغي جزء ف العقل مسئول عن الخيال وبالتالي مستحيل حد انه يكذب

المهم اديني يومين وانا هجيبهالك …

طبعا اللي حصل بعد كده كان فوق مستوى توقعاتي لتاثير البلاسيبو ، بس الشاهد هنا أني قولت للأستاذة الصحفية فيما معناه ان فيه ناس كتير جدا عندهم مشاكل عقلية ، احنا اصلا كممارسين للتنويم الإيحائي مش مخولين اننا نتعامل فيها لأننا اصلا مش أطباء نفسيين ، ده مجال وده مجال ، المشكلة مش ان ناس كتير عندها مشاكل نفسية المشكلة انهم ميعرفوش والرعب الأكبر انهم بيتهموك انت ان عقلك فوت ،

مش عيب والله العظيم انك تروح لدكتور نفسي محترم وتكلمه عن مشاكلك ، لان غطا الازازة لما بيفوت بيتعرف ساعتها ان مفيش أمل وان الضغط هو اللي كان السبب

الحمد لله في جلساتي لو لاقيت شخص كده ونحتاج رعاية طبية نفسية بوجهه انه يروح ، فَلَو في يوم قولتلك أني مش هقدر اتعامل معاك فمتزعلش بقى 😂

أيامكم حلوة ومثيرة للاهتمام
وجمعتكم مباركة

نهاد رجب


Source

مقالات مرتبطة

الحمد لله خلال ايام ابدأ كورس Virtual Gastric Band...
views 21
الحمد لله خلال ايام ابدأ كورس Virtual Gastric Band مع شيلا جرانجر ، مؤسسة التقنيه وأحد اشهر ممارسي التنويم بالإيحاء في بريطانيا . الكورس باعتماد كامل ...
انتظروني خلال دقائق مع فيديو جديد لايف ل إسأل نهاد...
views 28
انتظروني خلال دقائق مع فيديو جديد لايف ل إسأل نهاد :) Source
views 154
إن لم تكن تدخنها، شاركها مع صديقك الذي يدخن النرجيلة http://go.nature.com/2iTxIW7هل أنت ممن يعتقدون أن تدخين النرجيلة أكثر أمانًا من السجائر؟ إليك هذه...
من فتره حكيت اني كنت في كورس بلغه مختلفه وكان الكو...
views 31
من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكا...
لايف – إسأل نهاد – خلال دقائق :) | نها...
views 30
لايف - إسأل نهاد - خلال دقائق :) Source
لو استنيت الفرج يجيلك من بني آدم ماتجيش بعد كده ت...
views 51
لو استنيت الفرج يجيلك من بني آدم ماتجيش بعد كده تزعل وتقول "لِيه يارب " Source
جاتلي خاطرة .. جيت اكتبها .. سكت فكرت فيها تاني ل...
views 239
جاتلي خاطرة .. جيت اكتبها .. سكت فكرت فيها تاني لاقيتها صحيحة ، وعكسها صحيح فكرت في كل الخواطر والأحكام والكلام لاقيته صحيح وعكسه صحيح برضه ! يعن...
ده يا سيدي اصغر ستوديو رمزي التكلفة في مصر لو اشت...
views 19
ده يا سيدي اصغر ستوديو رمزي التكلفة في مصر لو اشتريت ربعه من أمازون هتدفع حوالي ٤٠ دولار (+ مصاريف الشحن حوالي ٢٥ دولار) يعني تقريبا ١١٧٠ جنيه واللي ...
ساعات علشان تشوف حد بدقة مش هتحتاج اكتر من انك تنص...
views 138
ساعات علشان تشوف حد بدقة مش هتحتاج اكتر من انك تنصت لكلامه وعلشان تسمعه كويس مش هتحتاج اكتر من انك تشوفه وتبص عليه وعلشان تفهمه مش هتحتاج اكتر من ...
لقد تم اختيارك مقال لـ نهاد رجب...
views 2679
قال عنك الله أن كيدك عظيم وقال عن الشيطان أن كيده ضعيف   والله أعلم بمن خلق .   وقال الشيطان "وما كان لي عليكم من سلطان"   وقال الله، من خلق...

About the author

nihadragab