اهزم منافسك بالصمت لأن انتصاره سيبدأ عندما يعلو صوتك ضده .

التسويق الاجرامي هو انك تستخدم المنافس للتسويق لبضاعتك ومنتجك

وده ممكن يحصل بشكل مدروس او بطريقة طبيعية تلقائية جدا بناءا على طبيعة البيئة والثقافة وعناصر تانية مختلفة ..

وفيه اكتر من نوع للتسويق ، افضلهم نوعين ، التسويق السابق وتسويق اتصالات
واتصالات وبرسيل وغيرهم بيعملوا تسويق مبني على التريقة على المنافسين التانيين . يعني بدل ما يصرف ألوف على اقناعك بمنتجه ، هيصرف اقل بكتير على اقناعك ان اي حد غيره نصاب . وده مش بس المنهج بتاع اتصالات ، ده منهج ناس كتير حتى بعض مدربين التنمية البشرية .

انا فاكر اني في مرة كنت في ابتدائي في مدرسة 6 اكتوبر ، وكان فيه طالب معانا في الفصل بيقرا قرآن حلو أوي ، وكانت المدرسة بتخلينا نقرا وبطبيعة الحال كنا بنقرا ورا ، روحت أنا اتضايقت وغيرت منه ، فقعدت اعدله بصوت عالي ، يعني يقول كلمة مجرورة وهي منصوبة فقوم معلي صوتي أوي علشان الميس تاخد بالها انه غلط ، ولما الست زهقت ، قالتلي طيب اقرا انت ، وطبعا كانت فضيحة وكان شكلي وحش .

بص حواليك هتلاقي نماذج كتير للنوعيات ديه من التسويق

لما تلاقي ان سواقين التاكسي الابيض عملوا دعاية لاوبر تكفيها 10 سنين قدام
لما تلاقي ان بعض شيوخ الدين عملوا دعاية للإلحاد وخلت الناس تتجه للإلحاد عن قلب سليم ونية صادقة !
لما تلاقي ان اللى بيهاجموا بيريل “استرجل” ، هما نفسهم اللى بشكل لاواعي حطوا بيريل كأشهر مشروب في مصر وحقق المكاسب ديه كلها .
لما تلاقي ان اللى كنا بنتريق عليه وبنقول انه بطة ولا وزة “توفيق عكاشة” والتاني اللى كنا بنتريق على قلة ادبه “مرتضى منصور” دخلوا البرلمان وبيمثلوا مصر .

وفي النهاية تقف عاجز قدام طريقة سير الأمور ، وتتعجب فعلا من الناس اللى ملهمش حيلة ، إزاي ربنا بيرزقهم بسنة التدافع واللى المفروض تهدمهم مش العكس !

حاجة عجيبة جدا . والشاهد منها انك “تخليك في حالك”

لأن أقسم بالله ، الشىء اللى هتركز عليه بأي شكل “مضاد” او “في اتجاه” ، هيزيد ومش هيتوقف .

المستمر هو اللى في النهاية بيكسب حتى لو كانت سلحفة في سباق مع أرنب .

ويومكم أجمل من يومي
نهاد رجب

اهزم منافسك بالصمت لأن انتصاره سيبدأ عندما يعلو صوتك ضده .

مقالات مرتبطة

عن العنوسة اتحدث… للبنات فقط .. من راجل زي أ...
views 10264
  للبنات فقط .. من راجل زي أخوكي العنوسة مشكلة تواجه بنات كتير .. بس هل هي فعلا مشكلة ؟ خليني اقولك من واقع معاملتي لناس كتير ، ازاي ديه ممك...
القدر وكيف يمكن التنبؤ بالمستقبل ! نهاد رجب...
views 5683
"من كورس فن تحقيق الوفرة" كعادتي كل صباح أنظر إلى إحصائيات موقعي ، فوجدت أن كل ما أقوله للناس حول نظامية الأقدار ، لم يكن تنظيرا ولكنه الآن وأمام ع...
أقصر الطرق الى النجاح – كن مجنونا – نه...
views 1348
  ذكر في كتاب "حكم المجانين" أكثر الناس نجاحا وغنى في العالم لديه مشكلة ذهنية واحدة او اثنتان ، او لديه حالة نفسية مرضية ما ، فالمجنون فقط هو من...
طريقة ال R.O.R.D للتخلص من العادات السلبية وتكوين ...
views 7070
ماهي العادة ؟ وكيفية التخلص من العادات السلبية طريقة ال R.O.R.D للتخلص من العادات يعاني البعض منا من الكثير من العادات التي تؤثر بالسلب على حيات...
في التأني الندامة وفي السرعة السلامة ! نهاد رجب...
views 1760
هل قرأت العنوان جيدا ؟ ان هذا صحيح حق ، وقد تكون هذه الجملة هي الادق على الاطلاق .    ولكن كيف ان التأني يأتي بالاخطاء والسرعة تأتي بالسلامة وت...
حب اهدافك وافكارك
views 1963
تجربة ف معلومة النهاردة اكتشفت حقيقة فكرة كانت بتجيلي من فترة للتانية .. اني لو حبيت فكرة معينة وعشقتها واندمجت معاها عاطفيا ، هشوفها متجسدة في الدن...
قوة الافكار وتأثيرها في حياتنا للنجاح مع نهاد رجب...
views 1624
         كانت تستعد لاقامة حفل خطوبتها في نفس يوم الاحتفال بعيد ميلادها السادس والعشرين، سوف ترتبط بشخص ما أحبته بشدة ، لم يتجاوز عمرها ال 26 بع...
اقراها لو عايز تدخل الجنه – نهاد رجب...
views 1770
  عايز تدخل الجنه ؟ لما تفهم ان محدش بيدخل الجنة انت هتكمل اللى انت كنت عايشه وحالتك وصفاتك هتتجسد معاك في العالم الاخر وبوفرة لو انهيت حيات...
قول أيوة
views 2864
عارف لما يكون فيه حد غلس عمال يتصل بيك ؟ لا ومش غلس وبس ، ده بيقعد يرنلك وانت مش عايز ترد ولما يلاقيك مش بترد ، تلاقيه رن من رقم تاني علشان ترد عليه ،...
شيل السبت من الطريق ل نهاد رجب...
views 843
  معدي النهاردة من شارع ضيق ، فيه على اول خضري (بياع خضار)  سايب حاجته برة وفيه (سَبت) فيه خضار سادد الطريق على عربية نص نقل كانت بتحاول تعدي...

About the author

nihadragab

Leave a Comment