مشكلة الإنسان انه عايز يعيش منفصل عن المشاكل والأخطاء والسلبية
هو بشكل فطري بيدور على الجنة
من غير ميعرف هيا إيه
هو عايز يوصلها
 
الجنه والجحيم مسميات متجلية في الدنيا بأشكال متعددة وكل واحد ليه إدراكه ليها
 
يمكن علشان كده وصفت الجنه بما لا عين رأت ولا أذن سمعت ، لإن وصف محدد ليها هيقلل من قيمتها ، لكن إتاحة الخيال في عملية تصوير الجنه وتكوينها بيخليك أكثر حماسة ليها ، لإنك على الأقل هتحط فيها اللى انت عايزه حتى لو كانت آخر كولكيشن لعرايس باربي ، عيش يعني “ما لم يخطر على قلب بشر”
 
بنعيش الجنه والنار في الدنيا ، حاجة عاملة زي انك تكون طفل ويجيلك عربية بريموت كونترول ، طبعا هي مش عربية حقيقية ، وملهاش أي مقارنة مع دودج جديدة ، بس انت بتاخد فكرة . ربنا بيديلك فكرة من كل حاجة .
 
بيديلك فكرة عن الجنه بالنعيم اللى موجود في حياتك
وعن النار بالابتلاءات اللى بتعيشها
 
بيديلك فكرة عن عدله ورحمته ، فكرة بسيطة في الدنيا ، بحجم العربية اللى بالريموت ، لكن الأصل مختلف ومش هتصدقه ، ضرب الأمثال في القرآن علشان نفهم وندرك ، ومهما حاولنا اننا نقرب الصورة مش هنقدر . مفيش مقارنة .
 
بالفطرة انت بتبحث عن الجنه وبتهرب من النار ومن كتر هروبك المستمر بتنسى انت بتهرب علشان ايه ، بتركز على الهروب من ، وبتنسى الهروب إلى ، فبتقع بين الاتنين في فجوة لا هي جنة ولا نار ، انت بتكون تايه مش عارف ولا فاهم معنى لحياتك .. لانك نسيت ، فبتعيش حياتك أعمى وانت مفتح عينك ، وبتكتشف في النهاية انك متقدرش تشوف الجنة لإنك مش فاهمها ، هتفهم انك مش هتشوف غير اللى تقدر تفهمه ، وعلشان تفهمه لازم تعيشه وعلشان تعيشه لازم تكون خططتله ، وعلشان تخططله لازم تكون أدركت وجوده ، وعلشان تدرك وجوده ، لازم تسلم نفسك وتسيبها لربنا يوجهك ، تدخلك البسيط هيأخر إدراكك لجنه حياتك ، وهيوقفك عن التخطيط لحياتك علشان توصلها وبالتالي مش هتقدر تعيشها وفي النهاية لو دخلت الجنة مش هتفهم هي ايه .
 
ربنا عز وجل بيلخص كل ده في تلات كلمات “ففروا إلى الله” .. 3 كلمات يمكن يكون فيهم الحل من احساسك بالضياع والكسل واليأس والإحباط .. هروبك من النار ، خلاك مربوط في ساقية ، مهما مشيت ، بتلاقي نفسك بتلف وبتخدم نفس الشىء اللى انت بتحاول تهرب منه . ربنا عز وجل حطلك هدف ، واتجاه ، لو بس تحط ال 3 كلمات دول في دماغك في كل أزمة تقابلها .. والله حياتك هتتغير .
 
ففروا إلى الله
 
ويومكم اجمل من يومي
 
#نهاد_جب

مقالات مرتبطة

بكرة ان شاء الملك بداية كورس ممارس التنويم الإيحائ...
views 65
بكرة ان شاء الملك بداية كورس ممارس التنويم الإيحائي (المرحلة الثانيه) في المملكة الأردنية الهاشمية . مبسوط ومستعجل ومستني ومع ان الكورس يعتبر الساعا...
في طريقي للأردن الجميل لتقديم محاضرة تدريبية حول ا...
views 151
في طريقي للأردن الجميل لتقديم محاضرة تدريبية حول الاقناع والتأثير النفسي بفندق أياس بعمان ، المملكة الهاشمية الاردنية . المحاضرة غدا السبت ، من السا...
الناس فاكرة ان التنويم الإيحائي يقتصر على “غ...
views 418
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...
ليه انا ؟
views 1096
  لما بقع في كارثة وأقول "ليه انا ياربي" ، "أشمعنى انا ياربي" بتتحول الحالة من الحزن للسعادة "ليه انا ياربي" معناها ان ربنا اختارني انا...
فكرة انك لما تكون تعبان بتنام في اي وضعية وف اي مك...
views 676
فكرة انك لما تكون تعبان بتنام في اي وضعية وف اي مكان ومهما كان الإزعاج غير كده فأنت بتختار انسب مكان وبتقلق لو فيه اقل ازعاج ممكن لما كليتي وجعتني...
– لو سمحت انا عايز اعالج ابني – ماله ...
views 50
- لو سمحت انا عايز اعالج ابني - ماله ابنك يا فندم ؟ - بني آدم ! - ممكن تفاصيل ؟ - يعني بيزهق من المذاكره ومبيقدرش يكمل 10 ساعات مذاكره ع بعض زي اي سو...
فرنسا، ايفري الغد ان شاء الله اتوجه الى باريس، ...
views 169
فرنسا، ايفري الغد ان شاء الله اتوجه الى باريس، ايفري لعقد دوره التنويم بالإيحاء المستويين الاول والثاني، وعقد مجموعه من الجلسات العلاجية تحياتي...
الفرق بين التنويم الإيحائي والطب النفسي بعض النا...
views 314
الفرق بين التنويم الإيحائي والطب النفسي بعض الناس قد يختلط عليهم الأمر ، وتتحقق المغالطة المشهورة بما أن التنويم الإيحائي والعلاج النفسي يؤدوا إلى ن...
San Francisco is the Most Photographed City in Nor...
views 247
Flexitarian swag chia food truck stumptown lomo, master cleanse deep v pickled actually. Organic gluten-free High Life, lo-fi squid butcher seitan. St...
معنى الألم – نهاد رجب
views 1080
  الألم مش بييجي من الوقوع او الخبطة او الجروح ، الألم بييجي من عدم استعدادك ليه . هو مرحلة السكون اللى بتكون موجودة قبل الانفجار ، سكون عميق ، ...

About the author

nihadragab

Leave a Comment