متنافسش الناجح ، نافس الطموح والمستمر ، الطموح هو اللى هيوصل في النهاية وهو اللى بيضحك اكتر ، الشغوف والطموح هو اللى مبيقفش وبيعدي ..
 
يمكن اتكلمت عن الموضوع ده في مقالة “خدعه الاول” ، بس حابب اضيف الآتي ..
 
الشخص لما بيوصل للنتيجة بيصاب ، حرفيا بيصاب بالخمول والكسل والثبات ، يمكن أغلب الناس اللى تابعتهم كده دون ذكر أسماء ، ووقعته بتكون بتكسر .. بس مش أي ناجح ، انا بتكلم عن اللي بينجح فجأة .. اللى بيبدأ السلم من فوق ، والناجح اللى بيبدأ من الاول بس ميكونش طموح ، هو بس عايز ينجح خبطة واحدة وينتهي أمره ..
 
أما اللى بياخد السلم من أوله ، واحدة واحدة وبيكمل ، بيعافر وبيتعب هو ده اللي بيكمل ، وحياته بتكون أفضل ..
 
الشاهد هنا واللى عايز احذر منه هو كل البرامج التلفزيونية اللى بتدي للأطفال فرص يكونوا نجوم في بداية حياتهم ..
 
زي زا فويس كيدز بالتحديد ، برنامج بيكتشف المواهب الغنائية لأصحاب السن الأصغر .
 
الطفل لما بينجح في طفولته بيكسر الدنيا وبيكون مميز جدا ، الناس كلها بتتابعه وبتعجب بيه ، وبحكم سنه فالناس بتبدأ تتفنن في دعمه بكل الكلام الايجابي اللى بيكون كتير جدا على طفل في سنه ، بس اللعنه بتحصل لما يكبر شوية وطفولته بتختفي وبيكبر ! بيبدأ الناس تبعد ومبتهتمش ، لإن ميزته الحقيقية مكنتش في قوته ، ميزته كانت في سنه ، الا من رحم ربي .
 
خلينا نشوف مثلا الممثلة منه ، فيروز (دهب) ، وكل الاطفال اللى مثلوا في طفولتهم ، قليل جدا اللى بيكمل وبيحافظ على مكانته في قلوبنا ، غالبا مفيش ممثل بدأ من الطفولة وكمل ، فاكرين الولد بتاع Home Alone ؟ تعرف عنه ايه غير الفيلم ده ؟ ولا حاجة وتقريبا انتحر مؤخرا .
 
نجاح الخبطة الواحدة ، لو قدامك فرصة انك تتجنبه ، تجنبه ، مداه قصير جدا وعلى المدى الابعد بتتلعن ، متشجعش ابنك على انه ينجح في سن صغير ومتحقنوش بكل الكلام الايجابي والدعم لانه بيتلعن وانت مش واخد بالك .
 
الخلاصه ان الطموح هو اللى بيكمل ، وغالبا بيكون مليااااان فشل في طفولته ومراهقته ، وكل الفشل ده بيتراكم علشان يكون نجاح مبهر ، عنده دايما القدرة انه يزيده ويشعله ويحافظ عليه .
 
متستخدمش طفولتك او طفوله ابنك وتحطه في موقف نجاح اكبر منه لانه مش هيعرف يصله مرتين وهيتعب في النهاية .
 
متحقنش ولادك بكلام إيجابي أكتر من اللازم ، وقبل ما تربيه على الاخلاق ، ربيه على الطموح وانه دايما يبص لقدام ..
 
متستغلش طفوله ابنك ، وخليه يطلع السلم من أوله ..
 
ويومكم أجمل من يومي
 
نهاد رجب

مقالات مرتبطة

النظرية الجزء الثالث
views 463
  عيشها بدماغك ايه رايك لو جيه حد معروف ونده وسط الف شخص وقال يجماعة احنا هختار فلان الفلاني (الي هو حضرتك) من وسطكم علشان يمثلكم ؟ طيب لو ...
خطورة الكلمات مقالة ل نهاد رجب...
views 974
خطورة الكلمات هل تفكرت يوما فيما وصل اليه الكثير منا من ظلم وفشل وامراض نفسية ؟ هل لاحظت ان هناك علاقة وطيدة بين ما نقوله وما نحن فيه ؟ يقول ال...
حب اهدافك وافكارك
views 1606
تجربة ف معلومة النهاردة اكتشفت حقيقة فكرة كانت بتجيلي من فترة للتانية .. اني لو حبيت فكرة معينة وعشقتها واندمجت معاها عاطفيا ، هشوفها متجسدة في الدن...
الثقة بالنفس وخطوات عملية لـ نهاد رجب...
views 8499
الثقة بالنفس تعتبر الحل لكل المشكلات التي يمكن أن تواجهها في حياتك ، فكر في أي مشكلة تواجهها ، تجد ان سببها غالبا ما يكون له علاقة بثقتك بنفسك ، فإذا ...
الاحتياج وطريقة احتياج الاخرين لكسبهم لصفك .. نهاد...
views 2944
  الكلاب بتشم الخوف والبني آدمين بيشموا الاحتياج ، وده بيديهم احساس من اتنين اما غرور وبيؤدي في النهاية ان صاحبه يبدأ يتعالى على صاحب الحاجة ...
تعلم سر من أسرار كسب المال من استفتاح البائعين.. ن...
views 4582
الاستفتاح ، قد تتراود الى ذهنك العديد من المعاني عندما تستمع الى هذه الكلمة .. ولكن اسياد استخدام هذه الكلمة هم البياعون ، فلقد علموا قوتها وأهمية معن...
وقف الكالاكس وامشي بهدوء #نهاد_رجب...
views 1877
  ماشي في الطريق الكالاكس بتاع العربية اختفى .. مات مشيت حسيت احساس واحد محبوس في اوضة ازاز وعمال يصرخ ومحدش سامعه ده خلاني امشي بالعربية بر...
خلي اللحظة تعيشك
views 993
  لانك بتختصر حياتك في لحظات لانك بتختصر تجاربك في لحظات لانك بتختصر الناس في لحظات لانك بتختصر علاقاتك في لحظات فبتقول انها كانت اجمل لحظات...
سر تحفيز الذات واتخاذ القرارات...
views 1412
  معتقدات + عاطفة قوية = طاقة طاقة +معلومات (أفكار موجهه) = نتيجة نتيجة = معتقدات اضافية + عاطفة أكبر طيب ، ازاي تقدر تخلق معتقدات ؟...
الدليل الى النجاح .. كن نفسك .. نهاد رجب...
views 1174
النجاح يختصر في كلمتين ، وهما انك تكون نفسك مش هتنجح باتباعك للقوانين ، دايما اللى بيخرج عن القاعدة هو اللى بيستمر وبيبدع مش هتنجح بنمطيتك وتحجرك م...

About the author

nihadragab

Leave a Comment