لو سمحت ممكن أضايقك شوية ؟
 
اصبر بس
 
تخيل ان معاك 60 الف جنيه في البنك .. حوشت فيهم لشهور وتعبت فيهم وحرمت نفسك من كل حاجة علشان تحافظ عليهم . كنت بتحط الجنيه على الجنيه زي مابيقولوا والعشرين على العشرين علشان تجمع الرقم ده .
 
وفي يوم من الايام جاتلك فكرة انك تخلي الفلوس عندك في البيت ، فروحت البنك وسحبتهم
 
وانت ماشي في الطريقة مبسوط ، طلع عليك حرامية وخدوا فلوسك عن آخرها
 
هتزعل ؟
 
أكيد ! مش محتاجة سؤال
 
تخيل بقى ان الموضوع عدى وتاني يوم جالك خبر ان فيه ورث مثلا جالك ب 10 الاف جنيه
 
هتفرح ؟ اكيد ! بس استنى ..
 
بعد نص دقيقة هتفكر ازاي ؟
 
هنقول 80% مننا ، هيبدأ يقول ، ياربي مش لو كان معايا ال 60 الف كان زمانهم 70 الف دلوقتي ؟! وغالبا هيبص لل 10 الاف جنيه بمنتهى الدونية ، ولا هيعنولك شىء ولا هتحس بيهم لأنهم مش هييجوا حاجة قصاد ال 60 الف اللى كانوا معاك !
 
طيب استنى لو ربنا كرمك وورثت تاني بعدها بساعه 100 الف جنيه ! هتفرح ؟!
 
اكيد ! بس استنى برضه .. مش يمكن تفكر وتقول ياااااه لو كان معايا ال 60 الف اللى اتسرقوا مني ! كان زمانهم 160 الف دلوقتي ! وتبدأ تزعل من جديد .. وتفقد الفرحة تأثيرها وال 100 الف هيبقوا بالنسبة لك شىء لا يذكر وغير مؤثر ..
 
بشوف ناس كتير جدا كده ! عايشين على جملة “يااااه مش لو كان معايا ال….”
 
الجملة ديه في حد ذاتها كافي انها تإذيك وتشيل طعم السكر من على لسانك ، لانها ببساطة بتخليك متقدرش تستطعم اي حاجة حتى لو كانت كبيرة جدا بالنسبة لك ، ليه ؟ لانك عايش في ال 60 الف اللى راحوا منك
 
واغلب مشاكل حياتنا بتكون بسبب نفس الفكرة ! حصلتلنا مشكلة ، وربنا بيعوضنا بالأحسن ، وبنبدأ نفكر في اللى كان في ايدينا اللى بنسمحله انه يضايقنا في حياتنا وفي كل حاجة حلوة بتحصلنا ومش حاسين بيها ..
 
تجيب عربية وتقول “ياه مش لو كنت استنيت وحوشت شوية كنت جيبت التانية الاحسن ”
 
فتكره عربيتك
 
تجيب فلوس ، تفتكر اللى ضاع منك
 
وهكذا في كل حياتك ، فتتعمي عن النعم اللى ربنا عز وجل بيديهالك بسبب طمعك ..
 
طمعي ازاي وديه كانت فلوسي ؟
 
لو كانت فلوسك بس هي مش فلوسك ، واللى راح من حياتك مكنش ملكك ، كان امانه معاك مش اكتر وربنا نزعها منك وادالك الاحسن بكتير ، بس المشكلة انك مش هتفهم ده بسهولة ، لان اللى راح منك دايما عقلك بيصورهولك الأهم ..
 
بداية المشكلة ديه كلها حصل امتى وليه ؟
 
حصلت لانك مكنش عندك هدف ، كنت بتجمع الفلوس للفلوس ، كنت بتحب الناس لنفسك مش للناس ، غياب الهدف بيخليك تحول الهدف الاساسي للمادة اللى هي اصلا مش هدف ، فبغيابها بتتعب وبتزعل ..
 
لكن لو فكرت من بداية قصتنا ان الفلوس ديه لهدف معين وكلها راحت في الهوا ، ساعتها هتيدلأ من الصفر وانت في كامل حماسك وطاقتك لان الهدف مختفاش ، الفلوس بس هي اللى اختفت ..
 
فكر وقرر وخليك واعي انت بتعمل في نفسك ايه
 
ويومكم أجمل من يومي
ويومي أجمل بيكم
 
نهاد رجب

مقالات مرتبطة

انا عايز مصلحتك #نهاد_رجب
views 1732
    فيه ناس لما بيقولولك "انا عايز مصلحتك" بيكونوا قاصدين انهم عايزينك تاخد كل الخير وفيه اللي بيكون عايز مصلحتك لنفسه علشان ياخدها...
بذاكر كورس عن الميتا بروجرامز ، او البرامج العليا ...
views 70
بذاكر كورس عن الميتا بروجرامز ، او البرامج العليا الخاصه بالشخص واللي بتشغل عقله وبالتالي بتحدد سلوكه او تفضيلاته او غيرها .. وبمعرفتها بنقدر نتواصل ا...
كنّا طالعين جبل موسى ، في سانت كاترين من أسبوع او ...
views 365
كنّا طالعين جبل موسى ، في سانت كاترين من أسبوع او اكتر . عشرات من الناس عايزين يوصلوا للقمة لسبب ما . كل واحد عنده هدفه . الجبل ارتفاعه ٢٣٠٠ متر وصعود...
تم بحمد الله الانتها من كورس التنويم بالإيحاء (الم...
views 200
تم بحمد الله الانتها من كورس التنويم بالإيحاء (المرحلة الاولى والثانية) في فرنسا ، ايفري وعمل مجموعة مكثفة من الجلسات الدعم النفسي ثم الانتقال الى ب...
أربع مراحل لمعادله الأربع خطوات لحث حاله التنويم ا...
views 103
أربع مراحل لمعادله الأربع خطوات لحث حاله التنويم الإيحائي التنويم الإيحائي هو تقنيه معروفه حول العالم حيث انه افاد الآلاف ممن خضعوا لحاله التنويم ال...
الخطوة اللي تاخدها لهدفك في خيالك تتحسب | نهاد رجب...
views 209
الخطوة اللي تاخدها لهدفك في خيالك تتحسب Source
معنى مصطلح السايكو نيرو ديبليكشين في التنويم بالإي...
views 257
معنى مصطلح السايكو نيرو ديبليكشين في التنويم بالإيحاء - #التنويم_بالإيحاء_مع_نهاد_رجب الحلقة 3 انضم للصفحة وادعوا اصدقائك للاستفادة. الصفحة الرسمية ل...
٣٠ دقيقة وهنبدأ مع زياد علي وحلقة جديدة عن التحكم ...
views 47
٣٠ دقيقة وهنبدأ مع زياد علي وحلقة جديدة عن التحكم بالمشاعر #راديو_مصر_كافيه #راديو #راديو_مصر Source...
وقف الكالاكس وامشي بهدوء … إدخل هنا تأتي إلي...
views 771
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...
هل تعلم ان هذا البروتوكول هو الأقوى ! يمكنك الآن ...
views 114
هل تعلم ان هذا البروتوكول هو الأقوى ! يمكنك الآن الدمج بين النظريات العقليه الخاصه بقانون الجذب واساليب التنويم بالإيحاء للحصول على نتائج في منتهى ال...

About the author

nihadragab

Leave a Comment