الفقدان

من وقت للتاني بنصاب بفايروس قاتل اسمه فايروس التعود ، بنتعود الاكل اللى بناكله ، الشرب ، بنتعود الجسم اللى احنا عايشين جواه وبنتعود الناس اللى عايشين معانا .

بنتعود وبننسى ، ولو حاولت تدرس الموقف هتكتشف ان ده مش طبع فينا الاغرب من كده ان ده بيعكس الطريقة اللى اتخلقنا بها ، من عدم ، ومبنفهمش غير العدم ، او زي ماوضح ايكهارت تول ، كل شىء في أصله هو ال Nothingness او اللاشىء ، واللاشىء في حد ذاته هو كل شىء ! وبالتالي لو الجملة بتقول لا يفل الحديد الا الحديد ، فلا يفل العدم الا العدم !

لاننا لما بنفقد اللى متعودين على وجوده ، بيختلف اتجاهات الافراد ، فيه ناس بتفقد وبتلاقي وناس بتفقد فبتموت ، اما النموذج الاول فهم الناس اللى انعدم منهم نعمة ما كانت موجودة واتعودوا عليها ولما انعدمت بداوا يقربوا اكتر واكتر من حقيقتهم الا وهي العدم ، الفناء او اللاشىء . فبتلاقي اللى بقى واعظ ديني ، واللى بقى ناجح في مجاله واللى بني عمارات ، لمجرد انه مر بالفقد والعدم ..
والنموذج التاني من الناس اللى بتفقد فبتموت فهم الناس اللى اعتمدوا اعتماد كلي وجزئي على اشياء في حياتهم ، لدرجة انهم لو فقدوها ممكن ينتهوا معاها ، وده النموذج السلبي .

ولعل مقولة “الناس صنفان موتى وهم احياء واخرون ببطن الارض احياء” من اهم الجمل اللى بتفهمك انك مش محتاج تكون بتتنفس علشان تبقى عايش او مش محتاج انك تتكفن علشان تكون ميت . ممكن تكون عايش ميت او العكس .. العدم هو كامل الخيرات ، هو الشىء اللى كل مابنقربله كل مابنلاقي نفسنا وبنكتشفها وبنكتشف حلول اهم واحسن وافضل واقوى . للي يقدر يدرك اهمية الفقدان .
وكل ماتفقد اكتر ، كل مابتقرب اكتر واكتر من العدم ، تخيل انك في سجن ، بين اربع حيطان ، وانت صغير كنت حاسس ومتيقن انه سجن ، وكل مابتكبر كل مابتزين السجن ، مرة بعربية ، مرة بشقة ، بزوجة ، بأطفال ، الخ .. لحد مابتنسى انه سجن وبيتهيألك انه حياتك كلها . في الوقت اللى هتشيل الزينة هتبدا حيطان السجن تبان ، هتبدأ تشوف الشباك ، هتبدأ تحس بالطاقة اللى بتنتشر مع الوقت وبتتجدد في كل خلية وكل عضلة في جسمك علشان تكسر بيها حيطان السجن ، وتعديه .

الفقدان بيأهلك انك مش بس تقرب من الحقيقة ، الفقدان بيفهمك وبيحد شخصيتك التلمة ، بيقوي افكارك الواهنه وبيتخلص من معتقداتك الميتة . الفقدان بيقويك وبيخليك اكثر احساس بقيمة الاشياء اللى معاك واكثر اهتماما بيها، الفقدان بيقربك اكتر واكتر من الوفرة الحقيقية ، وفرة ال Nothingness او وفرة العدم .

تقدر تزعل زي مانت عايز على فقدانك لشخص ، او لشىء مهم ، كل اللى عايزه منك انك تاخد نفس عميق وتعرف انك في طريقك للتحرر ، لان الحياة الحقيقية ، موجودة هناك في العدم .

وافتكر ان كل واحد نجح في الدنيا ديه بجد نجاح متأصل ، هتكتشف انه فقد ، زوج ، زوجه ، ابن ، فكرة ، اعتقاد ، بيت ، اجزاء من جسمه .. وقرب اكتر بقوة من العدم والوفرة اللى خلته يقدر ينجح في مجالات تانية كتير

خلي الفقدان الايجابي عادة عندك .. فكر في كل شىء انت مرتبط بيه وانت عارف انه ممكن يحبس روحك ، واتخلص منه فورا .. وخليك حر .. وفر .. الى الله . خالقك وخالق العدم .

“أعصابنا عاجزة بطبيعتها عن الاحساس بالمنبهات التي تدوم
نحن مصنعون من الفناء ولاندرك الأشياء إلا في لحظة فنائها
فإذا دام شيء في يدنا فإننا نفقد الإحساس به.”

نهاد رجب
6/7/2014
القاهرة/

مقالات مرتبطة

لعنه النجاح الطفولي .. نافس الطموح وليس الأنجح .. ...
views 5105
متنافسش الناجح ، نافس الطموح والمستمر ، الطموح هو اللى هيوصل في النهاية وهو اللى بيضحك اكتر ، الشغوف والطموح هو اللى مبيقفش وبيعدي ..   يمكن اتكلمت...
اللى ناقصك .. مكتمل فيك .. دور عليه .. نهاد رجب...
views 993
  الخير والشر ؟ الصح والغلط ؟    بتصدق في التضاد ؟    بتصدق في الشىء ونقيضه ؟    مينفعش ! لان المعنى وعكسه هو نفس الشىء ، ...
فكر كموجة وكيف يمكنك تحقيق الحظ بطرق علمية ومبسطة ...
views 3328
  هل تؤمن بالصدفة ؟ ان كنت تؤمن بالصدفة فالصدفة لا تؤمن بك وانا ايضا لا أؤمن بها .. دعني اسألك سؤال ، بالنظر الى الصورة المرفقة ، تجد عمودا م...
النظرية الجزء الثالث
views 689
  عيشها بدماغك ايه رايك لو جيه حد معروف ونده وسط الف شخص وقال يجماعة احنا هختار فلان الفلاني (الي هو حضرتك) من وسطكم علشان يمثلكم ؟ طيب لو ...
سر تحفيز الذات واتخاذ القرارات...
views 1766
  معتقدات + عاطفة قوية = طاقة طاقة +معلومات (أفكار موجهه) = نتيجة نتيجة = معتقدات اضافية + عاطفة أكبر طيب ، ازاي تقدر تخلق معتقدات ؟...
نبوءة القول: كيف يمكنك التحكم فى من يحبك...
views 5357
  نبوء القبول ببساطة بتقول : لما نفكر ان الناس هتحبنا ، بنتصرف بطريقة حميمية جدا فالناس بتحبنا اكتر ، ولما بنعتقد انهم مش بيحبونا ، بنتصرف ببرود...
تعلم كيف تكسب المال من الانترنت ! لـ نهاد رجب...
views 10475
هل تريد عمل بعض المال الإضافي بلا مجهود كبير ؟  الانترنت يعتبر السلة التي تبيض ذهبا كل يوم ، بلا كلل وتعب ، وكلما نهلت من كنوز الانترنت كلما ازدت ا...
النظرية – الجزء الاخير- كن قدوة...
views 889
  اولا لمحتوى المقالة ارجوا من القراء عدم قراءة المقالة الا في حالة التقبل الشديد لكلامي والمصطلحات الي هستخدمها وده لان فيه حاجات ممكن تتقال مت...
قوة الافكار وتأثيرها في حياتنا للنجاح مع نهاد رجب...
views 1702
         كانت تستعد لاقامة حفل خطوبتها في نفس يوم الاحتفال بعيد ميلادها السادس والعشرين، سوف ترتبط بشخص ما أحبته بشدة ، لم يتجاوز عمرها ال 26 بع...
جذب المال بالتنويم الإيحائي لـ نهاد رجب...
views 11773
لا شك أن جذب المال من أهم الموضوعات التي تشغل بال الكثيرين ، ولكن هل يمكن فعلا أن يحدث ؟ نعم ! ولكن دعني أخبرك كيف يمكنك ان تقوم بذلك . قبل ...

About the author

Engy Ragab

Leave a Comment