عايز تدخل الجنه ؟

لما تفهم ان محدش بيدخل الجنة

انت هتكمل اللى انت كنت عايشه
وحالتك وصفاتك هتتجسد معاك في العالم الاخر وبوفرة

لو انهيت حياتك على الرضا ، الحب ، الراحة النفسية ، الأمان ، الرحمة ، الإيمان ..

هتلاقي كل ده متجسد قدامك في جنتك

مفيش ناقم بيدخل الجنة
مفيش كاره بيدخل الجنة
مفيش ظالم لنفسه بيدخل الجنه
او متعال

حتى لو كانت جبهته بتلمس الارض في كل اذان
انت ف النهاية هتشوف اعمالك ، هتقابل صفاتك وقيمك .. هتقابلها متجسده .

زي ماتعلمنا ان القرآن بيشفع فيك
وان اعمالك بتشهد عليك
وان كتاب ربنا بيتجسد على هيئة رجل صالح وبيكون رفيقك في القبر

لازم تفهم ان كل شىء جواك هتشوفه لما ينقضى الاجل ، اللى بيدخل الجنه هما الناس اللى عايشين في جنه ، جنه من الرضى والامان والتوازن النفسي ، بينتقلوا من دنيا لجنه او بمعنى ادق من جنه لجنه .

انت بتبني بيت في الجنه لما تتصدق او لما تقول كلام روحاني ما
نفس البيت ده بتبنيه في دنياك لما تؤمن ان كل حاجة بتعملها ليها تأثير على الجنه اللى بتعشها ف حياتك .

هتتحاسب في الاخرة ؟ وهتتحاسب في الدنيا
هتتعاقب في الاخرة ؟ هتتعاقب في الدنيا
هتتجازى بالجنه في الاخرة ؟ هتتجازى بالجنه ف الدنيا

طب انت تعرف ان الجنه والنار بالنسبة لكتب التاريخ القديمة قبل الاديان السماوية كانت بتتحدد على حسب البيئة الخاصة بالأفراد ؟ يعني على سبيل المثال لو شخص ما عايش في بيئة صحراوية فجهنم بالنسبة له هي الشمس ؟ والحر ؟ والنار ؟ ولو عايش في بيئة باردة زي اوروبا مثلا هتكتشف ان سيرهم واساطيرهم بتقول ان الميت لما بيتعاقب بيدخل مكان شديد البرودة ؟.

اقرا في كتب الصالحين او المبشرين بالجنه
هتكتشف ان مفيش حد فيهم كان بيزعل ، كان بيحزن لمشكلة ، كان قلبه في ران وصدى .

تدبر كده في قول ابن القيم تلميذ شيخ الاسلام ..

قال إبن القيم:
ما يفعل أعدائي بي؟ إن سجنوني فسجني خلوة مع الله، وإن نفوني فنفيي سياحة، وإن قتلوني فقتلي شهادة؛ أنا جنتي في قلبي وقلبي بيد ربي.

انا جنتي في قلبي وقلبي بيد ربي !

عرفت انا قصدي ايه ؟ الجنه موجودة واحنا مبندخلهاش الا لو كنا عشناها على الارض ..

سئل الشافعى رحمه الله أيُّما أفضلُ للرجل، أن يُمكَّن أو يُبتلى ؟فقال: لا يُمكَّن حتى يُبتلى

لن تمكن حتى تبتلى والله العظيم ايها القارىء العزيز .

عايز تعرف انت من المبشرين بالجنه ولا لا ؟
اسال نفسك ، انا عامل ايه ؟ انا راضي ولا لا ؟ المشاكل بتأثر فيا ؟ انا حزين طول الوقت؟ انا يائس ؟ انا خايف ؟ اسال نفسك ولو حسيت ان الدنيا متلخبطة ، عيد حساباتك ، وعيش جنتك ، انت الأقدر .

نهاد رجب
3/7/2014

مقالات مرتبطة

الوعي الجسدي ؟! ماهو وكيف يفهمك جسدك وكيف تصل للوز...
views 19430
قام شستر ، عالم النفس الشهير بالحديث عن مايسمى بال BC او وعي الجسد ، فلقد أثبت شستر أن أجسادنا ماهي الا أجهزه ريسيفر تقوم بالتفاعل معنا كما ولو كانت ع...
خمس طرق للتغلب على ذكرى الحبيب...
views 4892
  مشاعر جميلة بس بتإذينا لما تكتشف انك لسة بتحب واحد / واحدة بس مفيش فرصة علشان ترجعوا لبعض تاني ، انك تدخل في علاقة لفترة كبيرة وفجأة تكتشف ان ...
ادعي وميهمكش #نهاد_رجب
views 5098
لما براجع سوره مريم بستغرب جدا من شيء سيدنا زكريا دعى ربه انه يرزقه وليا دون تحديد ذكر او أنثى لميراث حكمته وعلمه الشىء الغريب فعلا ان بعد ماربنا بش...
النظرية الجزء الثانى
views 1063
  كتير منا بيمر بذكريات صعبة ، بيحس انه عايز يتخلص منها ، في شغلي بالتنويم الايحائي كنت كتير بقابل ناس شايفين ان الحل الوحيد لحالتهم النفسية انه...
عايز تستمتع بحياتك ؟ اشرب الماء على ثلاث مرات !!!...
views 4181
عايز تستمتع بحياتك ؟ اشرب الماء على ثلاث مرات !!! الدين مش بس بيقولك اخلاقيات ، مش بيعلمك سلوكيات ، الدين بيعمل على اعادة وحفظ التوازن للكون ! فبالت...
في الألم القوة وفي الألم الحياه #نهاد_رجب مقالة لـ...
views 6613
سنة 1985 ، دان اريلي - مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلم...
انت السبب ، روشتة سريعة للنجاح...
views 2126
  بقيت لما تحصل مصيبه او كارثه في العالم بقول "ليه يانهاد عملت كده ، ليه كنت سبب في كده." ولما تحصل حاجه كويسه واسمع خبر حلو بحمد ربنا وبشكره وب...
النظرية – الجزء الاخير- كن قدوة...
views 889
  اولا لمحتوى المقالة ارجوا من القراء عدم قراءة المقالة الا في حالة التقبل الشديد لكلامي والمصطلحات الي هستخدمها وده لان فيه حاجات ممكن تتقال مت...
ابحث عن ما تخاف منه تجد نفسك كاملا .. نهاد رجب...
views 2979
بتخاف من ايه ؟ اغلب اللى بنخاف منه هي اشياء تنقصنا ، والطريقة الوحيدة لمعرفة ما ينبغي علينا تعديله هو البحث عن ما نخاف منه ليس فقط ببحثنا هذا سنجد...
في الوقت اللي كلهم هيجمعوا انها نهايتك ووقوعك....
views 654
في الوقت اللي كلهم هيجمعوا انها نهايتك ووقوعك. وانت بتقع وقبل.ماركبتك تتعفر بالتراب ، اسند بايدك وقوم تاني خليهم دايما يحسوا انك مبتخلصش ، لسه ع...

About the author

Engy Ragab

Leave a Comment