لإننا ساعات محتاجين نبطل تركيز علشان نقدر نفهم
/ومحتاجين نبطل تفكير علشان نقدر نوصل للحلول
ومحتاجين نبطل رغي علشان نقدر نتكلم
ومحتاجين نبطل ضحك علشان نقدر نفرح

قمة الاستيعاب بتحصل للشخص اللى بيندمج ، بينفصل ، بيتعايش بعقله وكيانه
قمة الراحة النفسية بتحصل للناس اللى قررت انها تلغي وعيها وتبدأ تفكر بنوع تاني من التركيز ، أقوى وأعمق ، تركيز لاواعي ، فيه انت بتمنع اي محاولة لوعيك انه يتدخل علشان يفك رموز الكلام اللى بتسمعه او انه يدي معاني للمواقف اللى بتمر بيها ، ولما بتنجح ، بتكتشف انك بتستوعب اضعاف مضاعفة اللى كنت بتستوعبه من قبل .

اكتر كلام اثر فيك ، كلام انت سمعته من غير اي محاولة لفهمه ، من غير اي محاوله لترجمته ، كلام اتقالك في لحظة انت كنت فيها في حالة من اللاوعي اللى بتؤهلك انك تفهم بعد تاني من الكلام ..

لما اقولك انا بحبك ، ممكن تفكر وتفكر وتفكر وتعيد تفكير في معنى الكلمة ومسئوليتها عليك ، على احساسك بيها ، على معناها بالنسبة لي ، على صدقي وانا بقولهالك ، او ممكن بمنتهى البساطة تقبل الكلمة وتحس بيها وتدخلها جواك وتستشعر قوتها وتستفيد بيها ، ساعتها انت بتسمح لوعي اكبر بكتير من انه ياخد منك التحكم ويبدأ هو في التصرف لما تثق فيه وتؤمن بقوته وقدرته .

التركيز بيفقد الاشياء طعمها ، التركيز بيضيع وقتك وعمرك ، التركيز بينسيك حاجات كتير ، التركيز بيمنعك من انك تستمتع بكل لحظة انت بتعيشها ، التركيز الواعي ..

في احدى محاضرات المدرب محمد شاكر Mohammad Shaker احد اقوى مدربي القراءة السريعة في مصر ، قال جملة كانت في منتهى القوة ! لما تقرا بتركيز ، كلمة كلمة ، عقلك استيعابه هيقل ، لكن لما تقرا بسرعة وانت مقتنع من جواك انك بتستوعب هتكتشف ان استيعابك زاد اضعاف مضاعفة ..

الحل هنا هو انك تقرر ولو ليوم في الاسبوع انك تستمتع بكل حاجة بتتقالك او اي شىء بتاكله او اي موقف بتمر بيه بشكل مجرد جدا بعيدا عن اي تقييم او تفكير ، ايجابي كان او سلبي .

مع الوقت هتكتشف انك بتبدأ تستخدم وعي اعلى بكتير من الوعى البسيط العقيم اللى بتحاول تستخدمه علشان تفهم الدنيا من حواليك ، هتستخدم وعي اكبر ، وعي اجمل ، وعي انت بتستخدمه لما تسترجع آيات القرآن الكريم ، وتعيش مع الحالة ، ساعتها بتكتشف انك بتسترجع ايات اكتر بكتير لكن لو بدأت انك تفكر في كل اية وتحاول تفتكرها هتبدأ تتلخبط ، هتبدأ تنسى .

استمتع بكل لحظة بتعيشها ، اول ماتصحى من النوم ، وانت لسة مغمض عينك ، قرر من جواك انك تبدأ تلقائي Spontaneous وتبدأ مستقبل ناجح للاقتراحات ، قرر انك تدخل نفسك في حالة السعادة بوعيك ، وتعيشها ، وتبدا تعيش يومك وانت محاوط نفسك بالحالة بشكل واعي ، ساعتها هتبدأ تشوف الدنيا احلى ، وان اعتى المشكلات اللى كانت مسببالك ازمات نفسية ، في النهاية ليها حل . هتحس بمتعه . لما تبطل تركيز ، لما تمشي مع موجه الاحداث والكلمات ، لما تسمح لنفسك انك تبقى النغمة ، متبقاش البيانو . وتبطل تركيز ..

نهاد رجب
القاهرة

9/7/2014

مقالات مرتبطة

حلول قرآنية للمؤمنين
views 2799
  لكل واحد بيقول ان الظروف هي السبب / (بَلِ الْأِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ) لكل واحد شايف انه اقل من ال...
لما بفكر في كم الاعتقادات اللي كانت عندي واتغيرت...
views 958
لما بفكر في كم الاعتقادات اللي كانت عندي واتغيرت والقناعات اللي اتبدلت وبتفكر في واقعي ساعتها لما كنت مصدقها بكتشف ان كل إنسان بيقيس الدنيا على نفس...
متخافش من حد- للرجال فقط
views 5162
  عايز تعمل حاجة .. اعملها قدام اي حد .. كل ما الحاجة ديه هتكون فاجرة .. محدش هيقدر ينتقدك .. لان الناس هتبقى مصدومة ومش مصدقة انك عملت حاجة زي ...
التخلص من قضم الأظافر والعادات السلبية – نها...
views 1931
  هل تريد التخلص من هذه العادة السلبية ؟ قد يبدوا الامر صعب للوهلة الاولى خصوصا ان كنت من هواه قضم الاظافر ولكن دعني اخبرك انني قد كنت اعاني م...
ادعي وميهمكش #نهاد_رجب
views 5098
لما براجع سوره مريم بستغرب جدا من شيء سيدنا زكريا دعى ربه انه يرزقه وليا دون تحديد ذكر او أنثى لميراث حكمته وعلمه الشىء الغريب فعلا ان بعد ماربنا بش...
النظرية الجزء الثالث
views 690
  عيشها بدماغك ايه رايك لو جيه حد معروف ونده وسط الف شخص وقال يجماعة احنا هختار فلان الفلاني (الي هو حضرتك) من وسطكم علشان يمثلكم ؟ طيب لو ...
التغلب على التسويف والمماطلة...
views 3431
  الموضوع بدأ لما كنت بتكلم مع عميل وحبيت استخدم معاه تأثير الباركنسون ، ومن غير ماندخل ف تعقيدات لغوية خليني اقولك فكرته من خلال قصتي مع العميل...
خطوات لإثارة إعجاب شريك حياتك بك #نهاد_رجب...
views 11085
نحتاج دائما لإثارة إعجاب شركاء حياتنا لنتمكن من الحفاظ على الحب والود بيننا دائما .. هذا الشعور هو شعور إنساني طبيعي ، ولذلك كان علي أن أوضح لك عزيزي ...
وهم المستقبل ل #نهاد_رجب
views 741
المستقبل هو الوهم الوحيد اللي معظمنا عايشين بسببه حاضرهم مش عاجبهم عايشين في الاحتمالات لا عارفين يعيشوا دنيا ولا اخره طظ في مستقبلي مستقبلي مش ...
نبوءة القول: كيف يمكنك التحكم فى من يحبك...
views 5357
  نبوء القبول ببساطة بتقول : لما نفكر ان الناس هتحبنا ، بنتصرف بطريقة حميمية جدا فالناس بتحبنا اكتر ، ولما بنعتقد انهم مش بيحبونا ، بنتصرف ببرود...

About the author

Engy Ragab

Leave a Comment