الألم مش بييجي من الوقوع او الخبطة او الجروح ، الألم بييجي من عدم استعدادك ليه . هو مرحلة السكون اللى بتكون موجودة قبل الانفجار ، سكون عميق ، مينفعش اي عاقل او مجنون انه يفهم ماهيته او يفسره بشكل مختلف ، ولما بيحصل في عمق السكون ده اي تغيير ساعتها التغيير بيكون ملحوظ جدا وقوي جدا وصعب جدا . حاجة عاملة زي انك تكون بتاكل فتعض لسانك فلسانك يوجعك اوي جدا ، ومع ذلك لو حاولت انك تعض لسانك بقوة بارادتك مش هتحس بنفس الوجع او حتى ربعه ، او انك تتخبط في عربية واقفة ، وتتوجع جدا ، الالم هنا كان من الصدمة اللى حصلت لما اكتشفت ان فيه تغيير غير مألوف حصل بدون ادراك او وعي مسبق منك ، فكانت الخبطة شديدة عليك . الألم لما تكون ماشي فرجلك تخبط في رجل كرسي او انك تكون نازل السلم وهوب تقرب على ازمة قلبية لما تكتشف ان فيه سلمة كنت متخيل وجودها بس فجأة ملاقيتهاش او العكس .. ساعتها بتتخض وبتضاعف رد فعلك يمكن 10 اضعاف او اكتر . 

وقيس على كده كل حاجة تانية ، الألم من صدمتك في اخ ، صديق عزيز او حبيب ، لما تكتشف انه كذب على سبيل المثال ، ساعتها بتبدأ تضاعف وتبالغ وتعمل مشكلة كبيرة ، وده لانك اتصدمت ، بس خد بالك ، الخطأ هنا مش خطأ اي حد غيرك انت لوحدك وده لانك محطتش احتمالات ، ما أدركتش ومفهمتش ان ده كان ممكن يحصل ، انت اللى كنت بتاكل بسرعة لما قطمت لسانك ، انت اللي كنت ماشي متلهوج لما وقعت عالسلم وانت اللى كنت مستعجل لما خبطت صباعك في الحيطة ، انت اللى كنت اناني وفاكر ان فلان الفلاني ملوش غير وش واحد بس ومعملتش حساب انه بني آدم ممكن يغلط ، لو مش عايز تعترف انك انت السبب كله فعلى الاقل اعرف انك انت كمان السبب . 

لو حاسس بأي ألم ، اسأل نفسك ، هل ده ألم حقيقي ؟ هل انا محتاجه ؟ هل ممكن افاوضه او اتجنبه حتى المرة الجاية ؟ ممكن اعمل ايه علشان مقعش في نفس المشكلة تاني . 

الألم رحمة من عند ربنا وكانه نقطة ومن أول السطر ، علشان تبدأ تكتب بعد النقطة برجراف جديد لقصة جديدة من حياتك ، الألم بينقل الماضي للمسودة وبيخليك تعيد كتابة حياتك بطريقة جديدة تقريبا خالية من الاخطاء . وافتكر المرة الجاية اوعى تتألم قبل ماتفهم انك انت كمان غلطان . 

نهاد رجب

أول مدرب عربي لفن الاقناع والتأثير النفسي بالتنويم الضمني

مدرب ومعالج بالتنويم الايحائي

مقالات مرتبطة

جهاز قراءه الموجات العقليه والتعرف على حالة المستف...
views 50
جهاز قراءه الموجات العقليه والتعرف على حالة المستفيد خلال جلسه التنويم الإيحائي يعتبر هذا الجهاز هو الاداه المثاليه المستخدمة خلال بعض جلسات التنويم...
اشوفكم كمان 30دقيقة في CAPITAL Academy واول ايام ...
views 184
اشوفكم كمان 30دقيقة في CAPITAL Academy واول ايام دبلوم التنويم بالايحاء القاهرة Source
علاقتك بنفسك هي أساس كل حاجة .. قرب منك واتصالح | ...
views 226
علاقتك بنفسك هي أساس كل حاجة .. قرب منك واتصالح Source
تعرف ان لو فيه فيسبوك في السبعينات او التمانينات ا...
views 264
تعرف ان لو فيه فيسبوك في السبعينات او التمانينات او اي عقد كان زماننا برضه شيرنا وكتبنا كلام مشابه لدلوقتي ؟ تعرف ان لو كان فيه فيسبوك كان هتظهر نفس...
بكره ان شالله في بيت الربع هتكلم عن الوصول الاسرع ...
views 55
بكره ان شالله في بيت الربع هتكلم عن الوصول الاسرع للعقل الباطن من خلال مجموعه من التقنيات واللي هتكلم عنها لأول مره في افطار جماعي غدا الثلاثاء 19 ر...
قواعد مؤقتة لفهم الحياة متستعجلش على الظن السىء ...
views 2100
قواعد مؤقتة لفهم الحياة متستعجلش على الظن السىء بالناس .. كل خير بيتحول وكل شر بيتغير وكل حق بيتشوه وكل باطل بيمحق ، مفيش حد بيستمر على حاله ومتصدقش...
قالك تعرف المعلومة قاله ايوة اعرفها طبقتها واشتغ...
views 45
قالك تعرف المعلومة قاله ايوة اعرفها طبقتها واشتغلت بيها ؟ لا عارف قصتها وتاريخها لا طب تعرف تكملها ؟ لا تبقى متعرفهاش Source...
وقف الكالاكس وامشي بهدوء … إدخل هنا تأتي إلي...
views 771
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...
عقلك قوي بيك … عقلك الباطن من ضمن الخصائص ...
views 1241
عقلك قوي بيك ... عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد ه...
من آعظم المعالجين اللي شوفتهم في حياتي ، دكتور اسم...
views 67
من آعظم المعالجين اللي شوفتهم في حياتي ، دكتور اسمه علاء مرسي .. حظي كان حلو اني حضرت معاه ، في سنه من السنين ، التنويم الإيحائي منهج البورد الامريك...

About the author

Engy Ragab

Leave a Comment