لو بتحاول تهدي حد للصلاة ، بلاش تقوله لو مصليتش هتدخل النار وتخوفه من الثعبان الاقرع ! كإنك بتقوله “معلش استحمل طعم دوا الكحة المر علشان متموتش” .. حببه في الصلاة مش ترغمه عليها .

 

ولو حبيت تهدي حد يدخل في الاسلام متشككوش في دينه ، ديه حركات رخيصة

 

لو عايزة تقنعي بنت بالحجاب .. متقوليلهاش “ان الشيكولاته لازم تتغطى” لان الشيكولاتة بتفسد حتى وهي في كيسها ! المهم البيئة اللى حوالين الشيكولاتة تكون مناسبة .

 

ولو انت شيخ وعايز البنت تحتشم في لبسها، بلاش يامولانا تقول ان اللحم المكشوف يكثر عليه الذباب لانه البنت مش حتة لحمة زي مانت راسم في دماغك .

 

ولو شوفت اجنبي (أمريكاني) وعايز تكلمه عن الاسلام ، متحكيلوش عن حور العين وال 70 عروسة اللى هيستنوه في الجنة .. علشان الكلام ده عندهم عيب !

 

وبصراحة اكتر بقى ، خليك في حالك ، وأفضل الدعوة هو انك تهتم بنفسك وتبقى دعاية لدينك !

 

وربنا قال “إِنَّكَ لاَ تَهْدِي مَنْ أَحْبَبْتَ وَلَـٰكِنَّ ٱللَّهَ يَهْدِي مَن يَشَآءُ”
وربنا قال “يَا أَيُّهَا الَّذِينَ آَمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ إِلَى اللَّهِ مَرْجِعُكُمْ جَمِيعاً”
وربنا قال “{لاَ إِكْرَاهَ فِي الدِّينِ قَد تَّبَيَّنَ الرُّشْدُ مِنَ الْغَيِّ”
وربنا قال “وَلَوْ شَاء رَبُّكَ لآمَنَ مَن فِي الأَرْضِ كُلُّهُمْ جَمِيعًا أَفَأَنتَ تُكْرِهُ النَّاسَ حَتَّى يَكُونُواْ مُؤْمِنِينَ”
وربنا قال “وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ”

الرسول قال “بيت في الجنة لمن ترك المراء ولو كان على حق” ( الجدال )

 

لو الشخص اللى قدامك طلب نصيحتك متتأخرش عنه ، وخليك وراه ،ولو مطلبهاش خليك في حالك وادعيله ! لو الشخص حسيت انه مش مستعد لكلامك امسك لسانك لانك ممكن تعقده طول عمرك حتى لو بتبتسم وانت بتتكلم !

 

أسامة نادي الله يرحمه ، من اعز اصحابي، عمره ماقالي صلي ، كان حافظ قرآن واحاديث واتكلمت عنه كتير ، وعمري ما هنساه ، كل اللى كان بيعمله هو انه في وقت الصلاة كان بيروح يصلي ، لحد في مرة قالي “نهاد استاذنك استناني هنا هدخل الجامع اصلي الضهر واجيلك على طول” ، استغربت ورديت عليه بشكل تلقائي “هو انا ايه ياعم ، مانا هاجي انا كمان اصلي معاك” ، ودخلت الجامع وصليت ومن ساعتها مكنش بيسيبني وقت صلاة ولازم اصلي !

 

مقعدش يزن في ودني ويعيد ويزيد ، هو كان بيصلي وخلاني اقلده ولما قلدته بدأ يهذبني .

 

المغزى هنا انك تخليك في حالك ، تدعي للناس بالهداية ، ولو حسيت انهم محتاجينلك او انك هتقول حاجة هما مش عارفينها متتاخرش عليهم ، وكلمهم .

 

اللهم فاشهد

 

نهاد رجب
اول مدرب عربي لفن الاقناع والتاثير النفسي بالتنويم الضمني
مدرب ومعالج بالتنويم الايحائي

مقالات مرتبطة

نظرة نفسية على الاحكام ، نعم “الشتيمة بتلف ت...
views 4596
عندما كنا أطفال كنا نقول "الشتيمة بتلف تلف وترجع لصاحبها"   او ان من يسبك ، يسب نفسه في النهاية ،   ولكن هناك أسرار نفسية علينا أن نعرفها من أجل...
افتراض الترتيب .. افتراضات لغوية علاجية – نه...
views 831
  تستخدم الافتراضات لتوجيه الاشخاص للتفكير بشكل ما ، من خلال تعريضهم لكلام له اكثر من معنى او يحث العقل على استنتاج العديد من المعاني .. على سبي...
تقنية الاقناع بالارباك والقولبة #نهاد_رجب...
views 1151
  اقناع وتأثير نفسي من أكتر الاعلانات اللى بحب فكرتها هي اعلانات PicPac الاعلان بالكامل بيستخدم تقنيه نفسة من تقنيات التنويم الضمني بتعتمد على...
قانون التأثير المعاكس- تنويم ضمنى...
views 2096
  حاول على اد ماتقدر انك متشوفش الحروف المكتوبة ، حاول ، انت مش مضطر انك تشوفهم بس حاول وانا عارف انك لو حاولت مش هتقدر وكل ماهتعافر وتحاول هتفش...
انت موبينيل ؟ لا انا نهاد رجب...
views 2381
انت موبينيل ؟ لا انا نهاد رجب   الجميل في تسويق موبينيل وفودافون واتصالات مع اني مستقل طريقتهم في الدعاية ، انهم كمنتج شغال بفلوسنا ، قدرو...
الإقناع بكسر الشخصية
views 1497
كسر الشخصية هي طريقة مستخدمة لهدم شخصية شخص ما او كينونة مجموعة من الاشخاص .. والطريقة ديه ببساطة بتخليك تقدر تخلي اكثر الاشخاص صعوبة بيقع وبيتكسر ...
فن الاقناع النفسى بالتنويم الضمنى وكسر المعارضة...
views 856
  كسر المعارضة . خليني اختبر سرعة بديهتك ، هقولك حاجة ومن اجابتك هتعرف حاجة جديدة النهاردة .. لما اقولك : 3 + 3 ... اغلب الظن انك هتقول...
التكيف العصبي وغسيل المخ #نهاد_رجب...
views 1132
  الانتماء صعب تكيف عصبي لفكره بتمثل شخصيتك واي محاوله لتهديد الفكرة او إقناعك بعكسها ممكن تواجهه بالحرب فكان الحل هو تشكيك الإيمان بتاعك بأفك...
تنويم ضمنى ارسال فكرة لاواعيا...
views 1859
  طيب ياجماعة انا اتكلمت كتير في التنويم الضمني ، خلينا نجرب اسلوب لذيذ وسهل ممكن تستخدمه مع الناس وتبهرهم بيه ، الفكرة انك هتقول لحد يفكر في اس...
كيف تصبح مقنعا وتحصل على الشخصية المقنعة مع هذه ال...
views 2826
ان من اهم المهارات والتي ينبغي على كل شخص اكتسابها في هذا الزمان ، هي مهارة الاقناع والتأثير ، فلا ينبغي لنا ان نفرق ما بين الاقناع والتأثير ولكن علين...

About the author

Engy Ragab

Leave a Comment