الماضي بالنسبة لي بيبدأ من الساعة اللى فاتت او الدقيقة الاخيرة ، او حتى الفاصلة المكتوبة . الماضي هو الوقت اللى بسيب اخر جزء صوتي في الحرف اللى بقوله .

مشكلة الناس حاجتين ، انهم بيعيشوا في #الماضي ، و انهم بياخدوه معاهم ، وكإنك رايح رحلة ، واخد اكلك وشربك ومتاعك وحجرين تقال اوي . بتشتكي منهم طول الوقت ، #تعبان اوي ومحدبه ضهرك ، ولما بتفكر انك ترميهم بتخاف جدا وبتترهب ، بتتفزع من انك ترميهم والشنطة نفسها تبقى فاضية !

طيب هرميهم فين ، والشنطة هعمل بيها ايه ، وهمشي ازاي من غيرهم

ولما بتشيلهم وبتكمل طريقة ، ضهرك بينحني ، وشك بيوجعك ، ركبك بتتعبك ومفاصلك بتزيق ، ولما بتوصل مكان رحلتك ، #المحطة الاخيرة اللى المفروض تستمتع فيها بالحياة ، وقدامك البحر على امتداد بصرك ، تقعد ، تحط الصخرة قدامك ، وتبدأ تتأمل فيها ، وتفتكر الألم والتعب اللى انت مريت بيه وانت شايل #الصخرة على ضهرك !

شاورلي على حد ، عنده مشكلة ، الا ومشكلته هتكتشف انها مرتبطة جدا بموقف قديم ، بتجربه وعدت ، بذكرى ، بلحظات فاتت ، وببقى عايز اقوله سيب الصخرة وكمل طريقك بس انا عارف ان الموضوع مش بالسهولة ديه ، وان الطريق الأسهل بالنسبة لي هو اني اكلمه عن التحرر ، واخليه ياخد خطوة انه يرمي الصخرة بنفسه .

زمان كنت بكلمه عن الصخرة ، واد ايه الصخرة مؤذيه وتقيلة ، كنت بكلمه عن شكلها وملمسها على جسمه ، لكن مع الوقت اكتشفت ان الناس عارفه شكل الصخرة ومدركينها ، لكن الحل الحقيقي لما تبدأ تفهم معنى الحرية ، وتدوقها .. ساعتها هتفرد ضهرك ، هتشم نسيم جديد ، هتنفض التراب عن جسمك وهتتخلص من الصخرة في ثواني من غير ادنى احساس بتأنيب الضمير ، لانك بتحب نفسك ، لانك جربت شعور افضل بكتير ، هيمنعك انك ترجع تاني لأي تقل قديم .

الذكاء هنا في انك تفهم ده ، ان كل ثانية في حياتك جديدة هي بداية مختلفة 180% عن كل حياتك السابقة ، وتفهم انه لا تزر وازره وزر اخرى ، معناها في الدنيا وبالنسبة لكلامنا ان ماضيك مبيوصفكش ، مهما كان محتواه او النتايج المترتبة عليه ، انك تعيش اللحظة الحالية ، وتفهم ان حتى سلوكيات الشخص اللي فاتت مش بتعبر عنه ..

انت راجل عايش دلوقتي .. لدلوقتي ، مش لثانية زيادة مستقبليه ، انت عايش للحظة الحالية اللى انت فيها ، افتكر دايما ان تعيشها ، تستمتع بكل لحظة ، تفكر فيها وتقرر دلوقتي حالا انك قوي ..

الطريق هنا هو انك تتحرر ، انك تجدد ، انك تقرر تجربة حاجة جديدة ، مهما كانت هي ايه ، جربها ، فكر في كل الطوب اللى انت شايله على راسك ، تخيل انك بتنفضه عن دماغك وضهرك ، ومتسمعش لحد بيقنعك انك مترميش الطوب ومتنفضش التراب ، اسمع لصوت دماغك انت ، افتكر ان محدش في النهاية هيشيل معاك حاجة .. محدش هينفعك .. غيرك انت.

انا نهاد رجب
القاهرة 1/8/14

مقالات مرتبطة

لا تستنزف طاقة حبك .. نهاد رجب...
views 12506
  اوعي ابدا ابدا تستنزف مشاعرﻙ وطاقه حبك علي حد شاكك ولو لثانيه انك هتكمل معاه. اسحب نفسك من اي اندماج مع اي شخص ومتصرحش بكده. الطاقه ديه بتخ...
كورس ممارس التنويم الايحائي – اعتماد مؤسسة ا...
views 61
كورس ممارس التنويم الايحائي - اعتماد مؤسسة المايندكير البريطانية (من البداية للممارس) الآن يمكنك الحجز بالكورس والحصول على أقوى مناهج التنويم الإي...
وأنتم موقنون بالإجابة | نهاد رجب...
views 45
وأنتم موقنون بالإجابة Source
الا اخبركم بكلمات سحرية تستطيع ان تغير حياتك ؟ &...
views 179
الا اخبركم بكلمات سحرية تستطيع ان تغير حياتك ؟ "انا ...." وضع مكان النقاط ما تريد وكرر فقط احذر قد ينقلب السحر على الساحر .. اختر ما ستضعه مكان الن...
النظرة اللي بتلقيها على هدفك بتفرق باصص ورافع عين...
views 55
النظرة اللي بتلقيها على هدفك بتفرق باصص ورافع عينك لفوق ولا باصص لبعيد قدامك ولا باصص ومنزل عينك عليه اتجاه العين بيفرق ومعناه انت بتتعامل مع هدفك ا...
The Ultimate Cheat Sheet On Ecology
views 249
Drinking vinegar authentic banh mi seitan messenger bag squid. Polaroid swag fixie, letterpress retro Williamsburg quinoa locavore asymmetrical typewr...
تا تا تا تا تن تا تن تا تن تا تا تا تا تا تاااااا...
views 137
تا تا تا تا تن تا تن تا تن تا تا تا تا تا تااااااه انا عارف انك مش فاهم حاجة ، بس دي نغمة موسيقية .. يمكن متكونش مصدقني ، انا حاولت اسهلها عليك .. ...
“وربنا قال ايه؟” عمرك كلمت ربنا ؟ ...
views 40
"وربنا قال ايه؟" عمرك كلمت ربنا ؟ اتعلمت الطريقه ديه من أم سمعتها بتقول لابنها عنده تقريبا 5 سنين او اقل ، بتقوله قولت لربنا امبارح انك رسمت رسمة ...
منذ ان وطئت قدمي أرض هذا البلد ولم أتوقف عن الانبه...
views 310
منذ ان وطئت قدمي أرض هذا البلد ولم أتوقف عن الانبهارللحظة ولن اخبرك اليوم عن عجائب باريس وأساطيرها المدوية في العالم ، ولكني سأخبرك أمرا إن فهمته وم...
ميعادنا في ارقى قاعات التدريب بالجريك كامبس –...
views 76
ميعادنا في ارقى قاعات التدريب بالجريك كامبس - الجامعه الامريكيه - وسط البلد - القاهره . مع كورس ممارس التنويم الإيحائي للمدرب نهاد رجب باعتماد مؤسسة...

About the author

Engy Ragab

Leave a Comment