معدي النهاردة من شارع ضيق ، فيه على اول خضري (بياع خضار) 

سايب حاجته برة وفيه (سَبت) فيه خضار سادد الطريق على عربية نص نقل كانت بتحاول تعدي من الشارع
السَبت قصاد العجل والناس واقفة بتحاول تدخل النقل ، ناس واقفة وشايفة المنظر قعدت تقول للسواق خد بالك السَبت هتدوس عليه ، السَبت هتدوس عليه خد بالك السَبت ، خد بالك السَبت 

السواق مفهمش ومعرفش يتصرف 

الناس كانت قلقانه ان السَبت يكون فيه خضار وانه لو داس عليه هيهرس الخضار .

وكله بيحذره ، خد بالك ، خد بالك

لحد في النهاية ، روحت علشان اشيل السَبت علشان العربية تعدي
طلع الخطار بواقي وقشر خضار ، فسبته يعدي على السَبت اللى الناس كانت بتحذره منه.
وعدى من غير ما السَبت يحصل حاجة .

وفي لحظة صوت الناس العالي وخوفهم انه يدوس على السَبت ، اختفى بشكل مفاجىء
والعربية عدت والدنيا مشيت . 

طيب السَبت ؟

فضل مكانه مستني عربية تانية تعترض طريقه .

 

السبت هو المشكلة اللى فيه ناس بتقف عندها وتقعد تشاور وتقول “خد بالك خد بالك فيه مشكلة فيه مشكلة” من غير ماتفكر انها تروح تشيلها بنفسها .

 

والخضار اللى في السبت هو حجم المشكلة واهميتها ، الناس بتعتقد ان المشكلة بتكون كبيرة لحد ما بيبدأ ياخدوا خطوات علشان يكتشفوا ان اكبر مخاوفهم كانت قشور وكان كلام فاضي.

 

والحل هو انك تروح بنفسك وتشيل المشكلة من الطريق .. هتكتشف انها اصغر بكتير من اللى كنت متخيله .

مقالات مرتبطة

كيف استطاع “بتاع الفريسكا” في الوصول إ...
views 4982
مؤخرا تناول الإعلام صورة لأحد الشباب الرائع ، خريج هندسة ، ويقوم ببيع الفريسكا "حلوى مصرية - اسكندرانية" للعامة . ولكن ما أثار انتباه الناس هو هندم...
عن العنوسة اتحدث… للبنات فقط .. من راجل زي أ...
views 10393
  للبنات فقط .. من راجل زي أخوكي العنوسة مشكلة تواجه بنات كتير .. بس هل هي فعلا مشكلة ؟ خليني اقولك من واقع معاملتي لناس كتير ، ازاي ديه ممك...
الرضا والتقبل .. الطريق الاسرع للنجاح مع نهاد رجب...
views 1303
  يوم الجمعة اللى فاتت بعد صلاة الجمعة ماخلصت والناس اتفرقت ، شوفت اتنين ماشيين قدامي واحد منهم بيعرج والتاني بيسنده ، فهمت من النظر انه غالبا...
بلاها منطق وعيشها بدماغك مع نهاد رجب...
views 3058
  النهاردة كنت بعمل القهوة ، وكل ما كنت بصب القهوة في ايدي كانت بتدلق مابين صوابعي . وبتقع على الارض .    انا عارف انت بتفكر في ايه ، واي...
النظرية الجزء الثالث
views 686
  عيشها بدماغك ايه رايك لو جيه حد معروف ونده وسط الف شخص وقال يجماعة احنا هختار فلان الفلاني (الي هو حضرتك) من وسطكم علشان يمثلكم ؟ طيب لو ...
3 طرق خاصة للتخلص من العادات السلبية – لـ نه...
views 6592
هل لديك عادة سلبية وتريد التخلص منها ؟  قد يكون الأمر صعبا ، في حقيقه الأمر هو صعب ، فقد يتطلب بناء عادة ما أسابيع من الاستمرار أو أيام او حتى في ب...
الفقدان ومميزاته مع نهاد رجب...
views 2415
الفقدان من وقت للتاني بنصاب بفايروس قاتل اسمه فايروس التعود ، بنتعود الاكل اللى بناكله ، الشرب ، بنتعود الجسم اللى احنا عايشين جواه وبنتعود الناس ا...
تعلم لغة كاملة اثناء نومك ! التعلم نائما وطرق التأ...
views 9099
اهلا بيكم ، انا نهاد رجب اهلا ومرحبا بيكم في حلقة جديدة من حلقاتي على اليوتيوب ، والنهاردة هكلمكم عن موضوع ممكن يكون غريب بس مؤخرا الابحاث الامريكية ...
اللى ناقصك .. مكتمل فيك .. دور عليه .. نهاد رجب...
views 992
  الخير والشر ؟ الصح والغلط ؟    بتصدق في التضاد ؟    بتصدق في الشىء ونقيضه ؟    مينفعش ! لان المعنى وعكسه هو نفس الشىء ، ...
قول أيوة
views 2940
عارف لما يكون فيه حد غلس عمال يتصل بيك ؟ لا ومش غلس وبس ، ده بيقعد يرنلك وانت مش عايز ترد ولما يلاقيك مش بترد ، تلاقيه رن من رقم تاني علشان ترد عليه ،...

About the author

Engy Ragab

Leave a Comment