كتير منا بيمر بذكريات صعبة ، بيحس انه عايز يتخلص منها ، في شغلي بالتنويم الايحائي كنت كتير بقابل ناس شايفين ان الحل الوحيد لحالتهم النفسية انهم ينسوا .. انا عايزاك تنسيني فلان ، او انسى فلانة او انسى ابني او بنتي او اخويا او جوزي او … الخ. ولما يتسألوا ليه مبيعرفوش اجابة غير انهم عايزين ينسوا .. 
كل واحد فينا مر بتجارب كتير ، فيه مننا قدر يمر من خلالها وفيه ناس فضلت واقفة قصادها مبرقة ومش عارفة تعمل حاجة . 

توني روبينز وده واحد من اشهر مدربين التنمية البشرية في العالم حكى قصته وهو بيتعلم سباق السرعة ، راح مدرسة يتعلم فيها سباق السرعة وحظه انه كان مع اشهر مدربين السرعة في الوقت ده ، قعد جمبه فعلا اول يوم علشان بيعرف ايه ، مفيش ثواني هوب لاقي المدرب جهز العربية وشغلها واتحرك بيها ومع كل فترة كان بيسرع اكتر واكتر واكتر وتوني روبنز ماسك في الكورسي ومبرق وخايف لحسن المدرب يخبط في الحيطة الي قدامه ، والمدرب مبيعملش حاجة غير انه بيزود السرعة اكتر واكتر وقبل مايخبطوا الحيطة بثانية كان حود وغير اتجاهه … توني روبنز قاله انت عبقري ، جميل جدا ، رد عليه وقاله ، بكرة هاتيجي وهتسوق انت ، روبنز خاف وقاله اسوق ايه ، صعب جدا قاله متقلقش العربية ديه مجهزة باربع زراير ، هبقى قاعد جمبك ، قبل ماتخبط في الحيطة هدوس على زرار هتحود على طول ، وخليني اقولك نصيحة “لو عايز تتفادى الحيطة ديه متركزش عليها ، غير تفكيرك وهتمشي على الطريق” ابتسم توني روبنز وقاله سهلة جدا ، انا اساسا بدرب الناس على كده ، انهم ميركزوش على العقبات ويركزوا على الطريق ، راحله تاني يوم وكله ثقة ، قعد المرة دييه في كورسي السواقة مسك عجلة القيادة وشغل العربية والمدرب جمبه بيحفزه انه يسرع اكتتر واكتر ، لحد ماقرب من الحيطة وهنا قاله المدرب حود ، حود ، وروبنز مش بيعمل حاجة غير انه يبرق ويركز في الحيطة ، والمدرب بيزعق في ودانه لف حود ، هنموت ، ركز على الطريق ، ومفيش استجابة من روبنز ، هو ماشي باقصى سرعة والحيطة بتقرب كل مادا لحد ما المدرب لفله راسه علشان يشوف الطريق وروبنز بيعانده وعايز يرجع راسه علشان يشوف الحيطة عايز يشوف نفسه وهو بيموت، لحد مالمدرب لفهاله تاني وهنا روبنز خد باله من الطريق فلف عجلة القيادة في اخر لحظة واتنجد من موتة بيشكر ربنا للحظة ديه انها محصلتش … 

النظرية بتقول “لو عايز تتفادى الحيطة متركزش عليها ، غير تفكيرك وركز عالطريق” ، ممكن يكون مر في حياتك حد واختفى فجأة او سابك ، مش دايما الحل انك تنساه ، لان العقل البشري اتصمم علشان مينساش ، العقل مبيعرفش ينسى ، بس بيعمل حاجة جميلة جدا ، بيتعلم .. 

واحد جالي …نهاد انا عندي 33 سنة ، ونفسي انساها ، قولتله هي مين ؟ حكالي عن قصة بنت كان بيحبها وسابته واتخطبت لواحد تاني وده بيموته لما يفكر انها مع حد تاني ، خليني اكرهها يانهاد ، خليني انساها ، انا اكبر منك علشان كده قدر اد ايه الموضوع ده بيقتلني انا مش عارف اتحكم في اعصابي في مشاعري في اي حاجة ، انا بجد بموت .. قولتله مممم اوكي ، هخليك تنساها ، هعد من 1 ل 3 تكون نسيتها ، قالي انت بتهرج ، قولتله انت الي غبي ، ليه عايز تنسى اساسا ، مدام قدامك فرصة انك تبقى احسن ؟ قالي ازاي ؟ قولتله لو عايز تنساها … حبها … غريبة هه ؟ هو كمان برق ، كررتهاله ، قالي مانا بحبها ، قولتله انت مبتحبهاش ، انت عايزها لانها بتاعتك، وفيه فرق كبير بين الاتنين ، الطفل الصغير بيعيط لو حد شاركه في لعبته لدرجة انه ممكن يكسرها بس علشان محدش يقرب منها .. انت جايلي هنا علشان تكسر لعبتك ، لو اتعلمت انك تشارك هتلاقي الموضوع اسهل بكتير .. بس انا مش هقبل ان حد يشاركني فيها .. قولتله مش قولتلك انك معتبرها لعبة ؟ 

علشان تعرف الفرق لازم تدوق الملح وانت تحس بالسكر ، لازم تدوق المر وانت تحس بالمتعة ، لازم تعرف الشر علشان تلاقي الخير ولازم تتظلم علشان تبقى رحيم واخيرا، لازم تبقى ضعيف لو عايز تبقى قوي … وبيقولوا في الامثال الي مبيموتكش بيقويك ، وخليني اقولك ان الضعف قوة ، بس قوة مؤجلة ، لانك لو حسيت انك في حالة ضعف ومش قادر تتحرك ده معناه انك في وقت من الاوقات هتبقى اقوى ، لاني زي ماقولتك عقلك بيتعلم … 

زي التطعيم لما يطعموك بالمرض بس ضعيف ، جسمك بيقتل المرض وبياخد منه مناعة فلو جيه تاني بيعرف يواجهة ويطرده ، هي ديه الفكرة ، ان اي ظرف انت مريت بيه في حياتك مش لازم تنساه … اتعلم منه ، مهما كان الشخص مؤذي ، فكر ايه احسن حاجة فيه ؟ اسال نفسك ليه انت بتحبه ؟ وليه انت مقدره ؟ والفكرة والخدعة هنا ان العقل البشري اسرع في انه ينسى الذكريات الحلوة وكل الحاجات المصاحبه ليها وبيمسك في اي ذكرى سلبية ، فلو ربط شخص باذكرى جيدة وكويسة فرصة انك تنساه اسرع بكتير من لو حاولت تكرهه ، كل ماتشد من ناحيتك كل ما عقلك هيشد اكتر وهتلاقي نفسك بتفتكر اكتر واكتر ، وكل ماترخى وتسيب كل ماعقلك هيسيب وشوية شوية هتلاقي الموضوع مش بس اتنسى ، ده كمان ملوش تأثير عليك .. 

الي بيحصل في حياتنا والمشاعر الي بنحس بيها ، مش اكتر من نتيجة تركيز على فكرة او على الحيطة .. لو فكرت في العفريت هيطلعلك ولو طلعلك هتبرق ومش هتعرف تهرب ، لانك هتحدد حياتك وهتعيش في الحفرة وهتستنى حد يطلعك ولو جالك حد هتقول لا انا هستنى حد تاني غيرك ، لحد ماتغرق فيها وتموت … 

بعد كل الكلام ده ، ازاي انا اقدر اغير احاسيسي تجاه شخص او حالة وابدأ اتعلم واخد مناعة ؟ 

ده بيحصل بطريقتين ، اولهم انك تتعلم انك تحب وتشارك ، هتحب نفسك اولا ثم اي شخص تاني ، لو حبيت نفسك هتقدرها ولو قدرتها اوعدك ان مفيش اي انسان في الدنيا ممكن يبقى ليه تاثير عليك ، لو حبيت نفسك صعب اوي ان اي ظرف مهما كان يضعفك ويتعبك لانك هتعمل اي حاجة علشان تحافظ عليها.. وهنا خليني اسالك ، لو عرفت ان اقرب الناس ليك بيموت وعلشان يعيش لازم تتصرف في مية الف جنيه !!! هتقول ايه ؟ معييش؟ بتهرج … انت مش فاهم يانهاد اصل انا مرتبي كذا وكذا ومينفعش ازيد الا…. كلام فارغ … لو حصل ان ابنك بيموت لا قدر الله ، هتبيع عينك علشانه ، هتسرق ، هتشتغل اكتر ، هتستلف هتجيب فلوس ، ونفس الموضوع لقلبك ، لو حبيت نفسك هتعمل اي حاجة علشانك وده معناه انك هتدوس على اي حد بيحاول يستفزك او يقلل منك .. مش بالمعنى الحرفي ، بس بشكل عام . 

تاني طريقة انك تنفصل ، تتعلم انك تنفصل ، احنا عندنا قوة خارقة اننا نحل المشاكل للناس ، ونعيش احنا فيها ، نقيم ، نحكم بين الناس ، نقارن ، ننقد ، نحل ونربط ، بس لو حاجة خاصة بينا .. صفر … بنحتاس ، جيه ناس وقالولك انفصل ، غمض عينك وتخيل نفسك واقف شايف نفسك انت والشخص التاني بتتكلموا ، وبتتخانقوا ، وابدأ صالح بينهم ، في خيالك .. جنان هه ؟ صدقني جنان جدا ، بس الجنان ده اقرب واسرع طريقة لو عايز تتصالح مع حد مش عايز يكلمك اساسا ، لو اتصالحت معاه بخيالك ، هتلاقي احساسها حقيقة ، مش هتلاقيها واقع بس هتحس انك فعلا اتصالحت معاه وبدأت تنساه شوية شوية .. كله بالخيال 

واخيرا وليس بآخر .. احنا عندنا في حيانا حاجات كتير اوي علشان نفكر فيها ، واولويات نهتم بيها ، فلو شايف ان فيه حاجة اهم في حياتك اتمسك بيها ، مفيش وقت تضيعه في مشاكل وحلول وتعقيدات ، الوقت بيعدي ، ومبيرجعش تاني ، استغل كل لحظة فيه وركز دايما على الطريق ..

مقالات مرتبطة

ادعي وميهمكش #نهاد_رجب
views 5078
لما براجع سوره مريم بستغرب جدا من شيء سيدنا زكريا دعى ربه انه يرزقه وليا دون تحديد ذكر او أنثى لميراث حكمته وعلمه الشىء الغريب فعلا ان بعد ماربنا بش...
خطوات لإثارة إعجاب شريك حياتك بك #نهاد_رجب...
views 11070
نحتاج دائما لإثارة إعجاب شركاء حياتنا لنتمكن من الحفاظ على الحب والود بيننا دائما .. هذا الشعور هو شعور إنساني طبيعي ، ولذلك كان علي أن أوضح لك عزيزي ...
فكر كموجة وكيف يمكنك تحقيق الحظ بطرق علمية ومبسطة ...
views 3325
  هل تؤمن بالصدفة ؟ ان كنت تؤمن بالصدفة فالصدفة لا تؤمن بك وانا ايضا لا أؤمن بها .. دعني اسألك سؤال ، بالنظر الى الصورة المرفقة ، تجد عمودا م...
لا تسعى لأن تكون الأول .. لا تجعل هذه الخدعه أن تخ...
views 6919
نريد أن نكون الأول في كل شىء لقد أخبرونا بهذا عندما كنا أطفالا ، تم تشجيعنا لنصبح الأوائل ، وزرعوا في عقولنا أن النجاح هو أن تكون الأول في ما تدرسه...
كيف تكسبين قلبه .. مقالة جديدة لنهاد رجب...
views 5007
كيف تكسبين قلبه .. مقالة جديدة لنهاد رجب   هل تريدين معرفة كيف يمكنك ان تكسبي قلب خطيبك وزوجك ؟ اذا فتعرفي من خلال هذه المقالة على نقطة اساسية ...
تعلم طريقة قوية تتخلص بها من الارتباط بشخص ما الجز...
views 5582
  جزء من كتاب "تغلب على الام الانفصال" هل تجد صعوبة في نسيان او تخطي شخص ما دخل الى حياتك ولا زال يأتي الى خيالاتك من آن الى اخر ؟ يمر الك...
النظرية – الجزء الاخير- كن قدوة...
views 888
  اولا لمحتوى المقالة ارجوا من القراء عدم قراءة المقالة الا في حالة التقبل الشديد لكلامي والمصطلحات الي هستخدمها وده لان فيه حاجات ممكن تتقال مت...
هل تريد النجاح ؟ لا تبقى عينك على هدفك طوال الوقت....
views 2426
من أفضل ماتعلمت هو الا ابقي عيني على هدفي طوال الوقت ، ولكني اعمل من اجله ، واشغل تفكيري وتركيزي واصب واوجه تركيزي عليه ، وانظر الى المسافة بيني وبينه...
جذب المال بالتنويم الإيحائي لـ نهاد رجب...
views 11737
لا شك أن جذب المال من أهم الموضوعات التي تشغل بال الكثيرين ، ولكن هل يمكن فعلا أن يحدث ؟ نعم ! ولكن دعني أخبرك كيف يمكنك ان تقوم بذلك . قبل ...
ارحل وهاجر فالحل في الهجرة #نهاد_رجب...
views 2449
ارحل .. فالحل في الرحيل والهجرة في الهجرة الاجابة لكل تساؤلاتك هاجر فقد هاجر ابراهيم قومه فوجد الله هاجر خرج سيدنا محمد من مكه فدخل الناس في دين ...

About the author

Engy Ragab

Leave a Comment