اولا لمحتوى المقالة ارجوا من القراء عدم قراءة المقالة الا في حالة التقبل الشديد لكلامي والمصطلحات الي هستخدمها وده لان فيه حاجات ممكن تتقال متتقبلش بالشكل المناسب لاختلاف طرق التفكير … 

من اربع ايام قبل ماسافر على سينا، كلمني واحد وقالي انه عايز جلسة تنويم ضروري .. ليه ؟.. انا عندي سرعة قذف وعريس جديد والموضوع ده مسببلي أزمة .. وافقت اني اشوفه وحكالي قالي ان حياته الجنسية بتنهار وييفكر يسيب مراته بسبب مشكلته ديه.. قولتله مش غريبة انه يكون عندك سرعة قذف …. ليه ؟ …قولتله لانك بتاخد اغلب قراراتك بسرعة.. قالي واحد شغال في البورصة في اليوم باخد 50 قرار في نفس الوقت ، قولتله وده انعكس ازاي على حياتك ـ،قالي ابدا مبقتش عارف اشوف صحابي لان محدش طايقني ، مبقتش اخرج كتير ، اخر حاجة عملتها هي الجواز من واحدة عرفتها قبل الجواز بشهرين ، قولتله علشان كده مش غريبة انه يكون عندك سرعة قذف .. سالني ايه العلاقة ؟ قولتله لانك قدوة… يعني ايه ؟ يعني السلوك الخارجي بيأثر على السلوك الداخلي بس ده مش معناه ان كل انسان متسرع في قرارته يبقى عنده سرعة قذف بس ممكن يكون بيصدع او بيجيله ارق او بيتكلم بسرعة او بيتهته او بيبان ده بشكل جسدي ما .. طريقتي في الحالة ديه اني طلبت منه يعد من 1 ل 10 قبل ماياخد اي قرار حتى لو انه يغسل وشه .. ويتمرن على ده ودخلته تنويم وظبطت طريقته في اتخاذ القرار بعيد تماما عن مشكلته الجنسية ، عدى يومين وروحت سينا امبارح اتصل بيا قالي نهاااااد قولتله ؟ ايه الاخبار؟ قالي انا عديت من 1 ل 10 وانت مش متخيل ادايه ده غير حاجات كتير اوي ، قولتله طب هايل .. قالي لا مش ده الي هايل .. امال .؟… قالي انا مبقتش مضطر اعد دلوقتي !! 

النظرية بتقول” اي حاجة بتحصلك بتحصل كنتيجة لسلوك انت بتعمله ، لو عايز تغير العالم غير سلوكك انت ” حتى لو كان سلوك صغير بس ممكن يدمرك ، انت مش ممكن تعرف ابدا ايه الي ممكن يكون بيإذيك لان كل حاجة بدأت صغيرة ونسيناها ولما نسيناها اديناها فرصة تكبر جوانا وتبقى جزء مننا وهنا كانت المشكلة ..
من كام يوم واحد حكالي رد مفحم من شاب صغير في الثانوية العامة لما ابوه قاله ، ذاكر يبني وانجح لازم تذاكر علشان مستقبلك وعلشان تنجح وتجيب مجموع عالي ، قاله … بابا انا عايز ادخل الجامعة الامريكية .. قاله يبني انت عارف ديه مش امكانياتي ولازم نفكر على ادنا وانت ليك اخوات ، رد الولد وقاله انا مشكلتي اني اذاكر وانجح ، وانت مشكلتك انك تجيب فلوس، ازاي بتطلب مني اذاكر وانت من اول مانا اتولدت وظروفك مابتتغيرش ومبتعملش حاجة ليها … 

الولد ده قليل الادب صح؟ ممكن فعلا بس ديه حكمة .. ازاي نطلب من ناس تتصرف بطريقة وهي شايفة عكس ده مننا احنا شخصيا “أتأمرون الناس بالبر وتنسون أنفسكم” .. نظرية النهاردة من أقوى الحاجات الي اتعلمتها في حياتي .. لو عايز تنجح لازم تبقى قدوة لعقلك ، يعني متقولش انا هنجح لاني عايز انجح وفي نفس الوقت بتشرب مخدرات ، هيقولك لا انا ممكن اعليلك دماغك لكن انجحك شوف حد تاني غيرك ، اما لو خدت قرار انك تبطل تشربها عقلك هياخد قرار مماثل انه يقربك اكتر لهدفك وكل ماتقرر كل ماعقلك يستجيب ويقربك اكتر واكتر ، لانك قدوته ولما تحب تلعب عقلك هيمتعك ويهيس معاك ، عقلك ده صاحبك ، ويحبك اوي حتى لو كنت ابليس ، هيوديك في اي مكان تحب تروحه وهيوريك الي عمرك ماشوفته وهيعملك كل حاجة لو طلبتها منه وديه فكرة التنويم الايحائي اني بطلب من العقل يتصرف .

وده بيودينا لفكرة ان القدوة الحقيقة مش حد انت تعرفه او سمعت عنه ، قدوتك هو انت ، انت بالذات ومش اي حد تاني غيرك .. قدوتك لنفسك او للعالم ، وسلوكك اين كان هتلاقي فيه كذا واحد بيعمله ببساطة لانك بتعمله او حتى ممكن تكون مجهز انك تعمله فالناس بتقلدك حتى لو مش عارفينك ، فلما تبقى قدوة لنفسك العالم كله هيمشي وراك ، ممكن تبقى قدوة ايجابية وتصاحب شيوخ او سلبية وتنام مع عاهرات ، في الحالتين هتجذب الي هتقدر تتعامل معاهم وهيجولك ، لان كل واحد ليه دين ، وكل دين ليه اتباع وكتاب وعقيدة ، هيتبعك ملايين كل دقيقة فخد بالك انت بتؤمن بإيه ، لان إيمانك افكار واحاسيس بتتنقل من غير ماتفكر وبتولد سلوك ، سلوكك انت ، هيتبعك ناس ملهومش عدد وهتعيشوا كلكم في جنة او جهنم على الارض. 

كل اسبوع خلايا جسمك بتتبدل ، لما بتغسل ايدك ملايين من الخلايا بتقع وبتتبدل بغيرها في خلال لحظات ، كل شهرين كليتك بتتغير وبتتبدل بكلية جديدة كل 6 شهور جسمك كله بيتغيرك وبيتبدل وبتبقى حد جديد بس الامراض زي ماهي ووظروفك زي ماهي ببساطة ان افكارك مبتتبدلش .. الجسم لوحده خالد بطبعه والي بيموته سلوكك الي مبني على ايمانك واحاسيسك ، فخد بالك انت رايح فين بأفكارك ، لان في المكان الي هتروحه هتلاقي ناس بتفكر زيك كتير . ومن القصص الي بحب اقولها قصة بنت ماتت في سن ال 86 ولما كشفوا عليها اكتشفوا ان جسمها جسم بنت في ال 26 ، ببساطة لان البنت ديه وهي عنده 25 حصلها مشكلة قبل عيد ميلادها ال 26 بيوم وهي ان خطيبها اتقتل قدامها وكان المفروض تتجوز تاني يوم منه ، انهارت عصبيا وبقت مؤمنة ان كل يوم بتصحى فيه هو يوم جديد هتحتفل فيه بعيد ميلادها وهتتجوز خطيبها … الجسم صدق العقل صدق وكل حاجة اشتغلت مؤمنة بالفكرة ديه .

اغلب الجلسات الي بقوم بيها في التنويم لناس عندها مشكلة ما ، سببها سلوك او فكرة ، لان كله مرتبط ببعضه وده بناءا على النظرية التالتة ، فاكيد سبب المشكلة الي جايالي علشان احلها بالتنويم فيه وراها حاجة اصغر لو اتغيرت الانسان كله بيتغير ، فدوري بيبقى حاجتين اني اعرفها وفي نفس الوقت اخلي الشخص يتصرف كانه حل المشكلة وده بيخلي مشاعره تتغير لانه بوريه نفس بشكل مختلف وحياة مختلفة في حالة انه اتغير وبقى قدوة 
كويسة لنفسه .. 

علشان كده من النهاردة خليك قدوة نفسك ، ومتدورش برة على حد تاني تقلده ، القدوة الحقيقية هي انت ، لو عايز حياتك تتغير دور على القائد الي فيك ، مهما كان مهمش كبره واتبعه ، ولما هتتبعه وتؤمن بيه ، ناس كتير اوي هيتبعوك ، منهم ولادك او صحابك او اهلك او الناس الي في الشارع او في الشغل ، كله هيتبع القائد الي جواك بس لو بادرت ، حياتك بين ايديك ، بدل ماتقعد جمبها العبها وعيشها ، الموضوع ببلاش ، تستنى ليه ، ابدا من دلوقتي خد قرارات ابدأ من دلوقتي اتصرف صح ابدا من دلوقتي عيش حياتك بدماغك ، وبص وراك هتلاقي الناس كلها في ديلك .. 

نهاد رجب

مؤسس الشبكة العربية للتنمية البشرية
http://www.arabhd.com

مقالات مرتبطة

الاجابة أقرب من خلالك – نهاد رجب...
views 1227
لو بحثت عن عينك ف جسمك بعينك ، هل هتعرف تلاقيها ؟ مستحيل ! الحل هنا هو انك تدور على مراية وتبص على نفسك علشان تقدر تشوفها .. فتلاقيها وتبدأ تعجب بجم...
لما بفكر في كم الاعتقادات اللي كانت عندي واتغيرت...
views 953
لما بفكر في كم الاعتقادات اللي كانت عندي واتغيرت والقناعات اللي اتبدلت وبتفكر في واقعي ساعتها لما كنت مصدقها بكتشف ان كل إنسان بيقيس الدنيا على نفس...
تخلص من المشاعر السبية بالتحكم في اهواءك .. نهاد ر...
views 922
تحكمك في شهواتك ، تحكمك في نفسك والبعد عن الضعف قصاد المحرمات او الملذات ، هو في حد ذاته بيضمنلك النجاح في اي مشكلة نفسية بتواجهها . فلو كنت على سب...
استمتع بحياتك بدون تركيز مع نهاد رجب...
views 2311
لإننا ساعات محتاجين نبطل تركيز علشان نقدر نفهم /ومحتاجين نبطل تفكير علشان نقدر نوصل للحلول ومحتاجين نبطل رغي علشان نقدر نتكلم ومحتاجين نبطل ضحك علش...
خمس طرق للتغلب على ذكرى الحبيب...
views 4884
  مشاعر جميلة بس بتإذينا لما تكتشف انك لسة بتحب واحد / واحدة بس مفيش فرصة علشان ترجعوا لبعض تاني ، انك تدخل في علاقة لفترة كبيرة وفجأة تكتشف ان ...
حب اهدافك وافكارك
views 2018
تجربة ف معلومة النهاردة اكتشفت حقيقة فكرة كانت بتجيلي من فترة للتانية .. اني لو حبيت فكرة معينة وعشقتها واندمجت معاها عاطفيا ، هشوفها متجسدة في الدن...
خطورة الكلمات مقالة ل نهاد رجب...
views 1220
خطورة الكلمات هل تفكرت يوما فيما وصل اليه الكثير منا من ظلم وفشل وامراض نفسية ؟ هل لاحظت ان هناك علاقة وطيدة بين ما نقوله وما نحن فيه ؟ يقول ال...
في الألم القوة وفي الألم الحياه #نهاد_رجب مقالة لـ...
views 6609
سنة 1985 ، دان اريلي - مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلم...
لا يكلف الله نفسا الا وسعها – سر قوي للنجاح ...
views 1302
ينظر الناس الى آية "لا يكلف الله نفسا الا وسعها" ويروا انها خلاصهم ومبرر كافي لكي يقولوا لأنفسهم "احنا عملنا اللى علينا" ويقولوا يارب لا تكلفني الا م...
خطوتين لزيادة سرعه وصولك إلى الوزن المثالي لـ نهاد...
views 10873
هناك العديد من برامج التغذية الموجودة في العالم وكل منهم يوعدك أن تصل إلى الوزن المثالي في أقل وقت ممكن !  كم تمنيت هذا عندما بدأت طريقي للوصول إلى...

About the author

Engy Ragab

Leave a Comment