يوم الجمعة اللى فاتت بعد صلاة الجمعة ماخلصت والناس اتفرقت ، شوفت اتنين ماشيين قدامي واحد منهم بيعرج والتاني بيسنده ، فهمت من النظر انه غالبا عنده رجل اطول من التانية وان ديه اعاقة عنده ..

حمدت ربنا ، ودعيت قولت يارب ، اشفيه وخليه يصحى من النوم يلاقي نفسه سليم ، انت اللى خلقته يارب وانت اللى تقدر تخليه طبيعي ..

وانهيت الدعا بتاعي بالصيغة السابقة ، يمكن اضفت كلمة او نقصت كلمة ، لحد ما بشكل او بآخر جالي رد مباشر في دماغي بسمع صوت بيقولي “وانت مالك؟”

استغربت من الرد وحصل بيني وبينه محادثة

– وانت مالك ؟
– مالي ؟ مالي ازاي ؟ الراجل ده معاق وتعبان نفسيا واكيد عايز يبقى زي الناس التانية
– مين قالك ؟
– ده الطبيعي بالنسبة لي ، وده واضح جدا ، اكيد هو عايز يمشي على رجله الاتنين زي الناس
– مش يمكن يكون مبسوط ؟
– هيكون مبسوط اكتر لو بقى طبيعي زينا
– مش يمكن يكون بالنسبة له هو طبيعي وراضي ؟
– ده كلام مش منطقي !
– انت دخلت جواه ؟
– بس حاسس بيه
– انت حسيت بنفسك لو كنت مكانه بس انت مش مكانه
– يعني مدعيلوش ان ربنا يشفيه ؟
– ومين قالك انه عيان علشان يشفى ؟
– شكله كده متجننيش !
– ده شكلك انت اللى خايف تكون عليه ، بس هو مش خايف!
– طيب ادعيله بإيه يعني ؟
– ادعيله بالتثبيت وزيادة الرضا جواه والقناعة والسعادة ، هو لو عايز منك حاجة فهي انك تسيبه ف حاله مش تتعاطف معاه ويشوفك باصصله وكإنه محتاج منك شفقة ، ادعيله ان ربنا يعينه على تقبل حاله زي ماهو ويسعده بيه ، ادعيله ان ربنا يخليه يرضى لان الرضا هو اساس كل حاجة واحساس جميل.

افتكرت ساعتها لما كنت داخل الجيش وبقدم ورقي وانا رايح الهايك ستيب عمال اراجع مع نفسي اني لازم اقول نظري ضعيف للدكتور علشان يخرجني باعفا من الجيش وقعدت ادعي يارب اخرج من الجيش وقعدت اكتب وامثل سناريوهات ف دماغي عن اد ايه نظري ضعيف واني بني آدم مسكين ، قعدت اردد ده جوايا لحد ماشوفت قدامي واحد ماشي ، شاب زيي ، زي الفل ، ماسك شهادة الاعفا بتاعته ، بس بيمشي على عكاز ، لانه بمنتهى البساطة ليه رجل واحدة ورجله التانية مقطوعة تماما .

ساعتها حصلتلي حالة ذهول او غشية (ترانس) لفترة طويلة ودخلت اكشف فعلا وجيه الدكتور شافني بنضارة بيقولي انت بتشتكي من حاجة ؟ قولتله لأ يافندم انا كويس الحمد لله !

ارضى

مقالات مرتبطة

الإغواء – نهاد رجب
views 4618
  الإغواء هيا الكلمة الوحيدة اللي يفهمها كل الناس بنفس المعنى او بمعنى مشابه ، هيا الكلمة اللي الناس بتتفق على معناها مع طفل صغير بيصورها على ان...
كيف استطاع “بتاع الفريسكا” في الوصول إ...
views 4985
مؤخرا تناول الإعلام صورة لأحد الشباب الرائع ، خريج هندسة ، ويقوم ببيع الفريسكا "حلوى مصرية - اسكندرانية" للعامة . ولكن ما أثار انتباه الناس هو هندم...
ابحث عن ما تخاف منه تجد نفسك كاملا .. نهاد رجب...
views 2979
بتخاف من ايه ؟ اغلب اللى بنخاف منه هي اشياء تنقصنا ، والطريقة الوحيدة لمعرفة ما ينبغي علينا تعديله هو البحث عن ما نخاف منه ليس فقط ببحثنا هذا سنجد...
في الألم القوة وفي الألم الحياه #نهاد_رجب مقالة لـ...
views 6613
سنة 1985 ، دان اريلي - مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلم...
أزاى تقدر تحفز نفسك
views 2018
كتير بنحتاج نعرف ازاي ممكن نحفز الناس ، علشان يتغيروا ويقدروا يعملوا حاجة احنا عايزينهم يعملوها .. طب نقدر نعمل ايه علشان نحفز نفسنا احنا ، ازاي تق...
لما بفكر في كم الاعتقادات اللي كانت عندي واتغيرت...
views 958
لما بفكر في كم الاعتقادات اللي كانت عندي واتغيرت والقناعات اللي اتبدلت وبتفكر في واقعي ساعتها لما كنت مصدقها بكتشف ان كل إنسان بيقيس الدنيا على نفس...
التغلب على التسويف والمماطلة...
views 3431
  الموضوع بدأ لما كنت بتكلم مع عميل وحبيت استخدم معاه تأثير الباركنسون ، ومن غير ماندخل ف تعقيدات لغوية خليني اقولك فكرته من خلال قصتي مع العميل...
كيف تلعن نفسك في خطوات ! لـ نهاد رجب...
views 6033
نعم ، انها لعنه والعنوان صحيح "كيف تلعن نفسك" وليس "كيف تعلن عن نفسك" كما قد صور العقل الباطن في عقول بعض المتابعين .. لعنه النفس هي اختيارات نأخذه...
الوعي الجسدي ؟! ماهو وكيف يفهمك جسدك وكيف تصل للوز...
views 19430
قام شستر ، عالم النفس الشهير بالحديث عن مايسمى بال BC او وعي الجسد ، فلقد أثبت شستر أن أجسادنا ماهي الا أجهزه ريسيفر تقوم بالتفاعل معنا كما ولو كانت ع...
الخوف من المستقبل ل نهاد رجب...
views 6425
التفكير بشكل سلبي هو الطريق الاسرع في تسويق المنتجات خصيصا في مصر . يعني تشتري عربيه انت مش عايزها علشان لو حصلها حاجه تقدر تبيعها ! او متشتريش ...

About the author

Engy Ragab

Leave a Comment