لو المدرب قدر يخليك زيه في مهارته ، ده مش معناه دايما ان المدرب ناجح ، ده غالبا معناه ان المدرب مبيجددش ، فاللي عارفه بيصبه في دماغك

اما لو خرجت وانت في دماغك ان لسة فيه تاني عند المدرب ده ، فده معناه ان المدرب بيعرفك اللى انت المفروض تعرفه بس لسة جواه اكتر بس هو مش عارف يخرجه . انا عارف ان الموضوع متناقض

بس العقل كده ، انت مش هتتعلم دينك من دروس ، انت هتتعلم دينك لما تلازم عالم وتسمع دروسه ، تشوفه وهو بياكل وبيشرب وبيتحرك وبيتكلم .. لحد ما ينتقلك مهاراته وعلمه على مستوى اللاوعي .

متعتمدش على كتاب او كورس تدريبي ، لانك انت شخصيا لو كتبت مقالة مرتين هتلاقي نفسك كل مرة بتكتب المقالة بمعلومات جديدة او بطريقة مختلفة .. الغلط انك تلاقي نفسك بتكتبها بنفس الطريقة كل مرة ، وده معناه انك مبتجددش .

لو بنتكلم عن التنمية البشرية فمتاخدش بكلام مدرب التنمية البشرية وتسيبه وتمشي ، ريتشارد باندلر وجريندر نفسهم مكنوش بيحضروا لملتون اريكسون ، دول راحوا باتوا معاه بالشهور وكانوا بيلازموه . واتكلموا عن اللى بقوله ده وسموه “النمذجة”

عايز تتعلم نمذج ، يعني حرفيا لو هتتعلم علم اين كان ، شوف مين هيدربك عليه ، وامشي زيه ، اتكلم زيه ، اتعامل زيه واتحرك زيه ، خليك شبهه ، لازمه ، لانك في النهاية هتلاقي نفسك لاواعيا (بتستلهم) منه علمه بطريقة مختلفة عن اي حد ميعرفش عنه حاجة .

دكتور ابراهيم الفقي الله يرحمه نفسه قال عالمسرح انا لو اقدر اروح لفلان الفلاني اقعد تحت رجله اتعلم منه كنت روحلته ، والمجاز ده معناه انك تلازم الشخص .

انا بقول للناس في كورسات التنويم ، اللى هنتكلم عنه ولا حاجة من التنويم بالايحاء وبكون مسلمهم حوالي 3 مانوال ، والناس دماغها بتفرقع ! وبسمحلهم يسجلوا الكورس وبقولهم اني بسمح بكده لاني عارف ان المرة الجاية اللى هدرب فيها نفس الكورس مش هيكون نفس المحتوى او نفس المعلومات . انا نفسي بغير المانوال بتاع التنويم في كل كورس تدريبي .

اتعلمت ده وعايز افهمك ده ، انتهى من انك تتعلم بشكل رسمي اكاديمي ، واتعلم بالنمذجة ، لازم المعلم بتاعك ، حتى لو بتشوفه فيديوهات بس ، اقراله ، قلده ، عيش جوا حياته ، تقمص شخصيته ولو على الاقل لفترات . وبعد كده اعمل صياغة لشخصيتك المستقلة .

ساعتها العلم هيكون “طبيعة تانية” جواك ، يعني بتمارس اللى اتعلمته من غير ماتفكر ، وده مختلف مليون في المية عن انك تدرس حاجة وتحفظها وتحاول كل مرة تطبقها . Second Nature Learning

ممكن تروح كورس تدريب مدربين تلاقي المدرب عاملك PDF
لمحتوى الكورس التدريبي بتاعه ، تحس كانك داخل مغارة علي بابا ، وتتوه في كم النقاط اللى بيتناولها في الكورس وفي النهاية تخرج زي مادخلت .

خلي عنيك اداة تعلم ، مش مجرد اداة بتشوف بيها .. ولو عايز تتعلم بشكل لاواعي اعمل الخطوات ديه :

1- حد نفسك في المود (يعني لما تبدأ تتعلم من حد ، اسرح فيه ، في تفاصيله ، وكانك بتشوف حاجة بتثيرك المهم انك تنسى نفسك جواه)
2- متراجعش ، ولا تدرب ، شوفه تاني واسرح جواه تاني
3- الغي عقلك تماما لو فعلا عايز تتعلم بالاسلوب ده .

المدرب الشاطر هو اللى بيدخل الناس في حالة اندماج (وكأن على رؤوسهم الطير) قبل مايبدأ يشرح . يحببهم فيه ويحثهم ضمنيا على انهم يقلدوه من غير مايطلب ده .

لو فعلا عايز تتعلم .

نهاد رجب

مقالات مرتبطة

واحد معرفة بسأله هو ممكن الواحد يسافر أمريكا ؟ ق...
views 700
واحد معرفة بسأله هو ممكن الواحد يسافر أمريكا ؟ قالي لا طبعا صعب جدا ، الفيزا مش هيدوهالك ولازم يكون معاك مبلغ كبير جدا في البنك وتعرف ناس هناك و و و...
صباح الخير اعتذر عن التاخير في الردود لارتباطي ب...
views 759
صباح الخير اعتذر عن التاخير في الردود لارتباطي بدورات تدريبيه وان شاء الله اعاود الرد على رسائلكم فور عودتي للقاهرة تحياتي اخوكم نهاد رجب Sour...
وفِي النهاية هتكتشف ان كل ده شكل من أشكال التنويم ...
views 37
وفِي النهاية هتكتشف ان كل ده شكل من أشكال التنويم بالإيحاء من قريب او من بعيد ، هتحس بالإيحاءات والاقتراحات في اغلب التطبيقات وكإن التنويم الايحائ...
الحياة علمتني اني منتقدش انسان ناجح بالعكس انا ا...
views 591
الحياة علمتني اني منتقدش انسان ناجح بالعكس انا اشوفه بيعمل ايه وأقلده وانا مغمض عيني بس بوعي ومعرفش الناس اللى بتهاجم الشخص اللى قدر يوصل لحاجة ، ...
من آعظم المعالجين اللي شوفتهم في حياتي ، دكتور اسم...
views 67
من آعظم المعالجين اللي شوفتهم في حياتي ، دكتور اسمه علاء مرسي .. حظي كان حلو اني حضرت معاه ، في سنه من السنين ، التنويم الإيحائي منهج البورد الامريك...
في كل عسر براقب بشغف #نهاد_رجب...
views 2418
    في كل عسر .. براقب بشغف افعال الله متيقن انه هيتدخل ، ومتيقن انه هيحلها انا بس بكون مهتم اعرف ازاي اليسر بيتخلق الله اكبر ‫#‏نه...
ممارسين التنويم الإيحائي لو عايزين ينيموكوا هينيمو...
views 170
ممارسين التنويم الإيحائي لو عايزين ينيموكوا هينيموكوا ، التنويم مش نوم ، فيه بعض الجلسات بحتاج فيها الشخص يبقى في كامل وعيه ، فيه نوعية من الاشخاص الل...
التغلب على التسويف والمماطلة … إدخل هنا تأتي...
views 228
التغلب على التسويف والمماطلة ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/22/%D8%A7%D9%84%D8%AA%D8%BA%D9%84%D8%...
Cool Car: Add Style And Class To Your Vehicle
views 229
Cronut seitan mustache Kickstarter crucifix bespoke. Trust fund deep v cornhole, sriracha flannel cray Vice seitan craft beer VHS Tumblr Truffaut fixi...
بكره ان شالله في بيت الربع هتكلم عن الوصول الاسرع ...
views 55
بكره ان شالله في بيت الربع هتكلم عن الوصول الاسرع للعقل الباطن من خلال مجموعه من التقنيات واللي هتكلم عنها لأول مره في افطار جماعي غدا الثلاثاء 19 ر...

About the author

Engy Ragab

Leave a Comment