الإغواء هيا الكلمة الوحيدة اللي يفهمها كل الناس بنفس المعنى او بمعنى مشابه ، هيا الكلمة اللي الناس بتتفق على معناها مع طفل صغير بيصورها على انها بتطلق على ميكي لما خلى ميمي تحبه ف الميكي ماوس ، او لما جيري ضحك على توم علشان ياكله ، وكل ما تكبر شوية بالسن كل ما معنى الاغواء بيبدأ يتحول ويتشكل لحد ماتوصل ان الكلمة نفسها تفقد معناها الحرفي ويبدأ احساسها يستمر ويستقر في كيانك لإنها اما تحصلك او تكتشف انك مهاري جدا في تطبيقها .

الإغواء هيا القدرة على شد الانتباه، استثارة العاطفة ، كسر القيم ، لمس المحرمات ، التوجيه .

سواء بدأت تغوي شخص علشان يغير من نفسه للأحسن ، او علشان يتخلص من افكار سلبية او ايجابية ، او علشان تعيد توجيهه بأي شكل تحبه ، في النهاية الاغواء بيعتمد على غرائز الشخص المستهدف الاساسية واللي قضى حياته بيحاول يتحكم فيها ويقتلها .

من اول ماتولدنا واحنا بنتعلم ازاي نقدر نتحكم ، نسيطر ، نقتل ، نسجن ، نحبس ، غرائزنا ، وكلها مصطلحات تدل على احساس ضاغط بسبب المحاولات المستمرة من طرفنا علشان نعيش حياة كاملة بنحاول فيها نبقى حد تاني غيرنا ، بنحاول فيها نكدب ونصدق كدبة ، نثبت لنفسنا اننا كويسين جدا والحقيقة هيا ان ف اللحظة اللي هتفلت فيها انا او انت او غيرنا ، كلنا هنقع ، ومن هنا لزم لينا ولكل واحد انه يدور على منهج تفكيري وعقائدي يبنيه بنفسه ويحط نفسه جواه ويلزم نفسه بيه طول العمر ، ويبدأ يفرضه على اشخاص تانيين سواء مسئول عنهم او لأ بس طول ماهو شايف ان المنهج ده هو الأنسب هيعتقد فيه طول العمر ، لدرجة ان اي مشكلة او فلتة هتحصل وينحرف فيها علشان يبدأ يلمس المحرمات ، هيشكك في نفسه هو لكن ابدا ماهيقدر يشكك في منهجه ، لدرجة ان واحد ممكن ييأس من حياته بالكامل ويكون فعلا عايز يتخلص منها بس مياخدش الخطوة علشان خايف يموت كافر . او غيره من الامثلة اللي بتوضح ازاي بنلتزم بمنهجنا حتى لو لم نتبعه ، حتى لو مكانش مناسب ، وقليل اللي بيقدر من وقت للتاني انه يخرج ويتنفس ، منهم بيرجع تاني ومنهم بيكمل برة ، من غير منهج لفترة علشان يرجع يبني لنفسه منهج جديد .

الاغواء هنا انك تخرج الشخص من المنهج ده وتخليه يلتزم بمنهج جديد من صنعك ، سواء كان كويس او وحش فده تقييم نسبي لكنه مطلق في حدودك انت وعقليتك وطريقة تفكيرك.

لو التزمنا بمعادلة الاغواء الا وهيا :  القدرة على شد الانتباه، استثارة العاطفة ، كسر القيم ، لمس المحرمات ، التوجيه .

هنكتشف ان اغلب الاشخاص بيمروا بيها من وقت للتاني وزي مااشرت فالكلمة نفسها بتتحول من كلمة بتساوي معنى الى كلمة بتساوي احساس داخلي مسيطر بتعيش بيه اما تكمل بيه او تغيره في يوم من الايام .

من اسهل نماذج الاغواء واكثرهم شهرة ، الاغواء العاطفي واللي بيلعب على نقطة اخراج الشخص من اطار ملتزم بيه علشان يجرب حدود تانية مختلفة وديه بتبقى عبارة عن حلم كبير لناس كتير نفسها فعلا انها تجربه ، ومن النماذج ديه ان شخص ما يبدأ في اغواء بنت او ست بيت علشان تخرج من شخصيتها من وقت للتاني وتتحول لكائن تاني عنده القدرة على نهج منهج جديد مختلف بشكل مزمن .

فتستغرب ازاي فلان بيعمل كذا وهو مربي دقنه ، وازاي فلانة بتعمل كذا وهيا منتقبة او لابسة حجاب ! وده في حد ذاته اعتقاد غريب من طرفك انك تفكر في الشخص وتحطه في منهج لمجرد انك شوفته لابس لبس معين ومع ذلك انت مش بس بتلزمه بالمنهج ، انت ممكن في بعض الاوقات تشك ان المنهج هو اللي خلاه يعمل كده لكنك مش قادر تعترف بالغريزة المحركة واللي بتنشط من وقت للتاني علشان حرفيا يبدأ الانسان يعيش من خلالها في عالم من صنعه وخياله ، عالم تاني هو محتاجله ومش قادر يطالب بحقه فيه .

عايزك تتخيل معايا المحادثة ديه :

–        انتي متجوزة ؟

–        اه !

–        ده ممتاز ، انا عايز اعرف هل الحب لسة مستمر بينكم ولا قل عن اللي كان اول الجواز ؟

“في سؤال زي ده ، خدعة ، بمنتهى البساطة انت بتحط الشخص ف زنقة بتخليه يقول اجابة واحدة مينفعش يختار غيرها الا وهيا ان الحب قل عن اول الجواز ، لانك عارف ان ده الطبيعي انه يحصل ، وثانيا لان ده الجزء الاخير من السؤال اللي انت عارف ان الشخص بيبدأ يركز عليه ، فلو قولتلك تحب تركب تاكس ولا تتمشى في الجو الجميل ده ؟ كإني بقولك اختار الجزء التاني مع اعطاءك الوهم اني خيرتك ، لكني في النهاية انا اللي فرضت عليك الاجابة”

–        لا طبعا مفيش حاجة بتفضل على حالها بس انا بحب جوزي.

–        ده ممتاز واكيد هو لسة بيحبك مش كده ؟

“جملة زي ديه مش بتعمل اي حاجة غير انها بتخلي الشخص يبدأ يتواصل داخليا مع نفسه علشان اما انه يأكد معلومة او يشك فيها ، مصطلح (لسة) لو ليه اهمية فهيا انك بتشبه عملية ما انها على وشك اما انها تخلص او تنعكس .. انت لسة بتشتغل ؟ (يعني انت اشتغلت ولسة مكمل بس اكيد هتخلص بعد فترة) .. انت لسة بتاكل ؟ انت لسة فرحان؟ “

–        اه هو بيحبني

–        طب ده كويس جدا ، انا مبسوط ان الحب بعد الجواز لسة مستمر ، بس هل ده كل اللي انتي عايزاه ؟ ولا  انتي بتحققي طموحاتك اللي فضلتي تحلمي بيها ؟

–        لا فيه حاجات كتير اتضطريت اني اتنازل عنها بعد الجواز بس اهو الحياة مكملة

–        ديه حاجة جميلة جدا بس المهم انك متنسيش نفسك اكتر من كده …

ومن نقطة لنقطة تانية اكبر ف التأثير لحد ماتوصل ان الشخص يبدأ يدافع شوية شوية يبدأ يتنازل شوية شوية يبدأ ينحرف عن اتجاهه ويمشي ناحيتك .

علشان تبدأ تقوله انك محتاج حد يكون جمبك حد يحسسك انك مميز ، للاسف الازواج بييجي عليهم وقت وبينشغلوا بس الواحد محتاج دايما حد يسانده ويدعمه .

كلام عادي جدا بس فيه الف رسالة وتوجيه مباشر ، لان نفس الشخص اللي هيساند وهيدعم هو الشخص اللي هيغوي ويأثر ، وكلنا بندور عليه .

كلنا بندور على شخص يخرجنا من حياتنا النمطية بأفكار جديدة وانفجارية نحس من خلالها اننا هنعيش من جديد وهنجرب حاجات تانية مختلفة ، تلاقي حد بيدافع بالتزام عن الاخلاص والعفة لكنه ف نفس الوقت لو اتحط ف موقف وحد حاول يغويه – مهما كان قوي ومتماسك هييجي عليه وقت ويتفتن .

علشان كده الفتنة نائمة لعن الله من أيقظها .. او كما قال رسول الله صلى الله عليه وسلم . الفتنة اللي موجودة جوا كل انسان فينا ، نائمة مش ميتة ولا مقتولة ، نائمة وكل اللي بنعمله في حياتنا من اتباع لمنهجنا هو شكل من اشكال تنويم هذه الفتنة مش اكتر ، الفتنة جوانا وعلى يمينا وعلى شمالنا وتحت رجلينا ، والعقل بيحاول طول العمر انه يلهيك عنها ، لحد ماييجي حد ويفوقها جواك .

الإغواء حالة ممكن نتعرض لها الأقوى فينا مش اللي بيواجهها ، لانه كده كده هيضعف لو اتعرض لها اكتر من مرة ، لكن الاقوى فينا هو اللي بيبعد نفسه عنها وبيهرب .

في تحريم الخمر ، مش بس شربها اللي اتحرم ، ده شرب الخمر والجلوس ف مجالسها وغيره ، فلو طبقنا ده على الكلام اللي قولته فوق هتكتشف منطق انت ليه محتاج دايما انك تبعد نفسك بدل من محاولة مقاومتك لشىء اتخلق جواك وانت مش عايز تشوفه .

شوفه واعرف انه موجود وابعد عن اللي ممكن يوقظه جواك .

 نهاد رجب

اول مدرب عربي لفن الاقناع والتأثير النفسي بالتنويم الضمني

مدرب ومعالج بالتنويم الايحائي

http://www.nihadragab.com

مقالات مرتبطة

فن التحكم في المعلومات وتغيير الواقع...
views 1336
  امبارح عميلة بتكلمني من ضمن كلامها وبتحكيلي عن القلق والتوتر اللى بتعيشه في حياتهم ،  انها وجوزها كانوا في مطعم بيشتروا حاجات ، وشافت شاب شغال...
التغلب على التسويف والمماطلة...
views 3420
  الموضوع بدأ لما كنت بتكلم مع عميل وحبيت استخدم معاه تأثير الباركنسون ، ومن غير ماندخل ف تعقيدات لغوية خليني اقولك فكرته من خلال قصتي مع العميل...
وانت هترسم ايه ؟ #نهاد_رجب
views 584
  - حضرتك بترسم ايه ؟ - لا أبدا ، برسم رسوم مسيئه للرسول - صلى الله عليه وسلم - صلى الله عليه وسلم - بس انا كده زعلت - ليه هو اللي انا رسمت...
في الألم القوة وفي الألم الحياه #نهاد_رجب مقالة لـ...
views 6609
سنة 1985 ، دان اريلي - مؤلف كتاب توقع لا عقلاني- كان بيتعالج من حروق من الدرجة التالتة على مستوى جسده بالكامل . وحكى تجربته مع العلاج ووصفها بالمؤلم...
اسرار الولاد-Boyes Code
views 2862
عارف انت لما تلاقي بنت بتكلمك بطريقة معينة وتستخدم مصطلحات معينة في الكلام ، وتبقى انت هارش وعارف هيا عايزة ايه ، وكل ده عن ايه وليه ، بتبقى ساعات في ...
التسويق : اهزم منافسك بالصمت لأن انتصاره سيبدأ عند...
views 5831
اهزم منافسك بالصمت لأن انتصاره سيبدأ عندما يعلو صوتك ضده . التسويق الاجرامي هو انك تستخدم المنافس للتسويق لبضاعتك ومنتجك وده ممكن يحصل بشكل مدرو...
قول أيوة
views 2940
عارف لما يكون فيه حد غلس عمال يتصل بيك ؟ لا ومش غلس وبس ، ده بيقعد يرنلك وانت مش عايز ترد ولما يلاقيك مش بترد ، تلاقيه رن من رقم تاني علشان ترد عليه ،...
ارحل وهاجر فالحل في الهجرة #نهاد_رجب...
views 2449
ارحل .. فالحل في الرحيل والهجرة في الهجرة الاجابة لكل تساؤلاتك هاجر فقد هاجر ابراهيم قومه فوجد الله هاجر خرج سيدنا محمد من مكه فدخل الناس في دين ...
في التأني الندامة وفي السرعة السلامة ! نهاد رجب...
views 1814
هل قرأت العنوان جيدا ؟ ان هذا صحيح حق ، وقد تكون هذه الجملة هي الادق على الاطلاق .    ولكن كيف ان التأني يأتي بالاخطاء والسرعة تأتي بالسلامة وت...
English | A very simple formula to win ! Nihad Rag...
views 3087
Listen : https://youtu.be/71hLNx4R40U A very simple formula to win ! Nihad Ragab Hi! My Name is Nihad Ragab, i'm speaking to you from Cairo, Egypt ,...

About the author

Engy Ragab

Leave a Comment