عمرك سالت نفسك ليه الناس بتصدق اللي بتصدقه حتى لو كان غير حقيقي او منطقي او حتى حقيقي ، بس ليه الناس بتصدق حاجات وحاجات تانية لا ؟ ليه بعض الناس بتصدق في الدجل والشعوذة وناس بتصدق في الطاقة وخطوط المريديان والشكرات وناس تانية (زيي) بتصدق ان كل ديه عبارة عن ايحاءات مش اكتر ؟

  مش انت ولا انا لوحدنا اللي سألنا السؤال ده ، سبقنا واحد اسمه جورج بوليا ، وده كان سنة 1950 – وهو عالم في الرياضيات في برنستون – وسأل نفس السؤال واستخرج من ابحاثه ودراساته 5 انماط (هما بصراحة 6 بس مش واضح بالنسبة لي) ، والانماط ديه مسماه “أنماط بوليا لاستنتاج المعقولية” .. وهيا عبارة عن اللي بيحصل للشخص علشان ينتهى في الاخر بانه يؤمن او يصدق فكرة ما او يعتنق معتقد ما .. وده طبعا حصل معاك وحصل مع كل الناس وكل معتقداتنا بلا استثناء هيا عبارة عن حدوث نمط او اكتر من انماط جورج بوليا .

تدريبي للتنويم الضمني كفن للاقناع والتأثير النفسي بيخلي ضروري اني اعرف الناس المعتقدات اللي انت بتغيرها بالتنويم الضمني عند الاشخاص بدأت ازاي اساسا ، وبمعرفتك ليها بيبقى سهل بعد كده انك تستخدم براعة الفم وهيا الانماط الخاصة بروبرت ديلتس علشان تحولها وتغيرها وتعكسها .. وفي اخر المقالة هديلك فكرة اكبر عن الكورس الصوتي ” لغة الاقناع والتأثير ” واللي بيضم تطبيقات البوليا وبراعة الفم والانماط اللغوية لملتون اريكسون .

وبالنسبة لمتخصصين التنويم الايحائي ، بيتم استخدام الانماط ديه في جلسات التنويم الايحائي المتقدمة وبدعوا متخصصي التنويم الايحائي انهم يحضروا كورس التنويم الضمني المكثف والكامل واللي هنفذه ان شاء الملك شهر 4 القادم للاستفادة من طرق استخدام ودمج انماط البوليا في الاقتراحات التنويمية بالاضافة لاستخدام تقنية ال NHTT  لعمل جلسة تنويم ايحائي كاملة ومتقدمة

خلينا نتعرف دلوقتي على الانماط ديه وفي اخر المقالة هنعمل اختبار صغير علشان نتأكد انك فهمت الانماط وبدأت تستوعبها اكتر واكتر دلوقتي ..

1-   نمط الاحتمالية :  

والنمط معناه ان حاجة هتحصل تاني بناءا على حدوثها اولاني

يعني هنصدق شىء ما بسبب حدوثه كذا مرة قبل كده .

وده ليه شكلين :

اولا : لو حاجة حصلت اكتر من مرة ، بنصدق اكتر انها هتحصل تاني

على سبيل المثال .. لو انا روحت قابلت شخص ما وكل ماقابله اجيبله معايا ورد ، قابلته مرة وجيبتله ورد ، قابلته تاني وجيبتله ورد ، قابلته خمس مرات يمكن وفي السادسة مجبتش الورد ، هنا الشخص نفسه بيستغرب وبيسأله هو فين الورد بتاعي لانه (اعتقد) ان كل مرة فلان هييجي يقابله هيجيبله ورد .. فبالتالي ده بقى زي رابط بالنسبة له وفكرة هو معتقد فيها بناءا على حدوث السلوك ده اكتر من مرة .

ثانيا : لو حاجة مش بتحصل كتير وحصلت بتبدأ تحفز عندنا السبب والنتيجة والي اتوقع حدوثها ..

يمكن تكون الجملة ديه خيال علمي او مفهمتهاش كويس بس خليني اقولك معناها ايه من الواقع ، فيه اسلوب علاجي اسمه الوغز بالابر Acupuncture

وفكرته بتعتمد ان المعالج بيحط ابرة في مكان ما في جسمك وبيقولك ان المكان ده هو ملتقى خط كذا مع خط كذا الطاقي الموجود في الجسم وبالتالي انت مش هتحس بألم وهتلاقي الصداع بتاعك راح ..

الكلام ده ساعتها انت مش مصدقه ، لانك معتقد ان لو الابرة لمستك هتتإذي او هتتجرح بأي شكل ، وبالتالي انت لحد دلوقتي مش مصدق ، لحد مايحط الابرة في رجلك او ايدك فعلا ميحصلكش اي الم ، فهنا بيتم تنفيذ وتطبيق النمط ، بمعنى ان المعادلة بتكون :

بما ان مفيش الم من الابرة إذن كلامه عن ان الصداع هيختفي هيكون حقيقي وسليم

ومن الامثلة التانية المشهورة ، فكرة المشي على النار ، لما يكون فيه متخصص معتمد مجهز فحم ومولع والنار باينة فيه وبيطلب منك انك تمشي وبيربط مشيك على الفحم بإنك تقدر تعدي اي مشكلة .. اللي بيحصل انك بتكون معتقد تماما انك هتتإذي لكنك لما بتعدي وبتكتشف ان مفيش أي أذى حصل ، بتبدأ تغير رأيك واعتقادتك وتصدق انك هتقدر تعدي اي مشكلة هتقابلها في الحياة او هتنفذ اي كان الاقتراح اللي وجه ليك المتخصص .

2- التحقق من نتيجة :

لو معتقد ما بيحقق نتيجة ما ، واحنا اثبتنا النتيجة ديه ، فده بيخلي المعتقد معقول اكتر ، بس مش بيثبته ولكنه بيزود معقوليته لو مفيش احتمالات تانية غيره .

يعني من ضمن اسباب عدم اعتقادي الكامل بالباور بالانس ويمكن اكون عملت تحقيق في الموضوع ده اني شايف ان لبسك لاسورة حوالين ايدك اسمها الباور بالانس مش بيحقق الاتزان اللي بتتوهم بيه ابدا لكنه ببساطة بيحقق النمط التاني من انماط بوليا لاستنتاج المعقولية ، اللي بيحصل انك بتلبس اسورة وبيتم تطبيق اختبارات ما عليك ، علشان تكتشف ان اتزانك زاد وبقى احسن فتعتقد اعتقاد ثابت في تأثير الباور بالانس ، وهنا جيه بوليا واثبت ان الكلام عن الاساور والحظاظات والسلاسل وغيره كلام غير منطقي اغلب الوقت وبيعتمد في تأثير على الايحاءات ..

لو انا مش معتقد في شىء ما ، وجيه حد وقالي الشىء ده معقول بسبب انه بيحقق نتيجة ما ، واكتشفت ان النتيجة حقيقية ، هبدا اعتقد في المعتقد اللي كنت شاكك فيه من البداية .

3- الصدفة :

لو الاعتقاد بيفترض حدث او ظاهرة معينة والظاهرة بتحصل فعلا فده بيخلي الاعتقاد حقيقي وسليم ..

وهو اقرب شوية لنمط التحقق من النتيجة باختلاف ان النمط ده بيفترض اما التحقق من النتيجة فبيأكد .. وفكرته سهلة وبنقع فيها دايما ..

تعرف حد بيؤمن ان المقص لو اتساب مفتوح بيحصل نكد ؟ او لو الجزمة على وشها بتعمل مشاكل ؟ ده بسبب انك لما سبت المقص مفتوح حصلت مشاكل فعلا فبدأت تربط بين المشاكل والمقص وكونه مفتوح فاعتقدت ف الاعتقاد ده وبدأت تمرره للناس ..

ومعادلته انه بما ان كذا 1 بيفترض حدوث كذا 2 وكذا 2 بيحصل او حصل يبقى كذا 1 حقيقي الى حد كبير .

فعلى سبيل المثال لو انت بتحقق في جريمة حريق ، وشاكك في فلان اللي مبيطلعش منه العيبة وانت مش قادر تصدق انه هو اللي عمل كده “انت مش معتقد في ده” بس بالفيديو والورق اتثبتلك انه في يوم الحريق اشترى بنزين وكبريت ، ساعتها اعتقادك انه هو اللي عمل الجريمة ديه هيزيد وهيبقى معقول اكتر . وهنا اتحقق نمط الصدفة او لو شىء ما يفترض شىء اخر والشىء الاخر ده حصل يبقى الاعتقاد الاولاني حقيقي وواقعي .

4- الاستنتاج من القياس :

وده النمط الاكثر استخداما في البيع او الاقناع ، وبتعتمد فكرته على اني اشبهلك شىء بشىء ما حتى لو بعيد بس بثبتلك صحة الشىء التاني فبتعتقد في حقيقة الاولاني ..

فاكر مقولة “هل يختلط الزيت بالماء”؟ وديه مقولة اتقالت في فيلم عربي ، وممكن استخدمها لما اقولك ، مينفعش ترتبط بفلان .. يا أخي هل يختلط الزيت بالماء؟

فانت عارف انه مينفعش الزيت يختلط بالماء فبالتالي بتصدق انه مينفعش ترتبط بفلان ..

او ممكن اقولك ، “المنتج بتاعي مش غالي ولا حاجة ، عمرك اشتريت حاجة غالية علشان تمنها فيها؟”

5- ضحد المخالف :

والنمط ده فكرته ان معتقد ما بتزيد معقوليته لو معتقاد عكسي ليه اتثبت زيفه او خطأه .

وده الاسهل ، ومعناه اني بدل مادافع عن نفسي واثبتلك اني كويس ، انا اقلل من الناس التانية واتهمهم بالفشل والجهل واقنعك بكده ، في خلال مانت بتقتنع بده ، هتكتشف اني كشخص بزيد جواك وبتحطني في مرتبة احسن منهم .

وده شىء غير اخلاقي في بعض الاستخدامات وبيتم استخدامه في المنافسات السياسية حتى ، لما يطلع مرشح رئاسي ويغلط في باقي المرشحين ، فالناس تكتشف انه صادق في هجومه فتصدق فيه هو ..

او اني اقولك ، احمد احسن من مصطفى ، مين قال ده احمد بيشرب سجاير ، يبقى مصطفى كويس والاحسن .

دلوقتي خليني اقولك اكتر من نموذج وعايزك بناء على فهمك للانماط اللي تم التحدث عنها انك تطلع من النماذج ديه الانماط المستخدمة فيها ..

“امبارح حسين لما جيه ، جيه متأخر كالعادة ولما سالته قالي لو متصلتش تصحيني الساعة 10 الصبح يبقى اكيد هاجي متأخر .. وانا النهاردة نسيت اتصل بيه اصحيه.. “

“لو حسين جيه النهاردة بدري هيبقى يوم جميل …حسين جيه بدري ده كويس جدا “

“حسين بيقول انه يقدر يقرى افكار الناس بسبب انه معاه نضارة سحرية مش بيلبسها كتير… انا مكنتش مصدقه ابدا ، لحد مالبس النضارة وقرى افكاري ، انا عايز نضارة زيها .. “

“حسين كل مابييجي بيتكلم كتير وبيرغي في كلام فارغ وده بيحصل لما محمد بيكون موجود وادي محمد جيه هو كمان . “

“مكنتش مصدق ان الينسون مفيد لحد ماحسين قالي انه بيغسل البطن من البكتريا زي ما الميا بتغسل الاطباق .. “

“حسين احسن من علي لان علي بيشرب سجاير ومخدرات وبيكدب ..”

مش لازم اقولك ايه الانماط بس ديه حاجة انت تقدر تعرفها بنفسك لنفسك ، الاهم انك بعد كده كل مرة تتعرض فيها لموقف تصدق فيه حاجة حاول تدور على النمط اللي تم استخدامه معاك وهتكتشف انه واحد من الخمسة اللي كتبت عنهم ..

وانك تتعرف على طريقة تكوين المعتقد شىء مهم علشان تقدر بعد كده تغيره او تحوله في عقول الافراد باستخدامك لانماط براعة الفم لروبرت ديلتس واللي درستهم مع دوج اوبريان ، احد مساعدي توني روبنز السابقين وواحد من اقوى مدربي ومتخصصي انماط براعة الفم في العالم ، وفي كورس لغة الاقناع والتأثير هتبدأ تتعلم استخدام الانماط ديه في البيع والتسويق وخدمة العملا بمنتهى السهولة  كإنك بالظبط بتسرح شعرك ، هتكتشف انك بتستخدمهم بمنتهى الروعة والسهولة ولو اتصلت وطلبت نسختك قبل الساعة 6 في اي يوم هتاخد مع الكورس مفجأة ليك انت مخصوص ” الحق ميعادك والحق نسختك من اقوى كورسات الاقناع والتاثير .. الكورس صوتي بتستلمه او بيوصلك لحد البيت على اتنين سي دي ومعاه شهادة معتمدة من بريطانيا ومؤسسة المايند كير وممضية من جونثن رويل والاهم انه معاه خطاب توصية موجه لصاحب العمل علشان يقبلك عنده لانك متخصص وماهر في تطبيقك للانماط اللي هتتعلمها على الكورس الصوتي ..

لمزيد من التفاصيل :

http://www.nihadragab.com/new/wordpress/?p=1436

كان معاك

 نهاد رجب

اول مدرب عربي للتنويم الضمني

مدرب ومعالج بالتنويم الايحائي

مؤلف كتاب “تعلم كيف تحدث التنويم الايحائي” وكتاب “التنويم الضمني”

ادعوك لزيارة صفحتي : www.facebook.com/nihad.ragab2011

او موقعي على www.nihadragab.com

مقالات مرتبطة

فن الدعوة نهاد رجب
views 662
  لو بتحاول تهدي حد للصلاة ، بلاش تقوله لو مصليتش هتدخل النار وتخوفه من الثعبان الاقرع ! كإنك بتقوله "معلش استحمل طعم دوا الكحة المر علشان متموت...
من ضمن طرق التسويق انك تتابع بعض الناس .. #نهاد_رج...
views 1492
من ضمن طرق التسويق انك تتابع بعض الناس .. يعني ايه الكلام ده ؟ كلنا عارفين شخص ما في حياتنا ، تقيل في اعجابه بالاشياء ، صعب انك تشد انتباهه ولسانه...
زرع الافكار: زرع ذكرى وهمية 2...
views 1223
  هي لعبة بسيطة ، بس جربها مع الناس وهتعجبك ، لعبة من العاب التنويم الضمني ، وزي مانتوا عارفين واحتمال تكونوا سمعتوا عن ان التنويم الضمني متخصص ...
التكيف العصبي وسلطة الاعتقاد #نهاد_رجب...
views 838
  التكيف العصبي وسلطة الاعتقاد جيلبرت العالم المشهور في مرة عمل بحث عن "هل احنا بنصدق الاول قبل مانحلل ولا بنحلل الاول قبل مانصدق" واكتشف جلبرت...
العقل – 4 طرق قوية يمكن من خلالها أن تخدعك ذ...
views 4507
في هذه المقالة أتحدث إليكم عن أكثر 4 طرق غرابة يمكن من خلالها توجيهك من خلال التلاعب بذاكرتك ومن ثم إقناعك بمنتهى السهولة واليسر . في البدء لا يمكن...
كيف يتم توجيه عقول الناس وغسيل المخ (كورس اونلاين ...
views 4335
لتحميل العرض الباوربوينت الخاص بالفيديو : www.nihadragab.com/lectures/NihadRagabArtofinfluencing.pptx في هذه المحاضرة تتعرف على بعض من الطرق التي يت...
كيف تسأل وتحصل على الإجابات التي تريدها ! لـ نهاد ...
views 5874
التحدث عن فنون الإقناع والتأثير النفسي دائما ما يثير إعجاب الناس ، ليس فقط لأنك تجد مجموعه من التقنيات القوية والتي يمكنك إستخدامها بسهولة ولكنك أيضا ...
زرع الافكار الجزء الثانى: تنويم ضمنى واقناع بالايح...
views 1919
  هستعرض معاكم النهاردة ، فكرة جديدة مطورة من افكار التنويم الضمني ، بعض منكم اتعرف على التنويم الضمني وجاتله فرصه انه يتعرف على المجال الواسع د...
فن الاقناع والتواصل الفعال
views 842
  الإقناع ، مهارة عايزينها، حتى انت ، ممكن علشان كده بتقرى المقالة ديه دلوقتي او هتهتم انك تعرف ان فيه برنامج لفن الاقناع والتواصل هيبدأ قريب ، ...
سحر العقل..والاقناع النفسى
views 2236
  كتير بتكلم عن التنويم الضمني وفن الاقناع والتاثير النفسي ، وعن تقنياته ، والمرة ديه بتكلم عن السلطة العليا ، ازاي احنا اتصممنا علشان نتبع اي ح...

About the author

Engy Ragab

Leave a Comment