عمرك سمعت عن تشويه الوقت قبل كده ؟ قريت عنه ؟ طب عرفت نظرياته ؟ نفض لكل الكلام ده ، الي يعرفني عارف انك مش محتاج تكون فاهم حاجة علشان تعرف انك مريت بالنوعية ديه من التاثيرات قبل كده .. بمعنى ، كلنا بنتعرض لتشويه الوقت ، ساعات الوقت بيطول معانا وساعات بيقصر ، واتكلم عن الموضوع ده العم اينستاين في النسبية بتاعته ، بس بلاش مصطلحات . وخلينا في المهم ..

تحب اسهلهالك ؟ اوكي .. مممم … بص ياسيدي ، عمرك كنت بتكلم حد عالتليفون والتليفون رن كذا مرة وسرحت منه شوية ورجعت حسيت ان الرنة سكتت ومبقاش يرن لدرجة انك شكيت ان الي بتكلمه يكون رفع السماعة وبصيت عالشاشة لاقيته مفتحش وحطيت الموبايل على ودانك تاني لاقيته كمل رن ؟

او باختصار حسيت ان المسافة بين الرنة والي بعدها طويلة جدا لدرجة انك شكيت ان الطرف التاني فتح فعلا؟؟؟

تفتكر ده ليه ؟

فودافون بتشتغلك ؟
الواد فتح وقفل بسرعة ومحدش عرف يلقطه ؟
انت تهت ؟ وروحت وسافرت وفكرت وحلمت ورجعت تاني لنفس اللحظة ؟

تخيل ان فعلا ثانية واحدة ممكن تعيش فيها موقف بخيالك تحس انه ساعة ! تخيل ان ساعات المسافة بين الكلمة والتانية ممكن تحس انها بتاخد وقت طويل؟

اسهلهالك ؟ اوكي

عمرك كنت نمت صاحي ؟ يعني كنت بتتفرج على التلفزيون وفجأة غبت ورجعت تاني ؟ وحسيت ساعتها انك خدت وقت ونمت فعلا بس اكتشفت ان المشهد الي بتتفرج عليه لسة مخلصش؟ او كنت بتسمع حد بيتكلم في التليفون وسامع الحوار وغفلت ورجعت لاقيت الشخص الي عندك لسة مكملش كلامه ؟

اسهلهالك كتر ؟ اكتر من كده هتعب بس ولا يهمك ..

كنت بتكلم بنت بتحبها او حد بتحبه ، وقعدت تكلمه وبتبص في الساعة وقولت “ايه ده الوقت خدنا!” او حسيت كان العشر دقايق عدوا عليك في ساعة او الساعة عدت كانها عشر دقايق؟
كل يوم بنتعرض زي مانت شايف لتشويه وقت واحنا مش واخدين بالنا ، لدرجة اننا اتعودنا عليه ، بس لما تعرف ان فيه حاجة اسمها بركة في الوقت ، اتخيل ان ده ممكن يخليك تفكر ، ازاي الواحد ممكن يبقى عنده بركة في وقته ..
انك تعيش سنين ويعدوا عليك كانهم عشر سنين احسن ماتعيش عشر سنين وتحس كانهم عدوا في سنة !
طول العمر مكنش ابدا بعدد السنين ، بس كان بالي بيحصل فيهم ، فتلاقي ابن حنبل كتب موسوعات في ايام ، وتلاقي ابن القيم كتب اهم كتاب في العقيدة دلوقتي بين الضهر والمغرب ! وتلاقي حد يصلي بالبقرة او بنص القرآن في ركعة واحدة ! ونسمع الكلام ده ونستغرب جدا ، بس تكتشف انه بيحصل ، لانه مينفعش ميحصلش ، ولازم يحصل ..

علشان يحصل معاك لازم تؤمن .. تاني .. السلف قالولنا ان اكل اتنين يكفي اربعة واكل اربعة يكفي تمانية ! ، في الاول مكنتش فاهم ده لحد مافي مرة كنت عند واحد صاحبي اسمه عبدالله ، حبيب قلبي طبعا ، وكان عامل عقيقة احتفالا باكتمال حفظه للقرآن ، وكانت عبارة عن صنية فيها فتة ولحمة ، وكنا ماشاء الله علينا ، تقريبا اكتر من 10 بناكل من نفس الصنية ديه ، مضحكش عليكم انا قولت في سري ، انا لو لوحدي كان زماني خلصتها ، بس بعد ماكل كل واحد فينا وحسينا اننا شبعنا بجد ، صرخ محمد رأفت صاحبي وقال بصوا البركة بصوا البركة ، مخدتش بالي غير لما لاقيت ان الصنية حتى ماخلصش نصها !! وأقسم بالله انا لوحدي كنت واكل اكل لدرجة اني كنت مكسوف حد يتريق عليا ، بس كلنا كلنا كده وقبل ماناكل قالنا عبدالله محدش ياكل من نص الصنية لانها بركة الطعام
لموضوع ده اتكرر في الجيش وبقى حاجة عادية جدا انها تحصل لدرجة ان محدش بقى يهتم ، والاكل (نص فرخة ) كانت بتكفي 5 عساكر كل واحد فيهم مشافش الاكل بقاله يومين .. وشوية مية في غطا ازازة كانت بترويك ليوم بحاله ، وشوية رز في طبق معاه سلطة كانت بتكفيك في يوم صيام في شهر رمضان …

كل الي بتكلم فيه اسمه بركة ، وقانون البركة زيه زي قوانين الجذب وقوانين الطبيعة بشكل عام ، طبعا كله بأمر الله ، وكل في الخير فمستحيل تلاقي بركة في الزنا ولا بركة في الربا ولا بركة في الحرام فتلاقينا طلعنا جمل زي “هيا فلوس حرام ولا ايه” وده لما تلاقي الفلوس بتخلص بسرعة مثلا… والامثلة كتير
طيب ازاي نقدر نبارك في وقتنا واكلنا وسعادتنا ؟ انا نفسي مش عارف ومش هعمل نظريات لان الموضوع خرج من ايدي ، بس خليني اقولك ان اكتر وقت حسيت فيه بكده لما كان قلبي مع ربنا ، لما كنت متوكل ، وكلمة السر في الرضى ، او لما كنت راضي ..

في اللحظة الي هترضى فيها ، هتلاقي البركة في كل حاجة في الدنيا حواليك ، في مراتك ، في خطيبتك ، في فلوسك ، في شغلك ، في وقتك ، في اي حاجة مستمرة في حياتك ..

فلو عايز تعيش اكتر ، ارضى ، لو عايز تبقى مبسوط ، ارضى ، لو عايز تبقى كويس ارضى ، يعني امشي بمبدأ الي حصل حصل ويكش اي حد تاني يولع .. لو وصلت للمرحلة ديه ساعتها هتلاقي كل حاجة بتكتر معاك ..

في التنويم الضمني بنستخدم تشويه الوقت بطريقة سحرية بتخلي الشخص يروح في المستقبل ويرجع بخياله ويبدأ ياخد قرارات على اساس حاجات شافها بس كانت بالنسبة له حقيقية ، طبعا ده بيعتمد على قدرة المتحدث معاه على توصيله للمرحلة ديه واختيار الكلمات الصحيحة علشان يوصل للحالة ديه وبيبدأ يدخله في مرحلة تشويه فيها بيدمر كل ارتباطاته وبيرجعه للوقت الحالي علشان يخلصه منها ، وديه بتستخدم في التخلص من عادة ما او سلوك سلبي ..
نهاد رجب
اول مدرب عربي لفن الاقناع النفسي والتاثير بالتنويم الضمني .

مقالات مرتبطة

ممارس التنويم الإيحائي اليوم الاول : – مب...
views 227
ممارس التنويم الإيحائي اليوم الاول : - مبادئ ممارس التنويم الإيحائي وقواعد الكورس التدريبي - تعريف التنويم الإيحائي طبقا للجمعية الطبية البريطانية...
Solar Energy for Mother Earth and Everyday Smiles
views 263
Paleo ethical Williamsburg Wes Anderson Vice biodiesel +1, asymmetrical mlkshk shabby chic tofu. Heirloom hoodie migas, fashion axe paleo Intelligents...
كلمة “معلش” بتريح كلمة “ما تزعل...
views 119
كلمة "معلش" بتريح كلمة "ما تزعلش" حلوة لو جات في الوقت المناسب وحسستك بالاهتمام ساعات بتكون كفاية للشخص الخايف او اللي عايش وجع وساعات بتفرح قول...
لو حسبت الفلوس اللي جاتلك وصرفتها في كلام فارغ او ...
views 260
لو حسبت الفلوس اللي جاتلك وصرفتها في كلام فارغ او مهم هتلاقيها نفس الفلوس اللي بتدعي ربنا يديهالك بس الفرق انها جاتلك على دفعات Source...
في مرحلة متقدمة من التنويم الايحائي الناس هتتصل بي...
views 216
في مرحلة متقدمة من التنويم الايحائي الناس هتتصل بيك على التليفون وهتبقى المحادثة كالآتي : - "مستر نهاد انا مش عارف أتكلم قدام الناس ممكن جلسة ؟ " - ...
الإسلام دين راقي وشيك واتيكيتش يعني علمك انك تس...
views 47
الإسلام دين راقي وشيك واتيكيتش يعني علمك انك تستأذن قبل الدخول قالك تخبط على الباب تلات مرات لما تتكلم متعليش صوتك ادفع بالتي هي أحسن جادل بالحس...
جزء من اكتشافي لمعتقداتي الداخليه اللي بتحركني وبد...
views 54
جزء من اكتشافي لمعتقداتي الداخليه اللي بتحركني وبدايه لتبني مفاهيم اللايف كوتشنج في شغلي واللي علمتني اني اولا لازم افهم نفسي قبل ما احاول افهم الاخري...
من حوالي 14 سنه تقريبا والدي توفى ، كنت نايم لما ل...
views 40
من حوالي 14 سنه تقريبا والدي توفى ، كنت نايم لما لاقيت اختي بتصحيني وسط صريخ وعياط وبتقولي اصحى بابا مات ! مكنتش مدرك ايه اللي بيحصل ، بس كل اللي فاكر...
خلال ايام هنفتح باب الحجز لكورس نوفمبر .. العدد ال...
views 15
خلال ايام هنفتح باب الحجز لكورس نوفمبر .. العدد المرة ديه مينفعش يستمر ويتمدد زي اخر مرة في تجربة أكبر كورس للممارس التنويم الإيحائي في الشرق الاوسط ....
كنت خايف اسافر لبلد بتتكلم انجليزي ، مع ان تعليمي ...
views 155
كنت خايف اسافر لبلد بتتكلم انجليزي ، مع ان تعليمي انجليزي بس كنت حاسس اني مش هعرف أتكلم ، ولما كنت في بلدي وبهتلر نفسي كنت بلاقي نفسي مش عارف اقول جمل...

About the author

Engy Ragab

Leave a Comment