داعش

من خلال رؤيتي للموقف اكتشفت الاتي :

داعش مش مخيفه علشان بتقتل الناس ، داعش مخيفة علشان مجموعه الناس ديه كانت بالشجاعه انها تنفذ اقصى طموحك وأفكارك

بدون تعميم ، بس بنكره داعش علشان بتقتل ناس بريئه 
بس فكر فيها كده ، ليه لما اعدموا مصريين زعلنا واهتمينا ولما اعدموا جنسيات تانية مر الموضوع مرور الكرام ؟ 
سكوتك لوحده عن اعدام ناس من جنسيات متختلفة هو التطرف في حد ذاته ، ولو مش مصدقني خليني اسالك …

لو داعش عملت نفس اللى عملته في جنود يهود ، هتزعل ولا هتفرح ؟
طيب لو عملوا كده في ألد اعداءك ؟
طيب لو داعش بكرة الصبح قالتلك انها هتطبق شرع الله في الزكاه وهتوزع فلوس الزكاه على المسلمين في كل مكان وهيوصلك منها جزء ؟

خليني اقولك معلومة … أقل خير بيعمله ظالم ، بيوصل جوا قلبك اسرع من البرق ، وفي المقابل لو حد عادي مش ظالم او طيب عمل خير اضعاف مضاعفه ممكن حتى متفكرش فيه ، مش بس كده ، لو عدوك عمل خير هتبدأ تكرهه وتضاعف عداءك ناحيته ..

بس للأسف احنا مش هنعمل كده تجاه الدواعشه . ليه بقى ؟ لانهم اصلا مش اعداءنا !

هما اللى قالولنا انهم اعداء .. الشىء اللى ميخصكش ، حتى لو اقتنعت بيه بتفضل حته صغيرة كده جواك زي باب صغير بيعدي لجواك افكار ومشاعر تجاه نفس الناس اللى اقتنعت انهم اعداءك غصب عنك .

لو جاوبت سؤال او اتنين بانك هتتعاطف ، تبقى داعشي صغير متخفي ..

داعش هما الشيطان اللى قرر ميوسوسش ، قرر ينتقم من بني آدم في العلن . داعش بتزيد لذتهم في كل أعمال العنف اللى بيعملوها واللى بتخاطب الجزء السادي اللى جوانا . بنموت في اللى بيخنق علينا ، بنسقفله ، بنببرله أفعاله ، وبنشجعه وبنموت علشانه بعدين .

داعش مكونه من ناس ، منهم اللى اتظلم وبينتقم ، ومنهم اللى عايز يدخل الجنه ، ومنهم اللى مستلذ فكره العنف والاكشن ومنهم ابن الناس اوي اللى مش لاقي نفسه ولا لاقي احترام ليه ومنهم اللى عايز ياخد فلوس وميهموش اي حاجة . ومنهم انت

حتى لو انت بعيد عنهم ده ميمنعش كونك مجند خامل بالنسبة لهم وهما عارفين بالظبط هيجيبوك ازاي .

عارف انت لما تشوف واحدة حلوة اوي وماشية عريانه ، وتقوم باصص عليها النظره الاولى وتقول “ايه ده استغفر الله العظيم” انت جواك بيبقى فيه تلات مشاعر “استثاره” – ولو قولت عكس كده فكر تاني – “حزن” لانك شايفها بتعصي ربنا” – زعل لانك انبسطت لما شوفتها وانت عارف .

تخيل ، تلات مشاعر متناقضة جواك ، في نفس اللحظة . تخيل بقى لو البنت ديه جت كلمتك علشان تنصحها .. هتغض بصرك ؟ وهتنصحها ؟ 
بذمتك ؟
طب عيني في عينك؟

وده اللى ربنا بيقوله “غض بصرك” ، “ابعد عن الفتنه” ، “متقربش الخمر” ، ليه بقى ؟ لان ربنا عارفك ، هو اللى خلقك ، وعارف انك اسهل ماتكون للفتنه ، الفتنه ممكن تصيبك اسرع من سهم عنترة بن شداد .

لورانس العرب كان بيكلم الجنرال في الفيلم فبيقوله “انا قتلت واحد” فالجنرال بيرد عليه وبيقوله “ان ده طبيعي انه يحصل وبيشجعه انه ميزعلش نفسه” لورانس بيقوله المشكلة اني كنت مبسوط لما قتلته”

اخي الفاضل خليك صريح مع نفسك ، وابدأ اتعامل مع نفسك من المنطلق ده ، انك معرض للفتنه

اعرف ان القضاء على داعش يبدأ من ترويض نفسك انت ، اعادة ترتيب قيمك واختبارها من جديد .

اعرف ان القضاء على داعش مش بالخطب الرنانه ولا بالبوستات على الفيس بوك ، الموضوع بيبدأ حرفيا منك انت .

انتشارهم واتساعهم مش علشان ماسكين على الناس بتوعهم ذله
بس علشان اغلب الناس بتوعهم جولهم بكامل ارادتهم .

داعش هو العين السحريه اللى بتشوف من خلالها الحياة اللى انت بالظبط بتتمناها ، فلوس ، جهاد ، موت ، قتل ، جنس ، حريه ، حماس وادرينالين .

وبتقعد تحاربها ، لمجرد انك مش معاك المفتاح للباب ، بس عارف .. الباب ده لو اتفتح ….

‫#‏نهادـرجب

مقالات مرتبطة

مستنيكم ع السناب تشات. حاجات حلوه هتعجبكم هتكلم ع...
views 237
مستنيكم ع السناب تشات. حاجات حلوه هتعجبكم هتكلم عنها nihadragab Source
أهل تونس الكرام وحشتوني جدا ان شاء الله خلال ايا...
views 211
أهل تونس الكرام وحشتوني جدا ان شاء الله خلال ايام هنبدأ دبلوم التنويم بالإيحاء بالجميلة سوسة الدبلوم الاشهر في تحسين القدرات والتخلص من المشكلات و...
احنا بنحب نغلف الحاجات #نهاد_رجب | نهاد رجب...
views 552
احنا بنحب نغلف الحاجات ... إدخل هنا تأتي إليكم من الموقع الرسمي نهاد رجباحنا بنحب نغلف الحاجات #نهاد_رجب احنا بنحب نغلف الحاجات بنغلف البنت بحجاب و...
كيف يمكنك الاستفادة من التنويم بالإيحاء – #...
views 185
كيف يمكنك الاستفادة من التنويم بالإيحاء - #التنويم_بالإيحاء_مع_نهاد_رجب الحلقة 6 انضم للصفحة وادعوا اصدقائك للاستفادة. الصفحة الرسمية للمدرب والمعالج...
اعطي للناس مايريدون مادمت تستطيع...
views 2187
  قاعد جمبي وانا في المايكروباص ورا ، بيبص في الموبايل بتاعي وانا بلعب Subway surf هو في اواخر الاربعينات او اوائل الخمسينات فيه شب...
بقالي فترة موقف اي ظهور على اي قناة في التلفزيون ب...
views 52
بقالي فترة موقف اي ظهور على اي قناة في التلفزيون بس لما الاقي تليفون من زياد العلي وبيقولي انه هيستضيفني الاتنين (بكرة) على راديو مصر الساعه 11 في راد...
يوم الجمعه #نهاد_رجب
views 1302
    جمعه مباركه يوم الجمعه بيتعرف ويتحس حتى في الدول اللي فيها الجمعه يوم عمل الإعجاز ده يخليك تقدر اليوم ده بالتحديد وتنتظره زي ما بت...
قوانين التواصل مع الوعي والحصول على الوفرة لـ نهاد...
views 10890
تحدثت في مقالة سابقة حول الوعي والوعي الأعلى عن الفرق بين الوعي والوعي الأعلى وماهيه الوعي الأعلى طبقا لأقوال العلماء ، الآن في هذه المقالة سأتحدث معك...
شاهد كيف يمكن تقوية نظرك بالتنويم الإيحائي | تجربة...
views 77
شاهد كيف يمكن تقوية نظرك بالتنويم الإيحائي | تجربة شخصية لـ نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب ...
متجه الان في رحلة وعي الى سانت كاترين ب سيناء دع...
views 180
متجه الان في رحلة وعي الى سانت كاترين ب سيناء دعواتكم Source

About the author

Engy Ragab

Leave a Comment