ربنا عز وجل قالنا نغض البصر
مقالش “متفكرش اصلا”
هو عز وجل عارف نفسيتك وعارف سيكولوجيتك ، هو اللى خلقك وهو اللى عارفك
مقالش متحبش الخمره واكرهها
قالك متشربهاش ولا تقعد في مجالسها
ربنا مأمركش انك توقف مشاعرك
هو عارف انك انسان
هو قالك متعملش كذا وكذا
ربنا عز وجل خاطب السلوكيات
اكتر ما خاطب النفس

واحدة كلمتني من المانيا بتقولي ان جوزها بيخونها ، تعمل ايه علشان يبقى مخلص .. قولتلها مفيش حاجة اسمها راجل مخلص الا في دماغك ، وعمرك ماهتلاقي راجل مخلص ، اللى هتلاقيه راجل “عقيدته” او “سياق حياته” بيمنعوه انه يمارس شىء خاطىء . الخطأ هو انك تهاجم نفسية الشخص ، عدل سلوكه وعلمه انه يحافظ على ده .. متدخلش جوا نفسه وتجبره انه يعدلها ..

الانسان بيكذب ، بيسرق ، بيزني ، ما اكفره ! يعني شوفوا ربنا عز وجل بيتكلم ازاي عن الانسان ؟ هو عارفك ، هو خالقك لا شريك له .

فلما رب العالمين يأمرك بتغيير سلوكيات ، وانت كبشر تأمر الشخص بتغيير مشاعره التلقائية اللى هو نفسه ملوش تحكم فيها ، تبقى غريب وعجيب ومريض .

لو قولت لابنك متبقاش كذاب
هنفترض انه هيعيش عمره مش كذاب
بس من جواه هو مليان اعتراضات
ومشاكل
كان لازم تقوله ايه هو الكذب ، وايه التصرفات اللى هتبعده عنه

تركيبة دماغ الانسان تخليه على شفا حفرة ، دايما مستني يخرج ، يطلع ، يتغير ، يكسر النمط . هو بس مستني الفرصة . متقنعنيش انك كويس طول الوقت ، وانك ملاك .. لاني مش مصدقك . ربنا قالي عنك غير كده . وانا بثق في ربنا اكتر .

كان فيه من صحابه رسول الله صلى الله عليه وسلم ، منافقين ، ربنا قال انهم منافقين ، والرسول في احاديث كان عارف ، متجيش تقنعني انهم ملايكة ، لما سيدنا محمد ربنا يعاتبه في سورة عبس وتولى ، هتيجي انت تأله رفاقه ؟ محدش ملاك والا كان ربنا عز وجل أمر الرسول بذبحهم . الرسالة موجودة علشان تستخدم امكانياتك بشكل افضل ، مش انها تغيرك وتبدلك ، والا كإنك بتقول ان خلق الله فيه خطأ حاشا لله ..

الله رحيم ، والله العظيم رحيم ، وخلقك في احسن تقويم ، بس اللى معاك تقدر تستخدمه في الخير او الشر ، والرسالة بتحاول تغير طريقتك في التعامل مع النفس عن طريق تغيير سلوكياتك واستخدام ارادتك في تغيير توجهاتك . بس من جواك ، بعمق من جواك ، انت شيطان.

يومكم أجمل من يومي .

#نهاد_رجب

مقالات مرتبطة

لخلوف فم الصائم أطيب عند الله من رائحة المسك الل...
views 53
لخلوف فم الصائم أطيب عند الله من رائحة المسك الله يشم ؟ هل الحديث ده معناه ان ريحة فم الصائم لازم هتكون سيئة بسبب صومه ؟ هل ده معناه اننا منستخد...
الخطوة اللي تاخدها لهدفك في خيالك تتحسب | نهاد رجب...
views 215
الخطوة اللي تاخدها لهدفك في خيالك تتحسب Source
– متزعلش من فلان ده طيب واللي في قلبه على لس...
views 25
- متزعلش من فلان ده طيب واللي في قلبه على لسانه - ماهو المصيبة ان كل ده يطلع في قلبه اصلا ! مش مهم هو قاله ازاي - متزعلش من فلان ، هو طيب والله بس ...
ناس
views 2044
  الانسان ده غريب ، عنده قدرة بشعة انه يحب اين كان حتى لو مكنش فاهمه او عارف هو ايه. تلاقي واحد بيحب قطة وواحدة بتحب كلب وواحد بيحب واحدة شافها ...
الخطة الكاملة لتحديد وتحقيق الهدف (ميني كورس مجاني...
views 55
الخطة الكاملة لتحديد وتحقيق الهدف (ميني كورس مجاني) - نهاد رجب https://www.youtube.com/edit?o=U&video_id=GUmXKanjFxc ستتعلم في هذا الكورس التدريبي ال...
ده يا سيدي اصغر ستوديو رمزي التكلفة في مصر لو اشت...
views 51
ده يا سيدي اصغر ستوديو رمزي التكلفة في مصر لو اشتريت ربعه من أمازون هتدفع حوالي ٤٠ دولار (+ مصاريف الشحن حوالي ٢٥ دولار) يعني تقريبا ١١٧٠ جنيه واللي ...
قوة التأثير والإقناع مع نهاد رجب للحجز : انك تد...
views 75
قوة التأثير والإقناع مع نهاد رجب للحجز : http://goo.gl/forms/BlgX0bwwVq انك تدخل جوة دماغ الشخص الي بتكلمه وتفهم نفسيته وتعرف ازاي ممكن تتعامل معاه ...
تقدر تسلم علي حد وتدخله في تنويم إيحائي باسلوب ايج...
views 67
تقدر تسلم علي حد وتدخله في تنويم إيحائي باسلوب ايجور ليدوخوسكي خلال ثواني وترمي اقتراحاتك وتكررها وتمشي ؟ طب انت تقدر تتخيل ازاي ده مهم ؟ والفرق ال...
ماهو التنويم الإيحائي وكيف يمكنك الاستفادة من جلسا...
views 612
ماهو التنويم الإيحائي وكيف يمكنك الاستفادة من جلسات التنويم المغناطيسي | نهاد رجب في هذا الفيديو اتحدث عن تعريف سريع حول التنويم الإيحائي وكيفية الاس...
فتح باب الجلسات الخاصة الفردية للدعم بالتنويم الإي...
views 263
فتح باب الجلسات الخاصة الفردية للدعم بالتنويم الإيحائي مع المدرب والمعالج نهاد رجب لحجز ميعادك يمكنك الاتصال على 01122221238 مركز لايف ان بالانس ،...

About the author

Engy Ragab

Leave a Comment