زلزال !

يمكن يكون المعنى العلمي لفكرة الزلزال مختلف تماما عن ادراكي الحالي ليه .

عمرك تفكرت في التشابه العجيب مابين الانسان والارض والكون ؟ تشابه يحسسك ان بشكل او بآخر فينا تشابه على المستوى الفيزيائي والكميائي والشكلي والكمي ، تخليك تسبح الله عز وجل ، وتفتكر مقولة سيدنا علي بن ابي طالب لما قال “أتحسب أنك جرم صغير؟ وبك إنطوى العالم الاكبر !!”

وكإن مقولة سيدنا علي بتلخص الحياة في 8 كلمات ، التشابه ده ، يخليك تتثبت من حتميه وجود إله ! الانسان المتشابه بشكل حرفي في تكوينه مع الكرة الأرضية في نسب الارض والمية على الارض ونسبة المية والجلد والعضم والمية اللى موجودة جوانا !

يخليك تفكر في إن حتى البراكين والحمم البركانية بتتشابه في معناها وشكلها مع بعض الأمراض اللى بتصيب الجسد ! حتى الرياح والأعصاير ، حتى الأمطار اللى بتيجي تنضف الارض بعد عاصفه من العواصف الرملية ، بتتشابه بدرجة كبيرة مع الجهاز المناعي للإنسان اللى بيحمي الانسان من الأمراض وبيفرز مواد كيميائية بتساعد الانسان انه يتخلص من أثار الأمراض اللى صابته .

لما تيجي تتفكر في ازاي الكون بيتسع ، وازاي ان الانسان بنفس الشكل وبنفس الدرجة بيكبر ، وان فلسفة الكبر والنمو موجودة في كل الاشياء ، يا أخي ده حتى الفلاسفة اللي اتكلموا عن وجود الين واليانج “الذكر والانثى في الاشياء” موجود في الانسان على هيئة هرمونات ذكورة وأنوثه ، ولما تعرف ان الكون لما بيقف اتساعه بيبدأ ينهار تكتشف ان الانسان بينمو اكتر واكتر وفي اللحظة اللى هيوصل لدرجة معينه من النمو هيبدأ ينهار على نفسه ويموت وينهار !

تشابه عجيب يمكن حتى ماكس بلانك عالم الفيزيا الشهير اتكلم عنه واتكلم عن وجود شبكة بتربط كل الجزيئات الموجودة في الكون في شبكة يقودها عقل ذكي . ماكس بلانك وصف بالظبط نفس الفكرة من اننا كلنا مترابطين ، متصلين ، على نفس المستوى ، والتشابه اللى موجود ده أكيد ليه معنى .

حتى التطور اللى حصل للإنسان واللى اتكلم عنه داروين حصل في الكرة الأرضية من مليارات السنين لحد ماوصلت للشكل الحالي لتنظيم القارات على سطحها .

عددنا بالمليارات ، بيموت منا ناس في نفس الوقت بتتولد ناس جديدة ، والحياة مستمرة ، بالظبط زي خلايا الجسم اللى بتموت وبيعيد الجسم انتاجها من جديد . وكإننا عايشين في عقل انسان ما ، منعرفش عنه حاجة بس احنا كبشر متشابهين مع الناقلات العصبية الموجودة في مخ الانسان ، والى بتنقل معلومات وخبرات .

الفكرة ديه كان بدأها الهنود ويمكن قبلهم بألوف السنين وصلها ناس تانية ، فكرة الأكاشا ووجود وعي جماعي وترابط وتشابه . ويمكن ده اللى خلاني ابحث عن متخصص في neuro chemistry علشان ابدا اربط بين اللى بيحصل معانا كبشر واللى بيحصل جوا الانسان .

ويمكن ديه تكون طريقة لإقناع الملايين بوجود الإله في حالة التاكد من وجود التشابه ده .

الزلزال اللى حصل ، هو رجة حصلت للكرة الارضية ، حسينا بيها وفيه مننا اللى مقدرش يحسها ، لكنها في النهاية رجة بشكل او بآخر بتفيد في تكوين الارض ، على المستوى الإنساني كلنا محتاجين الرجة ديه ، الزلزال ده علشان نقدر ننضف نفسنا من كل اللى اتعلق بينا من زيادات ، وكإن الزلزال ده بينضفنا من التراب اللى علق علينا ، زلزال بيحصل للانسان بشكل متعمد او تلقائي بيفكره بحياته ، والعمر اللى بيجري والاهداف اللى متحققتش والافكار السلبية اللى محتفظ بيها .

مين فينا لما بيحصل زلزال مش بيتشهد ؟ مش بيفتكر ربنا ؟ مش بيفكر في كل الماضي بتاعه  ، مين فينا مبيخافش؟ مين فينا مبيفكرش انه هيعيد ترتيب حياته لو ربنا كتبله النجاه ؟

بس استنى شوية كده لما الزلزال يبدأ في الزوال ، وتوابعه تخلص ، ويبدا الشخص ياخد نفسه علشان يكمل في اللى هو عاش عليه وهيموت عليه . وحتى الزلزال اللى هو غضب من ربنا عز وجل ، حتى الغضب فيه حكمه للرحمه ! علشان يفكرك إنك لازم تاخد بالك . انك لازم متسيبش نفسك لإن العالم كله بيتأثر بيك . أيها الناقل العصبي لازم تعيد تهيئة نفسك والا هتكون سبب في تأثر ناس كتير اوي بيك ، فكان لازم زلزال يصحيك .

الزلزال ممكن يكون موت شخص عزيز ، ممكن يكون هدف متوفقتش فيه ، او اي خبر تقيل عليك ، الزلزال هو إشارة من الاشارات اللى بتفكرك وبتنضفك وبتنقيك ، بس كل اللى انت محتاجه انه يكون عندك الحكمه لإدراك الحكمه .

جزء من فصل إشارات بكتاب “إشارات” قريبا ان شاء الله .

والباقي في برنامج “بدايات عظيمه” واللى هيكون بدايته مع “قوانين الحياة” يوم 10 يوليو القادم ان شاء الله في الدقي ، القاهرة . اتاكد انك تحجز مكانك معانا علشان نتعرف سوا على القوانين ، علشان نفهم سوا .. الاشارات .

#نهاد_رجب

مقالات مرتبطة

الإقناع بدايته الشغف يتوسطه النية الطيبة وخاتمته ا...
views 105
الإقناع بدايته الشغف يتوسطه النية الطيبة وخاتمته التخيل اذا اردت اقناع الناس بالمنتج ، كن شغوفا له ، هذا الشغف سيخلق بك طاقة ، طاقة سيتجعل نيتك طيبة...
طور نفسك لحد ما يصعب على الناس حتى تقليدك جدد أدو...
views 592
طور نفسك لحد ما يصعب على الناس حتى تقليدك جدد أدواتك لدرجة انك تكون مختلف كل مرة في أدائك تميز في اللي بتعمله دلوقتي وكإنك اتخلقت علشانه حب يومك...
وصلت ولله الحمد ، اداة خاصة بالتنويم الإيحائي تستخ...
views 257
وصلت ولله الحمد ، اداة خاصة بالتنويم الإيحائي تستخدم لتحفيز العقل على الدخول في ترددات عقلية مختلفة تسبب الترانس وتقبل الاقتراحات استعدوا يا ممارسين...
التنويم الايحائي مغامره مشروعه في دماغ الناس قدر...
views 153
التنويم الايحائي مغامره مشروعه في دماغ الناس قدرتك على استخراج الكلمات ذات المعاني من كلام الناس الفوضوي وربط القصه ببعضها وشرحها ليهم في النهايه وت...
تم بحمد الله الانتها من كورس التنويم بالإيحاء (الم...
views 202
تم بحمد الله الانتها من كورس التنويم بالإيحاء (المرحلة الاولى والثانية) في فرنسا ، ايفري وعمل مجموعة مكثفة من الجلسات الدعم النفسي ثم الانتقال الى ب...
في شغلك خلي عندك مهارة محدش يحلم يقلدك او ينافسك ف...
views 159
في شغلك خلي عندك مهارة محدش يحلم يقلدك او ينافسك فيها .. ساعتها بس هتنجح وتنطلق . Source...
خلال الفترة القادمة هنشط في ال Social Experiments ...
views 169
خلال الفترة القادمة هنشط في ال Social Experiments "التجارب الاجتماعية" وهي بتكون تجارب نفسية بقيس نتايجها وبدرسه وببدأ اناقشه في الدورات او المحاضر...
للزمن #نهاد_رجب
views 1248
    للزمن بنحوش للزمن ولما بيعدي الزمن تكتشف ان قيمه الفلوس كانت زمان وانها دلوقتي متساويش . بنتجوز للزمن ولما بيعدي الزمن بنكتشف ان...
انتظروني خلال دقائق مع فيديو جديد لايف ل إسأل نهاد...
views 48
انتظروني خلال دقائق مع فيديو جديد لايف ل إسأل نهاد 🙂 Source
كنت خايف اسافر لبلد بتتكلم انجليزي ، مع ان تعليمي ...
views 154
كنت خايف اسافر لبلد بتتكلم انجليزي ، مع ان تعليمي انجليزي بس كنت حاسس اني مش هعرف أتكلم ، ولما كنت في بلدي وبهتلر نفسي كنت بلاقي نفسي مش عارف اقول جمل...

About the author

Engy Ragab

Leave a Comment