الغراب 

الغراب هو المعلم الأول للبشرية ، من صغري وانا بستغرب مش ان غراب قدر انه يوصل رسالة لإنسان .. انا اللى شغلني اكتر هو ان ربنا يختار غراب علشان رسالة واللى شغلني اكتر واكتر ، استيعاب سيدنا قابيل للموقف وتعلمه منه .. 

فكرة الاختيار ، كانت اكتر حاجة شغلاني ، ان ربنا يختار ، وربنا ممكن يختار انسان او نبات او حيوان او حتى جماد علشان يوصلك رسالة ، بس صاحب الحكمه هو اللى بيفهم الرسالة .. 

دعوتنا لله عز وجل ، مش محتاجه زي مافهمنا ان ربنا عز وجل يأجل استجابته ، لدرجة اني متخيل ان الله عز وجل بيحط الدعوة على السنتنا علشان نقولها فتنفذ . بس المشكلة الوحيدة هو الإيجو بتاعنا اللى بيخلينا نستنى الدعوه تستجاب بالشكل الأفضل من وجهه نظرنا احنا . وعندي اعتقاد قوي جدا ان في اللحظة اللى هتنطق فيها انت عايز ايه ، بتتنفذ دعوتك ، وخطط كاملة بيتم تنفيذها علشانك .. لمجرد انك نطقت .. الحكيم هو اللى بيقدر يشوف نتيجه الدعوه في نفس اللحظة اللى دعى فيها . وكل مابيشوف وبيركز كل ما بتزيد . او بمعنى تاني ، لو انا عايز مثلا فلوس في حياتي ، وركزت على وجودها مهما كان بسيط ، ده بيخليها تزيد ، شكرنا لله على النعم بيزيد النعمه . ولو عايز علم ، فانت لما بتركز على طاقة بتزيد ، والفلوس طاقه ، الشكر هو ترديد مستمر وتركيز مستمر على وجودها فبتزيد ، في اللحظة اللى هتبطل تشكر او علميا “تركز” هتبدأ الطاقة تختفي من حياتك او تتحول لأي شكل تاني . 

ربنا عز وجل بيقول “إِنَّ اللَّهَ يُمْسِكُ السَّمَاوَاتِ وَالْأَرْضَ أَنْ تَزُولَا ۚ وَلَئِنْ زَالَتَا إِنْ أَمْسَكَهُمَا مِنْ أَحَدٍ مِنْ بَعْدِهِ ۚ إِنَّهُ كَانَ حَلِيمًا غَفُورًا” 

ومتخيل اني كإنسان انا كمان بمسك السموات والارض بس بشكل مختلف ، السموات هو بشكل ما بتساوي الروحانيات عندي والارض هو الجسد المادي والشهوات والدنيا اما اللى بيربطهم وبيحافظ على الجاذبيه بينهم هو القلب اللى بيدور حواليه الاتنين . والانسان المتزن هو اللى بيحافظ على وجود الشيئين في نفس اللحظة في نفس الوقت . المشكلة بتحصل لما نركز على جزء ونسيب التاني ، متمسكين بالدنيا والارض ، فالسماء بتبدأ تزول وفي النهاية بنكتشف الصلة والارتباط بين الاتنين . وبنعرف ان مفيش حاجة اهم من حاجة . الحالتين المادية والروحانية ، بنفس الاهمية في النهاية . 

الشاهد ان كل حاجة حواليك هي معلم ليك ، كل شىء هو غراب ، انت بس محتاج تديله التركيز المناسب وتفهم الرسالة . البوست ده في حد ذاته رسالة وانا مؤمن أشد الإيمان اني كتبته بحروف اخترها قدري وقدرك علشان يتلاقوا في نقطه توصلك لنتيجه او ترد على سؤال عندك انا معنديش اي فكرة عنه . 

في كيرلا ، الهند ، في بحيرة هناك نسيت اسمها ، بتاخد مركب من الفندق بتاعك وبتروحها ، بتعدي على جزيرة اسمها جزيرة الغربان ، انا مكنتش فاهم ليه بيطلقوا عليها كده بس لما روحت كان واضح جدا من الاف الغربان المتواجدين في اعلى اشجار الجزيرة . مئات الالاف بلا مبالغة ، كنت مع المتدربين فناديت قولت الله اكبر ، في نفس اللجظة سمعت صوت الغربان بيردد صوت مبهم ، كان جمبي صديق سمعني فقالي “الغربان رددوا التكبير” فابتسمت وقولت اكيد لأ ، بس سكت شوية وقولت “ليه لأ؟” 

حتى لو كان ده غير حقيقي ، بس مجرد ان الفكرة ديه تيجي في بالك ، يمكن ده في حد ذاته تكون رسالة .. 

جرب كده 🙂 فكر في أي مشكلة عندك ، واسمع الاشارت ، افتح القرآن ، او اي كتاب ، على اي صفحة عشوائية وحط صباعك على اي اية او جمله .. واربطها بحل مشكلتك .. 

جرب تخرج برة البيت ، وتحط نيه انك تلاقي حل لمشكلتك ، غمض عينك وفتح وبص حواليك ودور على الاجابة اللى اقسم بالله موجودة قدامك بس هي بس محتاج انك تشغلها عقلك . 

ومازال الغراب هو الطائر المفضل لدي 🙂 المعلم 

نهاد رجب

مقالات مرتبطة

عناصر نجاح جلسة التنويم بالإيحاء – #التنويم...
views 290
عناصر نجاح جلسة التنويم بالإيحاء - #التنويم_بالإيحاء_مع_نهاد_رجب الحلقة 5 انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد ر...
عايز تنسى حد او تتخطى تجربة عاطفية ؟ ركز في الفيدي...
views 126
عايز تنسى حد او تتخطى تجربة عاطفية ؟ ركز في الفيديو ده للآخر | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب ...
– يعني ايه تنويم ايحائي ؟ – يعني تغيي...
views 219
- يعني ايه تنويم ايحائي ؟ - يعني تغيير برمجتك وملفاتك العقليه فتفتح عينك وتتغير اسقاطاتك على العالم وتشوفه بشكل مختلف - بس احنا مش عايزين ننام ! احن...
مش كل حاجه حصلت نعديها ونقول اصلنا بنتعلم منها- نه...
views 3706
  مش كل حاجه حصلت نعديها ونقول اصلنا بنتعلم منها اللي يقولك انسي الماضي واتعلم منه اضربه بالقلم وقوله ديه ضربه قديمه انساها واحمي وشك المو...
محتاج رأيكم ضروري لدراسة الأمر بناء على اغلبية الر...
views 215
محتاج رأيكم ضروري لدراسة الأمر بناء على اغلبية الردود لو هعمل سلسلة فيديوهات على اليوتيوب والفيسبوك ... تحبوا السلسلة تبقى : يومية اسبوعية ؟ وا...
وأنتم موقنون بالإجابة | نهاد رجب...
views 45
وأنتم موقنون بالإجابة Source
إسمي … أحمد من فترة شوفته في المنام كان ا...
views 89
إسمي ... أحمد من فترة شوفته في المنام كان اتولد ، بسأله انت اسمك ايه ؟ لاقيته نطق وقالي بصوت متقطع "أنا اسمي أحمد" .. كنا انا وغادة قبل الحلم عما...
بجهز لحاجات حلوة جدا في كورس التنويم الايحائي اغسط...
views 49
بجهز لحاجات حلوة جدا في كورس التنويم الايحائي اغسطس ٢٠١٧ .. ومفاجآت واستضافات لمتخصصين وموديلات وافكار كتير هتعجبكم ان شالله شكرا لكل الناس اللي ح...
اليوم للأسف كان صعب يكون فيه بث مباشر جديد ل إسأل ...
views 46
اليوم للأسف كان صعب يكون فيه بث مباشر جديد ل إسأل نهاد .. بس استنوني بكرة :))) Source
غدا ان شاء الله يوم مكثف ، هيبدأ بجلسات تنويم إيحا...
views 188
غدا ان شاء الله يوم مكثف ، هيبدأ بجلسات تنويم إيحائي في مدينة نصر ، ثم اجتماع خاص مع أكبر مؤسسات السوشيال ميديا ثم حلقة خاصة حول الخوارق وتفسيرها العل...

About the author

Engy Ragab

Leave a Comment